ភ្នំពេញ៖អ្នកនាងខាត់ សុឃីម នឹងចេញច្រៀងសម្ដែងជាមួយស្វាមីនាងលោកអ៊ិនសុបញ្ញា ហៅផាណូ និងកូនប្រុសរបស់នាងឈ្មោះស្កាយ រួមទាំងក្រុមតន្រ្ដីរបស់នាងនៅលើទឹកដីអាមេរិកនៅថ្ងៃទី១៣ ខែសីហាឆ្នាំ២០២២ ខាងមុខនេះហើយ។នេះជាការចេញរកលុយនៅលើទឹកដីអាមេរិកសារជាថ្មី ខណៈដែលមុននេះម្ដាយអ្នកនាងសុឃីម ក៍បានទៅអាមេរិកផងដែរដើម្បីទៅមើលកូនឲ្យខាត់ ស្រីវង ដែលមានស្វាមីនៅទីនោះហើយជាប់ធ្វើការទាំងប្ដីប្រពន្ធ។អ្វីដែលគូរឲ្យកត់សម្គាល់នេះគឺជាលលើកទី១ផងដែរសម្រាប់អ្នកនាងសុឃីម ដែលនាំយកប្ដីនិងកូនបុ្រសរបស់នាងទើបពេញកំលោះទៅច្រៀងសម្ដែងរួមគ្នានៅរដូវធ្លាក់ភ្លៀងដែលក្នុងស្រុកស្បោយការងារសិល្បៈបន្ដិចនោះ ខណៈដែលកន្លងមកតារាពហុជំនាញរូបនេះធ្លាប់ប្រាប់អ្នកយកព័តមានយើងថាក្នុងការចេញទៅច្រៀងសម្ដែងនៅក្រៅស្រុកគឺនាងមានល័ក្ខខណ្ឌជាមួយម្ចាស់Sponsor ពោលគឺទាល់តែគេព្រមយកក្រុមរបស់នាងទៅទាំងអស់តាមការចង់បានរបស់នាងដែរទើបនាងព្រមចេញទៅ។តែបើSponsor ចង់ឲ្យនាងចេញទៅតែម្នាក់ឯងដោយគ្មានក្រុមទៅជាមួយទោះជាតម្លៃប៉ុន្មានក៍នាងមិនទៅដែរ។
ការដាក់ផែនការណ៍បែបនេះហើយទើបធ្វើឲ្យក្រុមហ៊ុនកម្សាន្ដនៅក្រៅស្រុកដែលចង់ហៅអ្នកនាងសុឃីម ទៅច្រៀងសម្ដែងតែម្នាក់ឯងនោះមានផលវិបាក ហើយជាច្រើនឆ្នាំមកនេះគេឃើញតារាពហុជំនាញរូបនេះមិនដែលចេញទៅសម្ដែងនៅបរទេសជាច្រើនឆ្នាំមកហើយទើបតែពេលនេះអ្នករៀបចំកម្មវិធីហៅនាងទៅទាំងក្រុមទើបសុឃីម ព្រមទៅ ស្របពេលដែលសំបុត្រត្រូវបានគេដាក់លក់ដល់ទៅ១សន្លឹក៦០ដុល្លារឯណ្ណោះ(បូកទាំងការញាំអាហារ)។
គូរបញ្ជាក់ថាខាត់ សុឃីម បានធ្លាក់ខ្លួន១ប្រាវព្រោះកាលពីដើមខែកញ្ញាឆ្នាំ២០២១ ដោយនាងបានសារភាពថាបានផុងខ្លួនចាញ់បោកឧកញ៉ាម្នាក់អស់ទឹកលុយសរុបដល់ទៅ៩០ម៉ឺនដុល្លារ នាំឲ្យមនុស្សមួយចំនួនយល់ច្រឡំថាសុឃីម ធ្លាក់ខ្លួនព្រោះតែពេលនោះនាងប្រកាសលក់ផ្ទះ និងហាងសម្អាងការឡាយឡុង។ប៉ុន្ដែគ្រប់គ្នាភ្លេចគិតថាទោះជាសុឃីម បាត់លុយជិត១លានដុល្លារមែន តែនាងនៅសល់ដីធ្លីជាច្រើនទៀតពិសេសនៅភ្នំប្រសិទ្ធទើបធ្វើឲ្យពេលនេះនាងនៅតែអាចក្រោកឈសារជាថ្មីដោយបើកហាងCosmetic និងទិញរថយន្ដLexus Lx 570 រួមទាំងពាក់មាសធំៗលើដងខ្លួនដើម្បីជាការឆ្លើយតបទៅនិងអ្នកដែលថានាងធ្លាក់ខ្លួន។តែគូឲ្យស្ដាយផែនការណ៍សុឃីម យកកូនទី៣នោះត្រូវនាងលុបចោលទៅហើយ ខណៈដែលចំណងស្នេហាជាមួយស្វាមីក្មេងលោកផាណូ រយៈពេលជិត១០ឆ្នាំអ្នកទាំងពីរទទួលបានចំណងដៃកូនស្រី១ឈ្មោះបញ្ញា ហ្វូតូស្អាត អាយុជិត១០ឆ្នាំ៕
