Friday, March 29, 2024
Homeតារាខ្មែរមាស សុខសោភា ៖ប្រយ័ត្នប្រកែកលែងរួច

មាស សុខសោភា ៖ប្រយ័ត្នប្រកែកលែងរួច

ភ្នំពេញ៖អ្នកធ្វើភ្លេង(Composer)ម្នាក់ដែលធ្វើបទឲ្យតារាល្បីៗជាច្រើននិងស្និតជាមួយតារាជូរមុខរបស់រាម នោះ​បានប្រាប់អ្នកយកព័តមានយើងកាលពី​រសៀល​ថ្ងៃទី២៨មិថុនា ថាសុខសោ​ភា អាចនឹង​ប្រកែកលែង​រួច​តែម្ដង​ប្រ​សិនបើថៅកែស្រីរបស់ខ្លួនចង់​ឲ្យនាងរៀបការធំជាចំហ​ដើម្បី​ឲ្យសាកសមទៅនិងកិត្តយសរបស់​នាងដែល​អាច​ធ្វើ​នៅចុងឆ្នាំ២០២២ ឬដើមឆ្នាំ២០២៣ ខាងមុខនេះ។ការអះអាងបែបនេះក្រោយអ្នកយកព័តមាន​យើងបាន​សាកសួរ​តាមទូស័ព្ទទៅ​គ្រូ​ភ្លេង​ម្នាក់នោះពីដំណឹងរៀបការលើកទី៣របស់សុខសោភា ដែល​គ្រោង​ធ្វើជាចំហ​នោះតែ​ត្រូវ​បា​ន​លោកបង្ហើបថាមិនដែលឭសោភា និយាយរឿងនេះទេ ហើយ​លោកថាសោភា ជាអ្នក​ចាយលុយដែលមាន​ការ​ប្រុងប្រយ័ត្នណាស់ ហេតុនេះហើយលោក​ជឿរ​ថា​បើ​ឲ្យរៀបការធំ​ដុំ​ដូចគេប្រហែលជាសោភា នឹងពិចារណាយូ​ជាង​នេះថែម​ទៀតជាមិន​ខាន។ទោះជាយ៉ាងណា​អ្នក​ជំនាញធ្វើភ្លេងរូបនោះអះអាងថាមានតែមនុស្សម្នាក់ទេ ដែ​ល​អាច​ធ្វើឲ្យ​សោភា ប្រកែក​ឬ​ពន្យាពេលរៀបការលែងរួចទៀតនោះគឺថៅកែស្រីរាម ព្រោះសោភា និងម្ចាស់​ផលិ​ត​​កម្មមួយ​នេះ​មាន​ភាព​ស្និតស្នាលគ្នាខ្លាំងហើយសោភា តែងតែគោរពអ្នកនាងស្រីអូន ។

 ថ្វីត្បិតតែមានការបង្ហើបពីមនុស្សដែលស្និតស្នាលជាមួយមាស សុខសោភា ទាក់ទង​រឿងរៀបការរបស់នាងហាក់​ដូចជាមិនច្បាស់លាស់ក្ដី ប៉ុន្ដែក្នុងជំនួបកន្លងមកសោភា បានផ្ដល់​ចម្លើយប្រែប្រួលរហូតដូចជា​មាន​ពេលខ្លះនាង​ថាអាចរៀបការ និងជូនកាលនាងថាមិនដែល​គិត​ថា​ចង់រៀបការ​ចំហម្ដងណា​ឡើ​យ។ប៉ុន្ដែកាលពីឆ្នាំ២០២០ មាន​ព័តមានថាសុខសោភា និងស្វាមីនាងលោករ៉ាដា ចង់រៀបគម្រោង​រៀបការធំមិនឲ្យចាញ់ឱក សុគន្ធកញ្ញា និង​សុ​គន្ធ និសា ជាដើមក្រោយមានFan ជម្រុញនិងចង់ឲ្យតារាល្បីល្បាញ​រូប​នេះធ្វើពិធីឲ្យសាកសមទៅ​និងភាពល្បី​ល្បា​ញរបស់ខ្លួន តែដំណឹងនោះត្រូវបានរំសាយទៅវិញ ព្រោះ​តែអំឡុងពេល​នោះ​កូវីដផ្ទុះខ្លាំងពេក។ដោយឡែក​នាពេលបច្ចុប្បន្នកូវីដបានថមថយទៅវិញហេតុនេះហើយចុងឆ្នាំនេះឬដើមឆ្នាំក្រោយជាពេលវេលាដ៍សាកសមបំផុតសម្រាប់សោភា ប្រសិន​បើ​នាងពិតជា​មានចិត្តចង់រៀបការជាសាធារណៈ​ដើម្បីបញ្ចប់រាល់ព័តមានចរ​ចាមអា​រ៉ាម​​ទាំង​ឡាយមែន។

