Friday, March 29, 2024
Homeតារាខ្មែរប៉ាច គីមមួយ ៖មានអង្គរក្ស ប្រុសចាស់លែងហ៊ាន​តាម​ស្នេហ៍

ប៉ាច គីមមួយ ៖មានអង្គរក្ស ប្រុសចាស់លែងហ៊ាន​តាម​ស្នេហ៍

ភ្នំពេញ៖អ្នកមេម៉ាយសាច់សខ្ចីដូចបណ្ដូលចេកនាងប៉ាច គីមមួយ​ បានលាតត្រដាងស្នេហ៍​ជា​មួយប្រុសក្មេងសយ រតនៈ រយៈពេលជាង៤ខែមកហើយដែលពេលនេះមានព័ត​មានថា​នាង​ធ្វើឲ្យតាតាសម្បូរលុយដុល្លារ​ដែលចង់​ទិ​ញ​​ស្នេហ៍ពីនាងនោះបានរងបរាជ័យទាំងស្រុងព្រោះតែគីមមួយ​ មានអង្គរក្សពិសេសការពារបេះដូងនាងគ្រប់​វិនា​ទី ហេតុនេះហើយទោះជាអ្នក​មាន​លុយក្រាស់យ៉ាងណាក៍មិនអាចទៅរួចដែរ។អ្វីដែលកាន់តែពិបាកសម្រាប់​ប្រុស​​ចង់ឆ្មក់ស្នេហ៍នោះគឺនាងគីមមួយ ខុសពីតារាមួយចំនួនដែលតែងតែទន់ជ្រាយព្រោះ​ឃើញអំណាចដុំ​លុ​យ​​ដុល្លារ តែសម្រាប់ស្រី​ស្រស់​វិញនាងយកស្នេហាជាធំ ពោលគឺតាំងពីមុនប្រគល់​បេះដូង​ទៅឲ្យ​លោករតនៈ ម្លេះ​ដែល​ម្ចាស់បទ”កាឌិបៗដាក់”រូបនេះប្រកាសថាសម្រាប់​មនុស្ស​ប្រុស​ដែល​មាន​វ័យចាប់ពី៤០ឆ្នាំឡើងទៅកុំ​ចាំបាច់​តាមនាងអី នាងគ្មានអារម្មណ៍ទេ។

ការវាចារបស់ស្រី​ស្អាត​បែប​នេះពីដំបូងគ្មានអ្នកណាចាប់អារម្មណ៍នោះទេ ព្រោះ​ខ្លាចនាងគីមមួយ លេងបិតពួន តែដឹងអីពេលនេះគ្រប់គ្នាបានដឹងនិងឃើញច្បាស់​ថាអ្នកមេម៉ាយសាច់ដូច​សំឡីរូបនេះគឺពិតជាសុខ​ចិត្តចោល​លុយ ឡាន និងវីឡារមែនហើយនាងជ្រើសស្នេហ៍ប្រុសក្មេងរតនៈ ដែលមិន​សូវ​​មាន​ទ្រព្យតែបានរូបរាងសង្ហារ​ដូចបំណងរបស់គីមមួយ ។សម្រាប់ការទៅដល់របស់ប្រុស​ក្មេង​រតនៈ នោះមិន​ត្រឹមតែ​លោកបានដើរតួនាទី​ជាអ្នក​ព្យាបាលរបួសបេះដូងឲ្យនាងនោះទេ ប៉ុន្ដែ​គីមមួយ ក៍បានស្រាលបន្ទុកខ្លះដែរ​ព្រោះថាមុននេះនាងបានបង់រំលស់​ផ្ទះ១​ល្វែងនៅក្បែរ​ស្ពាន​ដែកចំការដូង ខ័ណ្ឌមានជ័យ រយៈពេលជាង១០ឆ្នាំ តែឥឡូវពួកគេបង់រួមគ្នានាំ​ឲ្យស្រី​ស្រស់​លែង​សូវ​បារម្ភពីហានិភ័យសេដ្ឋកិច្ច។

  ថ្វីត្បិតតែនាងប៉ាច គីមមួយ និងសយ រតនៈ បង្ហាញកាយវិការស្រលាញ់គ្នាដូចប្ដីប្រពន្ធ​ទើបរៀបការហើយ​ថ្មោង​ថ្មីមែន ប៉ុន្ដែក្នុងជំនួបផ្ទាល់កន្លងមកគីមមួយ និងអនាគតស្វាមីមិន​ដែ​ល​និយាយរឿងរៀបការឲ្យបាន​ច្បាស់លាស់​នោះទេ ហើយពួកគេថែមទាំងមិនហ៊ានសារ​ភាព​រឿង​រស់នៅក្រោមដំបូលផ្ទះតែមួយទៀតផង។ការជ្រើស​ប្រុស​ក្មេងដោយមើលរំលងតាតា​សម្បូរ​លុយដុល្លារនេះធ្វើឲ្យមិត្តភក្ដិរបស់គីមមួយ បានដាស់តឿន​នាងថាប្រ​យ័ត្នដើរ​ជាន់​ដានចាស់ តែគីមមួយ ហាក់ទុកចិត្តសង្សារថ្មី១០០% ហេតុនេះហើយគេជឿរថានាងនឹងមិន​ប្រឈមមេ​ម៉ាយ​ជាលើកទី២ឡើយ។

 ក្រៅពីប៉ាច គីមមួយ-សយ រតនៈ តារាដែលសាងស្នេហ៍ជាចំហនៅឆ្នាំ២០២២នេះ​មាន​ដូចជាទេព បូព្រឹក្ស-ងួន ចាន់​ដេវីត,នាយចឺម -សេង សុខឃីម ជាដើម ខណៈដែលពេជ្រ សោ​ភា និងនាងហ្វា ហ្វា បានបែកបាក់សង្សារជា​តារាដូចគ្នារៀងៗខ្លួន​និងកំពុងពិសោធន៍ស្នេហ៍ថ្មី​ជា​ប្រុស​ក្រៅរង្វង់សិល្បៈវិញម្ដង៕

RELATED ARTICLES