ហេតុអីសុគន្ធ និសា ៖មិនស្ដាយលុយធំ២ច្រក?

ភ្នំពេញ៖ខណៈដែលតំណែងរបស់លោកព្រាប សុវត្ថិ នៅសល់២ទៀតដែលនៅទំនេរមិនទាន់​មានអ្នក​ជំ​នួស​ជាតួនាទីគណៈកម្មាការនិងគ្រូបង្វឹកThe Voice Kids Cambodia និង​Cambodian​ Idol Junior សម្រាប់​រដូវ​កា​លថ្មីនោះ អ្នកដែលមានភាគរយខ្ពស់​ក្នុងការឡើង​ទៅរ៉ាប់​រង​​ជំនួសលោក​ឧក​ញ៉ា​សុវត្ថិ  មានតារាដល់​៣ដួង​គឺពេជ្រ សោភា ,ខែម ប៊ុនថៃ និងសុគន្ធ និសា នេះឯង បន្ទាប់​ពីសុខ សីឡាលីន ឆក់បានកៅអីJude របស់​Cambodian Idol រដូវកាលទី៤។ប៉ុន្ដែតាម​ព័ត​មាន​ចុងក្រោយពីតារារួមអាជីពជាមួយសុគន្ធ និសា បានបង្ហើប​ឲ្យ​ដឹងថាអ្នកនាងប៊ុន សុគន្ធា ហៅនិសា នៅតែគ្មានបំណងក្នុងការវិលត្រឡប់ទៅអង្គុយ​កៅអី​ធ្វើ​ជាJude ឬCoach សារជាថ្មីវិញឡើយ ព្រោះសម្អាងថានាងរវល់។ប្រភព​នោះបានឲ្យដឹង​ដែរ​មិនត្រឹមតែចោលតំណែងធំនោះទេ តែនិសា ក៍ចោលទាំងភាពយន្ដជាច្រើនរឿងផ្សេងទៀត​ដែរ​ព្រោះ​​​​ថៅកែហង្សមាសនៅតែចង់ឲ្យ​នាងលេងតួឯក​រឿងថ្មីៗទៀតតែនាងមិនថត ទើបធ្វើឲ្យ​តារារៀបការប្ដីជាង៤ឆ្នាំអត់កូនរូបនេះបាត់បង់ប្រាក់ចំណូលអស់២ច្រក។ប៉ន្ដែអំឡុងពេលនេះនិសា នៅ​ផ្ដោតតែលើអាជីពចម្រៀងនិងថតស្ពតពាណិជ្ជកម្មប៉ុណ្ណោះ។

 សុគន្ធ និសា ធ្លាប់ប្រាប់អ្នកយកព័តមានយើងថារឿងដែលនាងបាត់​មុខពីការធ្វើ​ជា​គណៈកម្មាការThe Voice Kids Cambodia រដូវកាលទី២គឺដោយសារនាងសុំឈប់ មិនមែន​គេដកចេញទេ ហើយមូលហេតុគឺមកពីនាង​គ្មាន​ពេល​គ្រប់គ្រាន់ ខណៈដែលការថតភាពយន្ដ​វិញនាង​មិនទទួលថតរឿងថ្មីៗព្រោះថតរឿងមិនមែនដូចខារ៉ាអូខេនោះទេ ដោយសារតែត្រូវ​ចំណាយពេលច្រើន។ប៉ុន្ដែសម្រាប់អ្នកតាមដានសកម្មភាពរបស់និសា វិញពួកគេលើកឡើង​ថា​និ​សា ហាក់បាក់ទឹករឿងធ្វើជាCoach លើកទី១មានការរិះគន់ច្រើនពេកក្រោយទម្លាក់​យុវតី​ម្នាក់​ដែលគេ​គិតថា​ច្រៀង​​​ពិរោះជាងនាងឲ្យម្នាក់ទៀតជាប់ទៅវគ្គបន្ដ ទើបនាងលែង​ចង់វិល​វិញ​តែម្ដង។

 សុគន្ធ និសា បានរៀបការកាលពីថ្ងៃទី១ខែធ្នូឆ្នាំ២០១៧ ជាមួយលោកចៅ សម្បត្តិ អាណិកជនខ្មែរមកពីអាមេរិក និងបច្ចុប្បន្នជានាយប្រតិបត្តិក្រុមហ៊ុនមែនញូឡាយប្រចាំកម្ពុជា ពោលគឺការប្ដីជាង៤ឆ្នាំនេះនិសា មិនទាន់​ពពោះ​កូនដំបូងឡើយ ក្រោយនាងលុប​ចោល​គម្រោ​ង​យកកូនទី១កាលពីឆ្នាំ២០២១ ដោយសារតែនាងកើតកូវីដ។ប្រភពបានឲ្យដឹង​ថាការសម្រុក​ថត​ភាព​យន្ដបាន៤រឿងគឺ”សិសិររដូវក្នុងបេះ​ដូង”,”រាជនីយភូមិគ្រិះ”,”ព្រះវេស្ស​ន្ដជាតក”​និង​រឿង”ចំណតថ្មីនៃសុភមង្គល”នោះបញ្ជាក់ថានិសា ចង់បន្សល់ស្នាដៃក្នុងសិល្បៈនឹងត្រៀមចិត្ត​កាយ​រួចជាស្រេចក្នុងការចេញទៅរស់នៅសហរដ្ឋអាមេរិកតាមស្វាមីនាពេលខាងមុខនេះ៕