ភ្នំពេញ៖តារាចម្រៀងហង្សមាសនាងប៉ាច គីមមួយ និងលោកសយ រតនៈ បានសម្រេចចិត្តដឹកដៃ គ្នាភ្ជាប់ពាក្យ ជាផ្លូវការនៅព្រឹកថ្ងៃទី១ខែកក្កដាឆ្នាំ២០២២ ដែលពិធីនេះធ្វើផ្គួបគ្នានិងការឡើងផ្ទះថ្មីរបស់ពួកគេផង ដែរនៅក្បែរស្ពានដែកចំការដូងស្ថិតក្នុងសង្កាត់មានជ័យ ខណ្ឌមានជ័យ រាជធានីភ្នំពេញ។ប៉ាច គីមមួយ បង្ហាញទឹកមុខរីករាយខ្លាំងណាស់ពេលដែលបានឃើញមិត្តរួមអាជីពជាច្រើនទៅអបអរសាទរក្នុងនោះមានដូចជាអ្នកនាងសុគន្ធ និសា ,វី ឌីណែត,ចំរើន សុភ័ក្រ,សោម ស្រីនាថ ,ម៉ូ លីកា,ម៉ង់ ច័ន្ទកញ្ញា ,ប្រេម៉ា,លោកឆន សុវណ្ណារាជ ,ឃុន វត្ថា, នួន សុធារៈ និងហុង មានុណ ជា ដើម។
គូរបញ្ជាក់ថាមុនប៉ាច គីមមួយ-សយ រតនៈ ភ្ជាប់ពាក្យជាផ្លូវការជាមួយគ្នានេះពួកគេបានស្វែងយល់ចិត្តគ្នាជាច្រើនឆ្នាំ តែកន្លងមកតារា១គូនេះតែងតែប្រកែកពីទំនាក់ទំនងរបស់ពួកគេជានិច្ច។គឺទើបតែនៅថ្ងៃទី១៤ខែកុម្ភៈឆ្នាំ២០២២២ ពោលគឺថ្ងៃទិវានៃក្ដីស្រលាញ់(Valentine’s Day)ដែលស្រីស្រស់ប្រុសសង្ហារបានប្រកាសសារភាពស្នេហ៍ទៅវិញទៅមក ហើយទៅថតPreឥWedding និងទើបតែពេលនេះគូស្នេហ៍តារាក្រោមដំបូលតែមួយនេះបានក្លាយទៅជាគូដណ្ដឹងគ្នាមែនទែន។ប៉ុន្ដែមិនទាន់មានព័តមានថាគីមមួយ-រតនៈ នឹងរៀបការនៅពេលណាឡើយ ខណៈដែលក្នុងជំនួបកន្លងមកអ្នកទាំងពីរមិនដែលនិយាយរឿងរៀបការឲ្យពិតប្រាកដនោះទេ៕
