ភ្នំពេញ៖សុខ សោម៉ាវត្តី បានចែកផ្លូវគ្នាជាមួយសង្សារក្មេងកីឡាករលី វ៉ាហេទ ជិត១ឆ្នាំទៅហើយដែលពេលនេះនាងកំពុងតែពិសោធន៍ស្នេហ៍ជាមួយថៅកែហាងថតរូបម្នាក់ដើម្បីស្អំរបួសបេះដូង។មិនត្រឹមតែគ្មានទុក្ខសោកប៉ុនក្រចកដៃនោះទេ ប៉ុន្ដែសោម៉ាវត្តី ថានាងចូលចិត្តជីវិតបែបសាមញ្ញ ព្រោះទើបតែដឹងថាពេលនៅម្នាក់ឯងមានអារម្មណ៍ថាមានសេរីភាព ចង់ទៅណាក៍បាន ចង់មកក៍មកមិនបាច់ក្រែងចិត្តអ្នកណាទាំងអស់។ក្រោយមានការថ្លែងបែបនេះរបស់វត្តី ធ្វើឲ្យតារាចម្រៀងល្បីល្បាញពេជ្រ សោភា ហាក់ត្រូវចិត្តនិងការលើកឡើងរបស់វត្តី ដោយនាងថែមទាំងចាត់ទុកថានោះគឺជាសេចក្ដីសុខរបស់ក្រុម(Team)អ្នកមេម៉ាយទៀតផង។ពេជ្រ សោភា ធ្លាប់អ្នកយកព័តមានយើងថាអំឡុងពេលដែលនាងធ្លាក់ខ្លួនមេម៉ាយជាង៥ឆ្នាំមកនេះជីវិតនាងពោពេញទៅដោយសិទ្ធិសេរីភាពពេញលេញហើយនាងសូមកែប្រែពាក្យថារកគូស្រកខុសម្ដងខុស១ជីវិតនោះដោយនាងថាពាក្យនោះហួសសម័យទៅហើយ ពោលគឺខុសម្ដងអាចចាប់ផ្ដើមសារជាថ្មី រកម្ដងទៀតឲ្យទាល់តែត្រូវ ព្រោះនៅលើលោកនេះគ្មានស្រ្ដីណាម្នាក់ចង់បានប្ដី”ទុកស្រី្ដប្ដីកាន់លុយ”ឡើយ។
ចំណែកសោម៉ាវត្តី វិញធ្លាប់ប្រាប់អ្នកយកព័តមានយើងថានាងមានការបាក់ទឹកចិត្តព្រោះមុនរៀបការជាមួយអតីតប្ដីលោកទូច ដាណារ៉ា ហៅពេជ្រ នាងនិងលោកពេជ្រ បានស្វែងយល់ចិត្តគ្នារយៈពេល៥ឆ្នាំមុន តែទីបំផុតនៅតែបែកគ្នា ហេតុនេះគ្មានអ្វីទៀងទាត់ឡើយ។វត្តី ទទួលស្គាល់ថាអំឡុងពេលជីវិតនាងមេម៉ាយនេះពិតជាមានបុរសទាំងក្នុងនិងក្រៅស្រុកតាមស្រលាញ់មែន រហូតដល់មានអាណិកជនខ្មែរនៅបរទេសចង់ធានារឲ្យនាងនិងកូនស្រីទៅរស់នៅស្រុកគេទៀតផង។អ្នកមេម៉ាយកូន១រូបនេះសង្កត់ថានៅពេលដែលនាងដឹងថាមានមន្រ្ដីធំ ឬកូនអ្នកធំតាមស្រលាញ់នាងបច្ចុប្បន្ននេះនាងគ្មានអារម្មណ៍រំភើបនោះទេ ព្រោះថាបើនាងចង់ធ្វើជាជំទាវ ឬប្រពន្ធអ្នកធំនោះចាំបាច់នាងលែងប្ដីធ្វើអី?
