ភ្នំពេញ៖ចំណងស្នេហាពេជ្រ សូលីកា និងប្ដីនាងលោកគឹម ហាន បានដើរមកដល់ទីបញ្ចប់ដោយថ្មីៗនេះពួកគេអះអាងពីទំនួលខុសត្រូវក្នុងការចិញ្ចឹមកូនប្រុសរៀងៗខ្លួន។ក្រោយសូលីកា និងលោកហាន ចែកផ្លូវគ្នាកណ្ដាលទីនេះ ស្រាប់តែមានមិត្តភក្ដិជិតដិតរបស់ថៃ នារីសុជាតា ហៅFiyata ជាអតីតសង្សារប្ដីសូលីកា បានយករឿងរ៉ាវទាំងនោះទៅប្រាប់ដល់កូនស្រីលោកថៃ សត្យា អតីតអនុរដ្ឋលេខាធិការក្រសួងវប្បធ័មនិងវិចិត្រសិល្បៈ ប៉ុន្ដែនាងសុជាតា ថានាងមិនត្រូវការដឹងឭរឿងទាំងអស់នោះទេ ហើយបើអ្នកស្រលាញ់រាប់អាននាងមែនសូមមេត្តាឈប់និយាយរឿងទាំងនោះប្រាប់នាងទៀតទៅ ព្រោះថាកន្លងមកនាងធ្លាប់បានប្រាប់មិត្តភក្ដិ ហើយដើម្បីចង់ឲ្យគេល្អ តែគេមិនស្ដាប់ អីចឹងនាងមិនត្រូវការសើចយំអ្នកណាទេ តែនាងគិតរដល់រឿងបុណ្យបាប…។
ថៃ នារីសុជាតា ហៅFiyata ថ្លែងសារថា”សុំមនុស្សមួយចំនួនបើពិតជាស្រឡាញ់ខ្ញុំ សូមមិនបាច់យករឿងដែលមិនពាក់ព័ន្ធនិងខ្ញុំមកប្រាប់ខ្ញុំទេ ខ្ញុំអាហោសិកម្មអោយទៅគ្រប់មនុស្សដែលធ្វើមិនល្អដាក់ខ្ញុំអស់ហើយ មិនថាធ្លាប់មើលងាយខ្ញុំក្នុងនាមខ្ញុំជា Single Mum រឺធ្លាប់និយាយមិនល្អពីខ្ញុំ កុហកបោកប្រាស់រឺអ្វីក៏ដោយ អញ្ចឹងខ្ញុំសុំមិនដឹងលឺអ្វីទាំងអស់ រាល់ថ្ងៃខ្ញុំរស់ជាខ្លួនខ្ញុំ ខំរកស៊ីធ្វើការចិញ្ចឹមកូន ត្រៀមសំរាប់អនាគតកូនទៅថ្ងៃមុខនិងអនាគតខ្លួនឯង រឿងអ្នកណាយ៉ាងម៉េចខ្ញុំមិនដឹងទេ ព្រោះកន្លងមកខ្ញុំធ្លាប់ដាស់តឿនហើយ ខ្ញុំជឿថាពេលវេលានិងបើកភ្នែកមនុស្សមួយចំនួនអាចមើលឃើញថាកន្លងមកអ្វីដែលខ្ញុំធ្លាប់និយាយដាស់តឿនគឺសុទ្ធតែជាការពិតនិងខ្ញុំគ្រាន់តែចង់ឲ្យគេល្អ តែការជ្រើសរើសគឺជារបស់មនុស្ស រើសតបស្នងទៅអំពើនោះដោយបែបណាជាកម្មផលរបស់គេ។អញ្ចឹងសម្រាប់អ្នកដែលស្រឡាញ់រាប់អានខ្ញុំពិតប្រាកដ សុំកុំនិយាយរឿងដែលមិនពាក់ព័ន្ធនិងខ្ញុំប្រាប់ខ្ញុំអី ខ្ញុំមិនត្រូវការសើចយំអ្នកណាទេ ព្រោះខ្ញុំគិតរឿងបាបបុណ្យ ដោយសារតែគ្រប់យ៉ាងដែលយើងសាងវានឹងសងយើងនៅក្នុងជាតិនេះមិនចាំបាច់ជាតិក្រោយ”។
ថ្វីត្បិតតែថៃ នារីសុជាតា មិនដំដៅថាសារដែលនាងបានបញ្ចេញនោះនាងចង់និយាយពីអ្នកណាក្ដី ប៉ុន្ដែសម្រាប់អ្នកលេងបណ្ដាញសង្គមសុទ្ធតែបានដឹងច្បាស់ថាFiyata ចង់និយាយដល់រឿងសូលីកា និងប្ដីនាងបែកបាក់គ្នាបន្សល់កូនប្រុស១នោះ ទើបធ្វើឲ្យFan របស់កូនលោកថៃ សត្យា រូបនេះចូលទៅខមិនគាំទ្រនាងយ៉ាងច្រើន។គេចាំបានថានៅពេលដែលថៃ សុជាតា ត្រូវលោកគឹម ហាន