ភ្នំពេញ៖គិតត្រឹមពាក់កណ្ដាលឆ្នាំ២០២២ នេះកំពូលតារាចម្រៀងព្រាប សុវត្ថិ និងលោកខែម ប៊ុនថៃ ហៅខេមរៈ សិរីមន្ដ មានចំណុចដូចគ្នាច្រើនក្នុងនោះគឺបានឡើងជាឧកញ៉ា,រស៊ីលក់ដីឡូតិ៍ និងជិះរថយន្ដទំនើបម៉ាកRolls Royce ដូចគ្នាទៀតផងដែលនេះគឺជាការវិវត្តន៍ចុងក្រោយរបស់របស់អ្នកចម្រៀងទាំងពីរដួង បន្ទាប់ពី១០ឆ្នាំមុនក្លាយទៅជាឧកញ៉ានេះលោកស្នាយ និងលោកប៊ុនថៃ មានការប្រកួតប្រជែងទីផ្សារចម្រៀងគ្នាយ៉ាងស្វិតស្វាញបំផុត។ប៉ុន្ដែពេលនេះលោកសុវត្ថិ និងប៊ុនថៃ លែងសូវបុកចម្រៀងដូចគ្នាហើយចាប់ផ្ដើមងាកមកប្រជែងការលក់ដីឡូតិ៍ និងលេងម៉ូដឡានវិញម្ដង។សម្រាប់លោកព្រាប សុវត្ថិ បច្ចុប្បន្នជិះរថយន្ដទំនើបៗឆ្លាស់គ្នាមានដូចជាRolls Royce, Ford ,Bmw និងRange Rover ខណៈដែលលោកខែម ប៊ុនថៃ វិញជិះឡានម៉ាកRolls Royce ,Lexus Lx570 ,Volkswagen ,Mazda និងLexus Nx200t ។ប៉ុន្ដែចំណុចដែលខុសគ្នារវាងតារាទាំងពីរខាងលើនេះគឺលោកព្រាប សុវត្ថិ ត្រូវបានមនុស្សជំនិតបំផុតរបស់លោកទម្លាយកាលពីខែកញ្ញាឆ្នាំ២០២០ ថាលោកស្នាយ សល់ទ្រព្យសរុបខ្ទង់៣០លានដុល្លារ ដែលធ្វើឲ្យអ្នកគាំទ្រនិងមហាជនមានការចាប់អារម្មណ៍និងភ្ញាក់ផ្អើលខ្លាំងហើយម្នាក់ៗបានហៅលោកឧកញ៉ាសុវត្ថិ ថាជា”សេដ្ឋី”ព្រោះទឹកលុយនេះសម្រាប់តារានៅស្រុកខ្មែរមានចំនួនច្រើនហើយមានន័យថាទោះជាលោកស្នាយ ចង់ជិះរថយន្ដម៉ាកអីក៍បានដែរ។
ប៉ុន្ដែខែម ប៊ុនថៃ វិញគិតមកដល់ពេលនេះគេនៅមិនទាន់ដឹងចំនួនលុយសរុបរបស់អ្នកចម្រៀងរូបនេះថាសល់បានប៉ុន្មាននោះទេ ព្រោះគ្មានការទម្លាយពីសាមីខ្លួនផ្ទាល់និងទីប្រឹក្សាររបស់លោកដែលជាបងប្រុសបង្កើតគឺលោកខេមរៈ ភារុណ ។អ្វីដែលគូរឲ្យកត់សម្គាល់នោះក្រោយឡើងជាឧកញ៉ាមកលោកប៊ុនថៃ បានចេញវីដេអូ១ថាច្រៀង៦បទបាន១ម៉ឺនដុល្លារទើបធ្វើឲ្យបណ្ដារកម្មវិធីតូចតាចខ្លះលែងហ៊ានហៅអតីតតារាចម្រៀងU2 និងសាន់ដេ រូបនេះច្រៀងដូចមុន ស្របពេលដែលលោកព្រាប សុវត្ថិ នៅរក្សារតម្លៃខ្លួនដដែលពោលគឺទៅតាមប្រភេទនៃកម្មវិធីនីមួយៗតែទាំងលោកសុវត្ថិ -ប៊ុនថៃ កាន់តែរយាលៗពីការច្រៀងរាំដូចគ្នាតែម្ដងនារយៈពេលចុងក្រោយនេះ ខណៈដែលអ្នកជំនាញសិល្បៈលោកស៊ិន សិលា ដែលដឹកនាំការប្រគុំតន្រ្ដីជាច្រើនឆ្នាំនៅCTN នោះបានបញ្ចេញទស្សនៈថាលោកព្រាប សុវត្ថិ និងខេមរៈ សិរីមន្ដ គូតែឈប់ច្រៀងតែម្ដងទៅល្អជាងព្រោះធ្វើជាតារាចម្រៀងផង ឧកញ៉ាផងហាក់ច្របូលច្របល់ហើយសម្រាប់រូបលោកគឺលែងហ៊ានហៅឡើងឆាកតែម្ដងព្រោះថាពួកគាត់ទាំង២ឡើងធំនិងមានតម្លៃខ្លួនថ្លៃខ្លាំងពេក។
ថ្វីត្បិតតែអ្នកដឹកនាំសិល្បៈលើកឡើងបែបនេះក្ដីប៉ុន្ដែទាំងលោកព្រាប សុវត្ថិ និងខែម ប៊ុនថៃ មិនដែលចេញមុខថាលោកបោះបង់អាជីពចម្រៀងនោះទេ ពោលគឺតាមសកម្មភាពសព្វថ្ងៃតារាទាំង២នៅតែចេញបទចម្រៀង១ៗនិងលក់ដីឡូតិ៍ មានន័យថាច្រៀងផង លក់ដីឡូតិ៍ផង។ប៉ុន្ដែលោកឧកញ៉ាស្នាយ និងប៊ុនថៃ លែងសូវមានបទល្បីៗដូចមុនទៀតហើយព្រោះតំណាក់កាលនេះអ្នកជំនាញសិល្បៈបានលើកឡើងថាតារាដែលមានកូន៣ដូចគ្នានេះមួយណាលក់ដីឡូតិ៍ដាច់ជាងម្នាក់នោះគឺជាអ្នកឈ្នះ ដែលខុសពីអំឡុងតារាទាំង២ជ្រកនៅហង្សមាសរួមគ្នាតារាណាចេញបទចម្រៀងបានច្រើនជាងត្រូវបានលោកមិញ សុធីវណ្ណ ចាត់ទុកថាម្នាក់នោះគឺជាអ្នកឈ្នះតែម្ដង។
គូរបញ្ជាក់ថាអំឡុងពេលដែលព្រាប សុវត្ថិ-ខែម ប៊ុនថៃ ជ្រកនៅហង្សមាសរួមគ្នានោះតារាទាំងពីរត្រូវបានគេមើលឃើញថាមានការកាច់កុងគ្នាខ្លាំង រហូតធ្វើឲ្យមានការលេចឭថាលោកឧកញ៉ាសុវត្ថិ ដើរចេញពីហង្សមាសទៅចូលរួមជាមួយGalaxy កាលពីថ្ងៃទី២៥ខែសីហាឆ្នាំ២០២០ នោះដោយសារតែលោកមិនចង់នៅ”ភ្នំ១មានខ្លា២”។ប៉ុន្ដែលោកឧកញ៉ាស្នាយ បានបដិសេធដោយអះអាងថាលោកមិនដែលមានជម្លោះជាមួយតារាម្នាក់ណាឡើយ។អ្វីដែលគូរឲ្យតក់សម្គាល់តាមព័តមានថាGalaxy ចង់អូសលោខែម ប៊ុនថៃ ចេញពីហង្សមាសទៅរួមទ្រនុំជាមួយលោកព្រាប សុវត្ថិ សារជាថ្មី ទើបធ្វើឲ្យមានការលើកឡើងថាបើដំណឹងនេះគឺជាការពិតនោះឧកញ៉ាទាំងពីរនិងមានការប្រកួតប្រជែងគ្នាកាន់តែខ្លាំងទាំងចម្រៀងនិងលក់ដីឡូតិ៍តែម្ដង។តែលោកប៊ុនថៃ ធ្លាប់ប្រាប់អ្នកយកព័តមានយើងថាចំនួនកុងត្រារបស់លោកនៅហង្សមាសនៅមិនទាន់ផុតកំណត់ទេ ប៉ុន្ដែគ្រប់គ្នាមិនអាចមើលដឹងថាថ្ងៃមុខនឹងមានរឿងអ្វីកើតឡើងឡើយ៕
