ភ្នំពេញ៖ស្រីស្អាតហ៊ិន ច័ន្ទនីរ័ត្ន បានចេញសារប្លែកៗនារយៈពេលចុងក្រោយនេះដែលធ្វើឲ្យFan របស់នាងស្រឡាំងកាំងតែម្ដងព្រោះតែនារីដ៍មានមន្ដស្នេហ៍រូបនេះហាក់អស់សង្ឃឹមក្នុងរឿងអ្វីមួយដូចជាសុខៗនាងថ្លែងសារថា”លើលោកនេះគ្មានអ្វីថិតថេទេ” និងសារនាពេលបន្ទាប់”ពេលវេលាមិនត្រឡប់ក្រោយ តែមិនបានន័យថា ពេលវេលាឈប់ដើរទៅមុខឯណា”។
ក្រុមតារារួមអាជីពបានព្យាយាមឲ្យហ៊ិន ច័ន្ទនីរ័ត្ន និយាយអ្វីៗឲ្យត្រង់ៗទៅព្រោះគ្រប់គ្នាដឹងថាទោះជាពាក្យពេជន៍ទាំងនោះគឺជាការពិតមែន ប៉ុន្ដែមើលទៅនាងហាក់កំពុងតែមានវិបត្តិផ្លូវចិត្តជាថ្មី។ប៉ុន្ដែច័ន្ទនីរ័ត្ន មិនតតបឡើយ ហើយព្យាយាមបង្ហាញថានាងមិនមានបញ្ហារអីកើតឡើងនោះទេ។តែយ៉ាងណាដូចពាក្យចាស់ថា”ដំរីងាប់ មិនអាចយកចង្អេឯណាទៅបាំងជិត”នោះមិនខុសឡើយ ព្រោះទោះជាច័ន្ទនីរ័ត្ន មិនវាចាចំពោះខ្លឹមសារដែលនាងបញ្ចេញក្ដី ប៉ុន្ដែគេអាចមើលតាមសកម្មភាពរបស់នាងហាក់ប្លែកៗកាន់តែច្រើននៅពេលនេះគឺដោយសារតែដៃគូដ៍យល់ចិត្តរបស់នាងដែលគេសង្ស័យថាជាគូស្នេហ៍កំពុងតែពោសោធន៍ចិត្តគ្នាគឺប្រុសរូបសង្ហារហូ ប៉ូសេង ហៅសេង មង្គល នោះស្រាប់តែពេលនេះលោកបានងាកទៅកៀកកើយជាមួយលោកជំទាវមេម៉ាយទ្រព្យស្ដុក១ដោយលែងក្វាយក្វល់ពីការនែបនិត្យជាមួយនីរ័ត្ន ដូចមុនទៀតហើយ។
ថ្វីត្បិតតែលោកមង្គល និងជំទាវម៉េម៉ាយដែលគេហៅថាជាសេដ្ឋីនីរូបនោះបញ្ចេញជាសកម្មភាពបែបពាណិជ្ជកម្មក្ដី ប៉ុន្ដែវាបានប្រែក្លាយទឹកមុខរបស់ច័ន្ទនីរ័ត្ន ដែលធ្លាប់តែសើចសប្បាយរីករាយជាមួយលោកមង្គល នោះប្រែទៅជាទឹកមុខក្រៀមស្រពោនហើយពេលនេះនាងហាក់ឯកោសារជាថ្មីម្ដងទៀតហើយ ក្រោយពីតារាចម្រៀងលោកចេន ម្ចាស់បទ”អាក្របី”ដែលគេម៉ៃថាជាសង្សាររបស់នាងនោះបានរៀបការប្រពន្ធកាលពីថ្ងៃទី២២ខែឧសភាឆ្នាំ២០២២ បាត់ទៅហើយ។ក្រុមតារារួមអាជីពនៅតែមិនចង់ឃើញនីរ័ត្ន ត្រូវបានគេចាត់ទុកឬហៅនាងថាជាស្រីស្អាត”អភ័ព្វស្នេហ៍”នោះទៀតទេ ព្រោះថាកន្លងមកនាងធ្លាប់ប្រេះឆាស្នេហ៍ជាបន្ដបន្ទាប់រហូតដល់ចេញទៅលំហែកាយ៉ានៅក្រៅស្រុកជាច្រើនលើកច្រើនសារទៀតផង ប៉ុន្ដែសំណួរដែលមហាជនចង់ដឹងនោះថាតើហេតុអ្វីបានជាស្រីស្អាតគូរឲ្យក្នក់ក្នាញ់ដូចច័ន្ទនីរ័ត្ន បែជាមិនអាចរក្សារស្នេហ៍បានយូអង្វែងដូចនារីធម្មតាបែបនេះ?ការលើកឡើងបែបនេះដោយសារតែច័ន្ទនីរ័ត្ន ជាមុខសញ្ញានៃការតាមប្រម៉ាញ់ស្នេហ៍ពីសំណាក់ប្រុសៗអ្នកមានទ្រព្យ ហេតុនេះហើយបុរសណាបាននៅបែននិត្យកាយ៉ានាងហើយគូតែមិនព្រមព្រលែងនារីតូចតន់រូបនេះចេញពីទ្រូងទេ តែការគិតបែបនោះបែជាបញ្ច្រាសទៅវិញព្រោះថានីរ័ត្ន មិនសូវរក្សារចំណងស្នេហាបានយូអង្វែងឡើយ ហើយប្រុសដែលធ្លាប់តាមស្នេហានាងយ៉ាងប្រកិតពីមុនមកនោះពេលនេះពួកគេបានការប្រពន្ធស្ទើតែគ្រប់គ្នាអស់ទៅហើយ។
គូរបញ្ជាក់ថាហ៊ិន ច័ន្ទនីរ័ត្ន ជាអតីតFreshie លេខ១កាលពីឆ្នាំ២០០៧ ដែលការឈានជើងចូលក្នុងពិភពសិល្បៈរយៈពេល១៥ឆ្នាំមកនេះនាងមិនធ្លាប់ប៉ៈរឿងអាស្រូវស្នេហាធ្ងន់ធ្ងម្ដងណាឡើយ ពោលគឺឭតែថាមានសង្សារក៍បែកគ្នាទៅវិញដោយមិនបានរៀបការ។ប៉ុន្ដែពិធីការិនីរូបស្រស់ធ្លាប់បង្ហើបប្រាប់អ្នកយកព័តមានយើងថានាងចង់រៀបការនៅអាយុ៣០ឆ្នាំពោលគឺនៅឆ្នាំ២០២៣ ខាងមុខនេះគ្រាន់តែនាងមិនប្រាប់ថាបុរសជាអនាគតស្វាមីរបស់នាងនោះជាអ្នកណាទេ។តាមរយៈការតាំងចិត្តបែបនោះមានន័យថាច័ន្ទនីរ័ត្ន មានដៅបុរសម្នាក់ក្នុងបេះដូងនាងទៅហើយសម្រាប់នាងជ្រើសធ្វើជាប្ដីហើយប្រសិនបើនាងលាភាពនៅលីវនៅឆ្នាំក្រោយនេះមែន នោះច្បាស់ជាធ្វើឲ្យលោកមង្គល ដែលកំពុងតែស្និតអ្នកមេម៉ាយទ្រព្យស្ដុកនោះភ្លឺភ្នែកវិញជាមិនខាន ព្រោះថានារីដែលមានរូបសម្រស់ផូផង់ដូចច័ន្ទនីរ័ត្ន មិនខ្វះប្រុសចាំត្រងស្នេហ៍ឡើយ ពិសេសបើនាងចង់ចាប់តំណែង”ជំទាវ”នោះវារិតតែមិនមែនជារឿងលំបាកឡើយសម្រាប់រូបនាង។ប៉ុន្ដែរឿងដែលគ្រប់គ្នាចាំអ៊ុតនោះថាតើច័ន្ទនីរ័ត្ន នឹងរៀបការជាមួយប្រុសណា?
