ហេតុអីឆន សុវណ្ណារាជ ៖មិនព្រមយកប្រពន្ធ?

ភ្នំពេញ៖ឆន សុវណ្ណារាជ មានអាយុស្មើតារាចម្រៀងខែម ប៊ុនថៃ ពោលគឺ៣៧ឆ្នាំដូចគ្នាតែពេល​នេះ​លោក​ប៊ុនថៃ មាន​កូនដល់ទៅ៣នាក់ទៅហើយ ខណៈដែលមិត្តរួមក្រុមច្រៀងជាមួយ​លោ​ករាជ ​​​ជំនាន់U2 កាលពីឆ្នាំ២០០៥  មាន​​​ដូចជាអាន វិសាល និងព្រាប សុវត្ថិ បុក​ល្ហុង ជា​ដើម​នោះពួកគេក៍សុទ្ធតែមានប្រពន្ធនិងកូន​រៀងៗខ្លួន​អស់​ទៅ​ហើយ។ដោយឡែកលោកសុវណ្ណារាជ វិញមិនដែលនិយាយរឿងយកប្រពន្ធកូនដូចពួកម៉ាករបស់លោកទេ តែ​ថ្មីៗនេះលោក​បង្ហា​ញ​ទឹកមុខស្រងូតស្រងាត់និងថាតើ១ឆាកជីវិតមនុស្ស មាន១០ឆ្នាំប៉ុន្មានដងទៅវិញ។ លោក​ថា​ពេលវេលាលឿនណាស់ហើយលោកបានឆ្លងកាត់១០ឆ្នាំជិត៤ដងទៅហើយ…។មានFan មួយ​ចំនួនបានជម្រុញ​និង​លើកទឹកចិត្តឲ្យលោកសុវណ្ណារាជ ឆាប់យកប្រពន្ធកូនដូចគេតែតារា​រោម​ទ្រួងច្រើនរូបនេះមិនតបតបនោះទេ ហើយមើលទៅពេលនេះអារម្មណ៍របស់លោកនៅ​តែមិន​ទាន់​បាត់តុកស៊ិកនៅឡើយបើទោះជាកាល​ពីថ្ងៃទី​១៦​មិ​ថុនា លោកបានទៅបន់​ស្រន់​នៅភ្នំ​ដោះក្រមុំ នៅខេត្តមណ្ឌុលគិរីដើម្បីសុំក្ដីសុខសប្បាយហើយក្ដី។

 គូរបញ្ជាក់ថាទោះជាឆន សុវណ្ណារាជ មានរាសីមិនសូវល្អទេនារយៈ ពេលចុងក្រោយ​នេះ​ព្រោះ​ការធ្វើជា​គណៈ​កម្មាការ​Cambodian Idol នៅរដូវកាលទី៤លោករងការរិះគន់ដូចទឹក​បាក់ទំនប់​ក្រោយទម្លាក់បេក្ខ​ជន​លោកទុំ សុវត្ថិ ក្ដី តែលោករាជ មិនរាថយនោះឡើយ ខណៈ​ដែលថៅកែហង្សមាស​នៅតែផ្ដល់​ទំនុកចិត្តដល់លោក ហើយ​អ្វីដែលគូរឲ្យចាប់​អារម្មណ៍​នោះ​គេ​ឃើញស្រីស្អាតម្នាក់តាមអោប​រិត​លើកទឹកចិត្តលោកដូចគូស្នេហ៍ទៀតផង។ប៉ុន្ដែសុវណ្ណារាជ មិនដែលប្រកាសថាខ្លួនមាន​សង្សារនោះទេ ទើបធ្វើឲ្យដំណឹងដែល​លេចឭថាលោកមាន​ប្រុស​តាម​ស្រលាញ់ច្រើនជាងស្រី​នៅតែមានភាពច្របូកច្របល់។

 សូមបញ្ជាក់ថាក្រៅពីឆន សុវណ្ណារាជ តារាដែលមិនព្រមយកប្រពន្ធ​មានដូចជាលោក​ទេ​ព រិនដារ៉ូ និងណុប បា​យ៉ារិទ្ធ ជាដើម។ចំពោះសុវណ្ណារាជ វិញធ្លាប់ប៉ៈស្នេហ៍ជាមួយនិស្សិត​ស្រី​នៅអាមេរិកឈ្មោះកញ្ញាអរិយា កាលពី​ឆ្នាំ២០០៨ តែរយៈពេល១៤ឆ្នាំមកនេះលោកមិន​ដែលរំ​លឹ​ក​ឈ្មោះសង្សារចាស់នោះទេ ស្របពេល​ថ្មីៗ​នេះអំ​ឡុង​ពេលដែលលោក​កំពុងតែបាក់​ទឹកចិត្ត​រឿងគេរិះគន់ច្រើនពេក គេបែជាលេខមុខស្រីស្អាត​កូនកាត់ចិន​ម្នាក់តាម​លោកស្អិត​ដល់​​ឆាក​តន្រ្ដីទៅវិញ៕