គូរបញ្ជាក់ថាសុខ សោម៉ាវត្តី បានរៀបការ ជាមួយលោកទូច ដាណារ៉ា ហៅពេជ្រ សព្វថ្ងៃមានតួនាទីជាស្នងការរងខេត្តរតនៈគិរី កាលពីឆ្នាំ២០១២ និងបានលែងលះគ្នាកាលពីឆ្នាំ២០១៤ នោះអំឡុងពេលធ្លាក់ខ្លួនមេម៉ាយកូន១នាងទទួលបានសំណើរសុំស្នេហាពីប្រុសៗអ្នកមានទ្រព្យរាប់មិនអស់ តែវត្តី សម្រេចភ្ជាប់ស្នេហ៍ជាមួយលោកវ៉ាហេទ ជាង៤ឆ្នាំទើបពួកគេចែកផ្លូវគ្នាកណ្ដាលផ្លូវ។ទាំងវត្តី និងវ៉ាហេទ ព្យាយាមមិនប្រាប់ពីមូលហេតុនៃការប្រេះឆាស្នេហ៍នោះទេ ខណៈដែលពេលនេះអ្នកមេម៉ាយកូន១កំពុងតែស្វែងយល់ចិត្តថ្លើមគ្នាជាមួយបុរសចំណាស់ជាថៅកែហាងថតរូបម្នាក់ដោយពួកគេថែមទាំងអោបរិតគ្នានៅលើឆ្នេខ្សាច់យ៉ាងរ៉ូមែនទិកទៀតផង។
ដោយឡែកសម្រាប់ពេជ្រ សោភា វិញនាងក៍មិនខុសពីសុខ សោម៉ាវត្តី ដែរព្រោះបានរៀបការប្ដីជាអាណិកជនខ្មែរមកពីអាមេរិកលោកឡៅ ឆលី កាលពីដើមឆ្នាំ២០១៥ និងបានលែងលះគ្នាឆ្នាំ២០១៦ ហើយនាងបានប្រគល់បេះដូងទៅឲ្យប្រុសរូបសង្ហារលោកឆឹម សក្កដា ព្យាបាលដំបៅបេះដូងអស់រយៈពេលជាង៤ឆ្នាំ ទីបំផុតពួកគេក៍បាយបាយគ្នា ខណៈដែលសោភា បង្ហាញសញ្ញាមានសង្សារថ្មីកាលពីថ្ងៃទី១ខែមករាឆ្នាំ២០២២ តែចំណងស្នេហារយៈពេលជាង៦ខែមកនេះសោភា មិនដែលហ៊ានបញ្ចេញមុខសង្សារជាចំហម្ដងណាឡើយ ទើបធ្វើឲ្យមានការសង្ស័យថាពួកគេមិនសូវចុះសម្រុងគ្នាទៀតផង។តែសោភា ប្រាប់អ្នកយកព័តមានយើងកាលពីពេលថ្មីៗនេះថានាងមានសង្សារហើយគ្រាន់តែគ្មានភាពចាំបាច់រឿងត្រូវបណ្ដើរបង្អួតគេនោះទេ។
ក្រៅពីសុខ សោម៉ាវត្តី និងពេជ្រ សោភា ដែលពួកគេស្ថិតនៅក្រុមអ្នកមេម៉ាយនោះតារាដែលលែងប្ដីហើយមិនទាន់ការស្វាមីថ្មីមានដូចជាអ្នកនាងម៉េង កែវពេជ្ជតា,កែវ និសា,សុខ ស្រីនាង ,លី ម៉ារីណា និងអឿន ស្រីមុំ ជាដើម។មហាជនរងចាំមើលថាអ្នកមេម៉ាយសម្បូរមន្ដស្នេហ៍ខាងលើនេះតើ១ដួងណាទៅនឹងបានប្ដីមុនគេ?