កែវ កល្យាណ ៖ឡើងផ្ទះវីឡារធំស្កឹមស្កៃ

ភ្នំពេញ៖អតីតតារាសម្ដែងទសវត្សន៍ឆ្នាំ៨០និង៩០អ្នកនាងកែវ កល្យាណ បានធ្វើពិធីឡើងផ្ទះ​វីឡារ​របស់នាង​កាល​ពីល្ងាចថ្ងៃទី២៥ខែមិថុនាឆ្នាំ២០២២ នៅខណ្ឌសែនសុខ ដោយមានតារា​ជិតស្និតទៅចូលរួមអបអរ​សាទរ​នាងមាន​ដូចជាលោកយុត្ថារ៉ា​ ឆានី ,អ៊ឹង ប៊ុនលាភ ,ឯក អម​រា,រ័ត្ន រចនា និងយក់ ថិតរដ្ឋា ជាដើម។តាមការប្រ​ម៉ាណផ្ទះ​វី​ឡារ​​ទោលរបស់អ្នក​នាង​កល្យា​ណ មានតម្លៃមិនក្រោម៣០ម៉ឺនដុល្លារឡើយ ហើយមុនឡើងផ្ទះ​ថ្មីនេះ​អ្នកនាងធ្លាប់​ប្រាប់​អ្នក​យកព័តមានយើងថាបានលក់ផ្ទះវីឡារដែលនាងបាន​សាងសង់ផ្ទាល់ខ្លួនជាម៉ូដបែប​ផ្ទះអភិជន​របស់ថៃ​នោះទៅហើយដើម្បីយកលុយឲ្យកូនប្រុសស្រីរបស់នាងទាំងពីរបន្ដការសិក្សារនៅបរទេស តែអ្នកនាងបានទិញ​ផ្ទះ​វីឡារ១ថ្មីនៅក្បែរផ្ទះចាស់ដែរ ហើយសល់លុយកាក់​ខ្លះទុកផ្គត់​ផ្គង​​ការសិក្សាររបស់កូនៗនាង។

 សូមបញ្ជាក់ថាអ្នកនាងកែវ កល្យាណ បានផ្អាកអាជីពសិល្បៈជាង១០ឆ្នាំមកហើយតែ​នាង​បាន​ឲ្យកូនស្រីឈ្មោះ​កែវ ឡាវីញ ជាអ្នកបន្ដវេនសិល្បៈពីនាងតាមរយៈការចាប់អាជីព​សម្ដែង។ប៉ុន្ដែអ្វីដែលអ្នកនាងកល្យាណ ឈឺ​ក្បា​លនោះគឺក្រោយឡាវីញ សម្ដែងរឿង​”រស​ជាតិ​អ្នកមាន”នោះស្រាប់តែមានព័តមានថា​កូនស្រីនាងនិងតារា​សម្ដែង​ស្រីឈ្មោះយ៉ា សុផាន់ម៉ៃ មានស្នេហាភេទដូចគ្នានៅក្រៅឆាក ទើបនាងព្រមានកូនស្រីថាលើកក្រោយៗបើ​ហ៊ាន​តែ​ថត​រឿង​ស្រីស្រលាញ់ស្រីទៀតនោះអ្នកនាងនឹងលែងឲ្យលេង​សិល្បៈជារៀងរហូតតែម្ដង។ថ្វីតែ​អ្នកនាង​កល្យា​ណ ព្រមានកូនបែបនេះក្ដី ប៉ុន្ដែគេឃើញរាល់កម្មវិធីនៅផ្ទះរបស់អ្នកនាង​កល្យា​ណ ភាគច្រើនសុផាន់ម៉ៃ ទៅជួប​ឡា​វីញ ដល់ផ្ទះតែម្ដង។តែអ្នកនាងកល្យាណ បញ្ជាក់ថាកូន​ស្រី​នាងស្រលាញ់ប្រុសពេញលក្ខណៈ មិនមែន​ស្នេ​ហាស្រីដូចគ្នាឡើយ។

 គេកត់សម្គាល់ដែរថានៅថ្ងៃឡើងផ្ទះវីឡារថ្មីនោះអ្នកនាងកែវ កល្យាណ មិនបាន​បង្ហា​ញ​មុខស្វាមីនោះទេ ពោល​គឺនាងថតរូបតែជាមួយមិត្តភក្ដិប៉ុណ្ណោះ ខណៈដែល​កន្លងមកនាង​ថាស្វាមីរបស់នាងគឺជាអ្នកជំនួញ តែក្រោយ​មាន​កូនពេញវ័យក្រមុំកំលោះអស់

ទៅ​​​ហើ​​យ​​នោះ គឹនៅតែមិនទាន់ឃើញអតីតតារាល្បីល្បាញរូបនេះមានគម្រោងរៀបអាពាហ៍ ពិពាហ៍ដដែល។ចំណែកកាលពីពេលថ្មីៗនេះមានផលិតកម្មធំៗបានហៅអ្នកនាងកល្យាណ ថតសម្ដែងភាពយន្ដឡើងវិញ​ក្នុង​នាមជាតួម្ដាយ តែអ្នកនាងកល្យាណ ថានាងគ្មាន​គម្រោង​វិលរកអាជីពចាស់ទេ ព្រោះនាងបានជម្រុញឲ្យកូនស្រី​បន្ដវេនពី​នាងហើយដើម្បីជួយលើក​ស្ទួយ​​សិល្បៈ​ទី៧ឲ្យកាន់តែរីកចម្រើនថែមទៀត៕