អគ្គលេខាធិការអង្គការណាតូលោកJens Stoltenberg បានប្រាប់អ្នកយកព័ត៌មានកាលពីថ្ងៃព្រហស្បត៍ទី៣០មិថុនា
ថាអង្គការណាតូបានត្រៀមខ្លួនបង្កជម្លោះជាមួយរុស្ស៊ីតាំងពីឆ្នាំ២០១៤ដោយបង្កើនការចំណាយទៅលើយោធា និងបង្កើនការដាក់ពង្រាយកងទ័ពនៅអឺរ៉ុបខាងកើត។នេះបើយោងតាមការចេញផ្សាយរបស់សារព័ត៌មានរុស្ស៊ីRT។
ថ្លែងបន្ទាប់ពីកិច្ចប្រជុំរបស់សមាជិកណាតូ និងប្រទេសជាសមាជិកនៅទីក្រុងម៉ាឌ្រីដលោក Stoltenberg បានចោទប្រកាន់រុស្ស៊ីពីបទប្រើប្រាស់កម្លាំងនៅតំបន់ Donbass ភាគខាងកើតចាប់តាំងពីឆ្នាំ ២០១៤ទោះបីជាកងកម្លាំងរបស់ទីក្រុងគៀវបានបាញ់ផ្លោងចូលទីក្រុងនានានៅក្នុងតំបន់Donetsk និង Luganskដែលបានប្រកាសឯករាជ្យផ្តាច់ខ្លួនចេញពីអ៊ុយក្រែន ក៏ដោយ។
លោក Stoltenberg បាននិយាយថាដោយសារតែហេតុផលនេះហើយ ប្លុកយោធាដឹកនាំដោយសហរដ្ឋអាមេរិក បានសម្រេចចិត្តក្នុងឆ្នាំ២០១៤ដើម្បីចាប់ផ្តើមពង្រឹងកងកម្លាំងរបស់ខ្លួននៅអឺរ៉ុបខាងកើត។
លោកបានបញ្ជាក់ថា៖ «ការពិតគឺថាយើងបានរៀបចំសម្រាប់រឿងនេះតាំងពីឆ្នាំ២០១៤មកម្ល៉េះ។នោះហើយជាហេតុផលដែលយើងបានបង្កើនវត្តមានរបស់យើងនៅក្នុងផ្នែកខាងកើតនៃសម្ព័ន្ធមិត្ត។ហេតុអ្វីបានជាសម្ព័ន្ធមិត្តណាតូចាប់ផ្តើមវិនិយោគបន្ថែមទៀតលើវិស័យការពារជាតិហើយហេតុអ្វីបានជាយើងបង្កើនការត្រៀមខ្លួន របស់យើង។
យោងតាមតួលេខរបស់អង្គការណាតូ សមាជិកអឺរ៉ុបរបស់សម្ព័ន្ធភាព និងកាណាដាបានបង្កើនការចំណាយយោធារបស់ពួកគេចន្លោះពី ១,២% ទៅ៥,៩% ជារៀងរាល់ឆ្នាំចាប់តាំងពីឆ្នាំ២០១៤។ ទោះបីជាយ៉ាងណាក៏ដោយមានតែប្រទេសចំនួន១០ក្នុងចំណោម៣០នៃអង្គការណាតូនាពេលបច្ចុប្បន្ននេះ បំពេញតាមគោលដៅរបស់ប្លុកក្នុងការចំណាយ ២%នៃផលិតផលក្នុងស្រុកសរុបសម្រាប់វិស័យការពារជាតិ។
កាលពីព្រឹកថ្ងៃពុធសមាជិកណាតូបានយល់ព្រមអនុម័តគោលគំនិតយុទ្ធសាស្ត្រថ្មី។គោលគោលនយោបាយនេះកំណត់ពីគោលជំហររបស់សម្ព័ន្ធភាពចំពោះដៃគូ មិនមែនសមាជិក និងសត្រូវ ហើយបានដាក់ប្រទេសរុស្ស៊ីថាជា ការគំរាមកំហែងដ៏សំខាន់បំផុតនិងដោយផ្ទាល់” ចំពោះប្លុកនេះ។
ពាក់ព័ន្ធទៅនឹងបញ្ហានេះទីក្រុងមូស្គូបាន
បាននិយាយថាការពង្រីកសមាជិករបស់ណាតូទៅក្នុងអតីតរដ្ឋសូវៀតចាប់តាំងពីចុងបញ្ចប់នៃសង្គ្រាមត្រជាក់ដែលមេដឹកនាំលោកខាងលិចដែលបានសន្យាយ៉ាងច្បាស់លាស់នៅដើមទសវត្សរ៍ឆ្នាំ១៩៩០អាចនឹងមិនកើតឡើងទេតែវាជាការគំរាមកំហែងប្រឆាំងនឹងសន្តិសុខរបស់ខ្លួន៕