ភ្នំពេញ៖ក្រោយស្រីស្អាតប៉ាច គីមមួយ បានភ្ជាប់ពាក្យជាមួយលោកសយ រតនៈ បញ្ចប់ភាពជាស្រ្ដីមេម៉ាយកាលពីថ្ងៃទី១ខែកក្កដា ឆ្នាំ២០២២ នោះពេលនេះគេកត់សម្គាល់ឃើញថាមានតារាស្រីមេម៉ាយនៅទ្រនុំហង្សមាសដល់ទៅ៣ដួងកំពុងតែធ្វើឲ្យប្រុសៗជ្រួលជ្រើមចង់ចូលខ្លួនទៅស្អំរបួសបេះដូងឲ្យមានកំដៅឡើងវិញ។
១៖ពេជ្រ សោភា៖ពេជ្រ សោភា បានរៀបការជាមួយអាណិកជនខ្មែរមកពីអាមេរិកលោកឡៅ ឆលី កាលពីថ្ងៃទី៥ខែកុម្ភៈឆ្នាំ២០១៥ តែបានលែងលះគ្នាឆ្នាំ២០១៦ ដោយស្ងៀមស្ងាត់។ក្រោយធ្លាក់ខ្លួនមេម៉ាយជាង៥ឆ្នាំនេះសោភា បានជំពប់ស្នេហ៍ប្រុសរូបសង្ហារលោកឆឹម សក្កដា ជាង៤ឆ្នាំទើបតែចែកផ្លូវគ្នាដើរកាលពីចុងឆ្នាំ២០២១ ព្រោះតែនៅថ្ងៃឆ្លងឆ្នាំសកលឈានចូលឆ្នាំ២០២២ នោះសោភា បានកៀកកើយជាមួយសង្សារថ្មីនៅខេត្តសៀមរាប។លោកសក្កដា បានសច្ចារ្យថាចាប់ពីពេលនេះតទៅលោកលែងចង់បានសង្សារជាតារាដូចគ្នាទៀតហើយពោលគឺបើរកបានស្រីស្នេហ៍ថ្មីទៀតលោកសូមភ្ជាប់ស្នេហ៍ជាមួយនារីនៅក្រៅរង្វង់សិល្បៈម្ដង។ចំពោះសោភា វិញបានប្រាប់អ្នកយកព័តមានយើងថានាងពិតជាមានម្ចាស់ចិត្តថ្មីមែន តែបើឲ្យនាងបង្ហាញមុខប្រុសស្នេហ៍ជាចំហនោះនាងមិនចូលចិត្តទេ ព្រោះចង់សាងស្នេហ៍ដោយលាក់លៀមវិញ។សោភា មិនដែលមានមហិច្ឆិតាចង់ធ្វើជាជំទាវទេបើទោះជាមានប្រុសចំណាស់ ចាំត្រងស្នេហ៍ជាច្រើននាក់ក្ដី តែតាមព័តមានថាអ្នកមេម៉ាយទ្រព្យស្ដុករូបនេះស្នេហាតែប្រុសក្មេងរូបសង្ហារប៉ុណ្ណោះ។យ៉ាងណាក្នុងជំនួបផ្ទាល់សោភា ប្រាប់ថាអ្នកដែលថានាងស្រលាញ់តែប្រុសក្មេងនោះខុសធ្ងន់ខ្លាំងណាស់ ព្រោះបុរសដែលតាមស្រលាញ់នាងគាគច្រើនគឺជាអ្នកវ័យចំណាស់។
២៖សុខ ស្រីនាង ៖អ្នកមេម៉ាយវ័យក្មេងនិងមានរូបសម្រស់ផូផង់រូបនេះបានរៀបការជាមួយតារាចម្រៀងស៊ី សុវត្ថិ កាល ពីឆ្នាំ២០១០ ហើយរួមរស់ជាមួយគ្នាត្រឹមរយៈពេលខ្លីក៍លែងលះគ្នាដោយស្រីនាង មិនមានកូន១គ្រាប់ជាប់ជាប់ខ្លួនទេ។ស្រីនាង ប្រើជីវិតជាស្ត្រីមេម៉ាយរយៈពេលជាង១០ឆ្នាំមកហើយនិងមិនដែលបណ្ដើរប្រុសណាជាសាធារណៈម្ដងណាទេ ខណៈដែលអតីតប្ដីនាងលោកសុវត្ថិ ធ្លាប់ផ្ដាំដល់ប្រុសៗដែលលង់ស្នេហ៍ស្រីនាង ថាដាច់ខាតទាល់តែមានរបស់២យ៉ាងជាប់និងខ្លួនទើបអាចធ្វើប្ដីស្រីនាង បាននោះគឺទី១៖អំណាច និងទី២៖លុយ។ប៉ុន្ដែស្រីនាង មិនដែលបង្ហាញសញ្ញាត្រៀមចូលរោងការជាលើកទី២ឡើយ ខណៈដែលលោកសុវត្ថិ មានភរិយាថ្មីតាំងពីបែកពីស្រីនាង ភ្លាមៗម្លេះ។ដោយឡែកទំនាក់ទំនងរបស់ស្រីនាង ជាមួយសិស្សច្បងលោកណុប បាយ៉ារិទ្ធ ដែលធ្វើឲ្យគេសង្ស័យថាអ្នកទាំងពីរមានទំនាក់ទំនងពិសេសជាមួយគ្នានោះពេលនេះត្រូវបញ្ចប់តាមរយៈស្រីនាង ចាត់ទុកលោករិទ្ធ ដូចជាបងប្រុស ។គចាំមើលថាស្វាមីថ្មីរបស់ស្រីនាង ពិតជាមន្រ្ដីធំដូចអតីតប្ដីដៅទុកមែនឬយ៉ាងណា?
៣៖ពេជ្រ សូលីកា ៖អ្នកមេម៉ាយកូន១ស្រួយដូចដូងដុតរូបនេះទើបតែបែកធ្លាយរឿងលែងប្ដីអាណិកជនខ្មែរមកពីអូស្រា្ដលីលោកគឹម ហាន កាលពីពេលថ្មីៗនេះទេ ប៉ុន្ដែការលែងលះរបស់ពួកគេមិនហែកហួរគ្នានៅលើបណ្ដាញសង្គមដូចគូស្នេហ៍មួយចំនួនទៀតឡើយ គ្រាន់តែម្នាក់ៗក្រៀមស្រពោនរៀងៗខ្លួនប៉ុណ្ណោះ ហើយពួកគេស្ម័គ្រចិត្តចិញ្ចឹមកូនប្រុស១ដែលមានអាយុជាង២ឆ្នាំនោះរួមគ្នា។គង់ ស្រីពេជ្រ ហៅពេជ្រ សូលីកា ខកចិត្តខ្លាំងណាស់ចំពោះការមិនអាចរក្សារចំណងស្នេហាបានយូអង្វែងនេះឬមិនទាន់បានរៀបការជាមួយលោកហាន ដូចបំណង ប៉ុន្ដែពេលនេះនាងធ្លាក់ខ្លួនទៅក្នុងក្រុម(Team)អ្នកមេម៉ាយទៅហើយ ក្រោយបានភ្ជាប់ពាក្យជាមួយអតីតប្ដីជាអ្នកច្នៃម៉ូដកាលពីថ្ងៃទី២៥ខែតុលាឆ្នាំ២០១៩ និងលុបចោលគម្រោងរៀបការនៅឆ្នាំ២០២១។សូលីកា ដែលធ្លាប់មានស្រមោលស្នេហ៍ដ៍ខ្មៅងងិតមុនពេលមានប្ដីនេះ ឥឡូវនាងហាក់មានអារម្មណ៍ច្របូកច្របល់សារជាថ្មីនិងស្នើរសូមកុំឲ្យមហាជនវាយប្រហារនាងនាំឲ្យប៉ៈទង្គិចផ្លូវចិត្តព្រោះចាប់ពីពេលនេះតទៅនាងមានភារិច្ចចិញ្ចឹមកូននិងប្អូនស្រីឲ្យបានល្អ។អ្នកនៅក្នុងសិល្បៈបានលើកឡើងថាមេម៉ាយដូចសូលីកា ដែលមានរូបសម្រស់គូរឲ្យក្នក់ក្នាញ់បែបនេះច្បាស់ជាមានប្រុសមិនតិចនាក់ទេចង់ចូលខ្លួនទៅធ្វើជាប្ដីថ្មីរបស់នាង ហើយក្នុងនោះបើសូលីកា ចង់លោតឆ័ត្រព្រមធ្វើជំទាវដោយលាក់មុខនោះច្បាស់ជានាងរស់នៅដោយហ៊ឺហា នឹងមិនចាំបាច់ច្រៀងរាំក៍លុយចាយមិនចេះអស់ឡើយ៕
