ភ្នំពេញ៖ខណៈដែលតារាលេងសម្រស់ផ្នែកយុវវ័យសឹងតែគ្រប់គ្នាសុទ្ធតែឆ្លងកាត់ការវះកាត់កែសម្ផស្សដើម្បីឲ្យកាន់តែទាក់ទាញថែមទៀតនោះស្រីស្រស់ធ្មេញចំពើសនាងរ៉េត ស៊ូហ្សាណា ឯណ្ណោះវិញនាងរក្សារទុកសម្រស់ពីធម្មជាតិនៅឡើយពោលគឺគិតមកដល់ពាក់កណ្ដាលឆ្នាំ២០២២ នេះមិនទាន់មានព័តមានថានាងបានទៅវះកាត់នៅគ្លីនិកឬហាងកែសម្រស់មួយណាឡើយ។ការរក្សារសម្រ់សដើម(Original) នេះរបស់ហ្សាណា អាចមកពីឪពុកម្ដាយនាងរួមទាំងមិត្តភក្ដិស្រីស្អាតរូបនេះឲ្យយោបល់ថានាងគូតែគេចផុតពីភាពស្អាតដោយចុងកាំបិតព្រោះថាមិនទាន់ទាំងបានកែផងក៍នាងស្អាតគូឲ្យបេតីទៅហើយ។ចំពោះហ្សាណា ផ្ទាល់ខ្លួនវិញនាងក៍គ្មានភាពជ្រួលជ្រើមក្នុងការកែកុនសម្ផស្សដែរ ហេតុនេះហើយទោះជាតារារួមអាជីពនៅជុំវិញខ្លួននាងពួកគេបានកែច្រមុះ,តចង្ការ និងខ្លះពង្រីកដើមទ្រូងទៀតផង តែនាងហ្សាណា ហាក់មិនចាប់អារម្មណ៍នោះទេ។
ទោះជាយ៉ាងណាគេមិនទាន់អាចដឹងបានទេថានេះគ្រាន់តែជាការតាំងចិត្តបណ្ដោះអាសន្នរបស់ស្រីស្អាតរ៉េត ស៊ូហ្សាណា ឬយ៉ាងណាព្រោះថាកន្លងមកមានតារាមួយចំនួនក៍ធ្លាប់ប្រកាន់ជំហថាចង់ទុករបស់ពីធម្មជាតិដែរ តែក្រោយមកពួកគេខ្លះបានប្ដូរចិត្តទៅវិញព្រោះតែនៅក្នុងពិភពសិល្បៈពោពេញទៅដោយការប្រកួតប្រជែងហេតុនេះហើយដើម្បីឲ្យលេចធ្លោ ឬទាក់ទាញប្រជាប្រិយភាពមួយកម្រិតទៀតតារាខ្លះជ្រើសវិធីពាក់សម្រស់សប្បនិម្មិត។ដោយឡែកសម្រាប់តារាចម្រៀងមានតេ្រមុខដូចកូនជប៉ុនស៊ូហ្សាណា វិញ បច្ចុប្បន្ននាងត្រូវបានគេចាត់ទុកថាជាស្រីស្អាតម្នាក់ក្នុងពិភពចម្រៀងឬនៅហង្សមាសហេតុនេះហើយគេជឿរថានាងនឹងទុកសម្រស់ហ្សីនតទៅទៀតជាមិនខាន គឺដូចនាងអ៊ីវ៉ា ដែរដែលចូលសិល្បៈជាង១០ឆ្នាំនាងថាមិនទាន់កែផ្នែកណាប៉ុនក្រចកដៃឡើយ។
សូមបញ្ជាក់ថានាងរ៉េត ស៊ូហ្សាណា បានគេចផុតពីរឿងអាស្រូវស្នេហាដោយសារតាំងពីនាងឈានជើងចូលសិល្បៈជាង៤ឆ្នាំមកនេះស្រីស្រស់តូចតន់រូបនេះត្រូវបានឪពុកម្ដាយតាមការពារគ្រប់ជំហ៊ានទាំងអស់ទើបធ្វើឲ្យប្រុសៗចង់ឆ្មក់ស្នេហ៍បានរងបរាជ័យ។ប៉ុន្ដែគិតត្រឹមវ័យ២៣ឆ្នាំហ្សាណា មានទ្រព្យមិនក្រោមកន្លះលានដុល្លារឡើយក្នុងនោះមានដូចជាផ្ទះ២ល្វែង,ហាងលក់សម្លៀកបំពាក់ និងរថយន្ដJeep Rubicon ដែលនាងទិញក្នុងពេលតែ១នោះទើបធ្វើឲ្យមានអ្នកខ្លះសង្ស័យថាហ្សាណា មានគូស្នេហ៍ដោយមិនបើកចំហ ព្រោះកាលពីពាក់កណ្ដាលឆ្នាំ២០២០ នាងក៍ធ្លាប់បង្ហាញសញ្ញាមានសង្សារតាមរយៈការកាន់ដៃប្រុសម្នាក់ដោយបិតមុខផងដែរ៕