ដែលជាអតីតគូស្នេហ៍របស់ខ្លួនទៅភ្ជាប់ស្នេហ៍ជាមួយពេជ្រ សូលីកា ដែលជាមិត្តជិតដិតរបស់នាងនោះពេលនោះសុជាតា បាននិយាយដៀមដាមថាបើបុរសនោះល្អគ្រប់យ៉ាងនោះនាងមិនព្រលែងប្រុសនោះទេ…។សុជាតា ក៍បាននិយាយឌឺដងដល់សូលីកា រឿងយកសង្សារចាស់របស់នាងនេះដែរដោយមាននាងបេនីយាំង Liveវីដេអូជាមួយនាងទៀតផងទើបធ្វើឲ្យស្រីពេជ្រ ហៅសូលីកា បានប្ដឹងទាំងថៃ សុជាតា និងលី សុគន្ធារី(បេនីយាំង)ទៅក្រសួងមហាផ្ទៃ ផ្នែកនាយកដ្ឋានប្រឆាំងបទល្មើសបច្ចេកវិទ្យាកាលពីថ្ងៃទី៨ខែវិច្ឆិការឆ្នាំ២០១៩។ ប៉ុន្ដែរឿងរ៉ាវនោះបានស្ងប់ស្ងាត់ទៅវិញ ក្រោយមានមានព័តមានថាភាគីទាំងសងខាងបានសម្របសម្រួលគ្នា។ចាប់តាំងពីពេលនោះមកសូលីកា និងលោកហាន រស់នៅដោយសុខសាន្ដនិងបានភ្ជាប់ពាក្យជាមួយគ្នាកាលពីថ្ងៃទី២៥ខែតុលាឆ្នាំ២០១៩ ហើយស្រីពេជ្រ សម្រាលកូនប្រុសថ្ងៃទី១៦ខែឧសភាឆ្នាំ២០២០ដោយដាក់ឈ្មោះថាហង្ស អ៊ារីវេស្ដេ ។សូលីកា ធ្លាប់ប្រាប់អ្នកយកព័តមានយើងថានាងចង់រៀបការនៅឆ្នាំ២០២១ ប៉ុន្ដែដោយសារតែពេលនោះកូវីដផ្ទុះពេកទើបនាងបានរំសាយចោលមង្គលការហើយស្រាប់តែមកដល់ដើមខែកក្កដានេះលោកគឹម ហាន ជាសា្វមីនាងបានទម្លាយពីការប្រេះឆាស្នេហ៍។
លោកគឹម ហាន បានទម្លាយសារពីការបែកបាក់ពេជ្រ សូលីកា តាមInstagram កាលពីថ្ងៃទី៨កក្កដា ជាភាសារអង់គ្លេសប្រែជាខ្មែរថា”អ្វីនៅថ្ងៃអនាគតគឺយើងមិនដឹង។អតីតកាលរបស់យើងបង្រៀនយើងនូវមេរៀន ហើយបច្ចុប្បន្នគឺជាពេលវេលាដែលយើងអាចផ្លាស់ប្ដូរអនាគតរបស់យើង។ទំនាក់ទំនងរវាងពេជ្រ និងខ្ញុំ យើងបានចែករំលែកនូវគ្រាដ៍អស្ចារ្យជាច្រើន ដែលពោពេញដោយក្ដីស្រលាញ់។ដំណើររបស់យើងរហូតដល់ថ្ងៃនេះបាននាំមកនូវកូនដ៍ស្រស់ស្អាតរបស់យើងWednesday Aar”។ដោយឡែកសូលីកា បានចេញសារតបថា”ខ្ញុំនឹងបង្រៀនកូនប្រុសរបស់ខ្ញុំឲ្យចេះស្គាល់ពីការឲ្យតម្លៃមនុស្សជុំវិញខ្លួនឲ្យបានច្រើន រៀនកុំកុំហក់ កុំក្បត់ កុំអាត្មានិយម កុំអំនួតលើខ្លួនឯង កុំបោកប្រាស់ កុំធ្វើបាបចិត្តគេ កុំនិយាយជាន់មនុស្សដែលខ្លួនស្រលាញ់ កុំចង់មានបានលើសពីសម្ថភាពរបស់ខ្លួន កុំរៀនល្បិចកល កុំហ៊ឺហានិងរបស់ក្លែងក្លាយ កុំងប់ងល់ទៅទង្វើររបស់ខ្លួនបានប្រឌិត កុំរៀនសម្ដែងក្នុងឆាកជីវិតពិត រៀនទទួលយកកំហុសដែលខ្លួនបានធ្វើដាក់គេឲ្យបានច្រើន រៀនទទួលការពិត រៀនទទួលយកកំហុសដែលខ្លួនបានធ្វើ រៀនយល់ចិត្តគេ សំខាន់ជាងគេនោះគឺភាពស្មោះត្រង់ មិនក្បត់ផិត និងការឲ្យតម្លៃមនុស្ស My Son My Everything “៕
