ភ្នំពេញ៖អតីតតារាចម្រៀងRock ម៉ូលីកា បានបង្ហាញអារម្មណ៍រីករាយនិងថាខ្លួនមានមោទនភាពបំផុតក្នុងឆាកជីវិតដែលនៅថ្ងៃខួបកំណើតកូនស្រីនុណ ច័ន្ទម៉ូនីតា គម្រប់អាយុ២ឆ្នាំ ផ្គួបពិធីឡើងផ្ទះថ្មីនោះនាងមានកិត្តិយសជាខ្លាំងព្រោះតែមានការអញ្ជើញចូលរួមពីប្អូនលោកនាយករដ្ឋមន្រ្ដីហ៊ុន សែន គឺលោកជំទាវហ៊ុន ស៊ីណាត មកឲ្យពរជ័យនិងសេរីសួស្ដីដល់រូបនាងនិងគ្រួសារពិសេសគឺកូនស្រីសំណព្វចិត្តនាងតែម្ដង។ម៉ូលីកា មិនប្រាប់ពីទំហ៊ុំនៃការរាប់អានជាមួយលោកជំទាវហ៊ុន ស៊ីណាត ថាមានតាំងពីពេលណាឡើយ ប៉ុន្ដែតាមរយៈបណ្ដាញសង្គមកន្លងមកគេឃើញនាងតែងតែទៅលេងនិងសួរសុខទុក្ខប្អូនលោកនាយករដ្ឋមន្រ្ដីដល់គេហដ្ឋានតែម្ដង ដែលនេះបង្ហាញពីភាពស្និតស្នាលឬនាងគោរពលោកជំទាវដូចជាម្ដាយ។
ក្រៅពីវត្តមានលោកជំទាវហ៊ុន ស៊ីណាត នោះកម្មវិធីខួបកំណើតនិងឡើងផ្ទះរបស់ម៉ូលីកា ត្រូវបានរៀបចំឡើងចំនួនដល់ទៅ១០០តុឯណ្ណោះ ពោលគឺភ្ញៀវហៅទាំងអស់មានដល់១០០០នាក់ដែលភាគច្រើនជាអតីតតារារួមអាជីព និងដៃគូសហការណ៍រកស៊ីOnline ជាមួយគ្នា។ប៉ុន្ដែម៉ូលីកា មិនប្រាប់ពីខ្ទង់ចំណាយថាអស់លុយប៉ុន្មាននោះទេ តែគេចាប់អារម្មណ៍ឃើញថាមានបណ្ដារអ្នកសារព័តមានជាច្រើនស្ថាប័នទៅសម្ភាសន៍នាងដល់ផ្ទះតែម្ដងដើម្បីចង់ដឹងពីស្ថានភាពអាជីវកម្មរបស់នាងក្រោយកូវីដថមថយនេះ ។តែទាក់ទងអាជីពសិល្បៈនិងកាលបរិច្ឆេតនៃការឡើងឆាកតន្រ្ដីសារជាថ្មីនោះម៉ូលីកា មិនកំណត់ពេលជាក់លាក់នោះទេដោយនាងថាមមាញឹករកស៊ីដកខ្លួនមិនរួច តែថាស្រលាញ់អាជីពចម្រៀងនិងចង់ធ្វើបទចម្រៀងថ្មីៗដោយខ្លួនឯងចេញនៅលើផេកនាងនៅពេលវេលាសមស្រប។
គូររំលឹកថាបញ្ជាក់ថាម៉ូលីកា បានរៀបការជាមួយតារាសម្ដែងលោកហុង មានុណ ហៅឆានុណ កាលពីថ្ងៃទី១៨ខែមករាឆ្នាំ២០២០ និងបានសម្រាលកូនស្រីថ្ងៃទី៥ខែកក្កដាឆ្នាំ២០២០ ហើយក្រោយមានកូន១នេះម៉ូលីកា មានជីវភាពធូធារខ្លាំងណាស់ដូចជាទិញបានផ្ទះវីឡារនៅបុរីវារីណា នៅសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ហើយនៅថ្ងៃខួបម៉ូនីតា នោះនាងក៍ទិញ រថយន្ដទំទើបម៉ាកJaguar កាដូឲ្យកូននាងដែរ ខណៈដែលកន្លងមកនាងជិះរថយន្ដទំនើបៗដូចជាម៉ាកFord Raptor ,Alphard ,Range Rover និងJaguar ជាដើម៕