 ក្រៅពីមាស សុខសោភា តារាដែលផ្អាករៀបការដោយសារតែកូវីដនោះមានដូចជា​នាង​ពេជ្រ សូលីកា,ម៉ា នីកា ,ប៉ាច គីមមួយ និងទេព បូព្រឹក្ស ជាដើមដែលពេលនេះពួកគេកំពុងតែ​សាងស្នេហ៍ដោយមានក្ដីសុខបំផុត។ចំ​ពោះ​សុខសោភា វិញត្រូវបានមហាជន​សរសើរពីភាពរឹ​ង​មាំ​នៃចំណងស្នេហារបស់នាង ដែលអាចរក្សារបានរយៈពេល​ដល់ទៅ១៥ឆ្នាំ(២០០៧-២០២២)ទាំង​ដែលមិនទាន់បានរៀបការតាមប្រពៃណីខ្មែរជាចំហដូចគេនោះ។តែសោភា ធ្លាប់​​បានឆ្លងកាត់​ជីវិតអាពាហ៍ ពិពាហ៍មិនចំហ ចំនួន២ដងរួចទៅហើយ​គឺរៀបការតាមបែប​សាស​នាគ្រិស្ដ​នៅ​ព្រះ​វិហារមួយនៅកាណាដាកាលពីឆ្នាំ២០០៨ និងការនៅខ្មែរបែបលាក់​លៀម​ស្រ​ដៀងពិធី​សែន​​ព្រេន កាលពីថ្ងៃទី២៨​ខែធ្នូឆ្នាំ២០០៩ ។ជារៀងរាល់ឆ្នាំឲ្យតែដល់ថ្ងៃខួបអាពាហ៍ ពិ​ពា​ហ៍​របស់ខ្លួនសុខសោភា តែងតែចេញសារលើក​ប្ដី​ដែលហ៊ានលះបង់​គ្រប់បែបយ៉ាង​ទាំង​អស់​​ដើ​ម្បី​រូបនាង ព្រោះលោករ៉ាដា ដែលមានជំនាញជាគ្រូពេទ្យនោះ​បាន​បោះបង់​អាជីពរបស់​លោក​មកធ្វើការងារសិល្បៈជាមួយសោភា តាមរយៈលោកជាអ្នកគ្រប់គ្រងផលិត​កម្ម​Camtrax ជាកម្មសិទ្ធិរបស់សោភា ហើយលោកថែមទាំងជាអ្នកយូនិងជញ្ជូនអ៊ឺវ៉ាន់ឲ្យនាង​ឡើងច្រៀង​តាម​ឆាក​តន្រ្ដីទាំងឡាយផងដែរ ដែលសកម្មភាពបែបនេះមានបុរសតិចតួចប៉ុ​ណ្ណោះដែល​អាចធ្វើដូចលោកបាន។អ្វីដែល​គូរឲ្យចាប់អារម្មណ៍ថែមទៀតនោះលោករ៉ាដា មិនមាន​គម្រោ​ងនាំសុខសោភា ទៅរស់នៅកាណាដា​ដូចកាលពី​ឆ្នាំ២០១១ នោះទេ ព្រោះថាពេលនេះលោក​បានរស់នៅខ្មែរច្រើនជាងកាណាដាទៅហើយ​បន្ទាប់ពីបានចាប់ដៃ​គ្នាជាមួយសោភា បើកហាង​ដល់​ទៅ២ក្នុងពេលតែមួយ។

 អ្នកជំនាញសិល្បៈបានលើកឡើងថាពេលនេះមាស សុខសោភា មិនត្រឹមតែមានទំនាក់​ទំនងយ៉ាងល្អជាមួយថៅ​កែរាម នោះទេ ប៉ុន្ដែនាងក៍អាចបញ្ចប់អាជីពនៅជាមួយផលិតកម្ម​មួយ​នេះដែរដោយសារតែសោភា ជាផ្នែកមួយ​ដែលចាំបាច់ក្នុងមុខជំនួញសព្វថ្ងៃរបស់ថៅកែ និង​ជាការទប់ទប់របស់អ្នកលក់Online ដែលល្បីឈ្មោះ​ម្នាក់ទៀត​ដែលមានពេជ្រ សោភា ជួយ​ដែរនោះ។ប៉ុន្ដែគេជឿរថាតារាល្បីដូចសោភា នឹងមិនបណ្ដោយឲ្យអាជីពរបស់ខ្លួន​ធ្លាក់​​ចុះ​ដោ​យងាយៗនោះទេ ពោលគឺការចុះកុងត្រារយៈពេលខ្លីនៅរាម ធ្វើឲ្យនាងអាចបត់​បែនទីផ្សារសិ​ល្បៈ​បានគ្រប់ពេល ខណៈដែលមានផលិតកម្ម៣នៅតែបើកភ្លើងខៀវសម្រាប់សោភា ក្នុងនោះ​មាន​ដូចជា​ថោន ,Galaxy និងហង្សមាស៕

RELATED ARTICLES