ភ្នំពេញ៖ប៉ាច គីមមួយ-សយ រតនៈ ជាគំរូ១សម្រាប់គូស្នេហ៍តារាផ្សេងៗទៀតនៅហង្សមាសព្រោះពួកគេគិតថា”ជួញជិត ប្រសើជាងជួញឆ្ងាយ” ខណៈដែលអតីតតារាផលិតកម្មមួយនេះនាងទេព បូព្រឹក្ស -ងួន ចាន់ដេវីត ក៍បានរក្សារស្នេហ៍រហូតមកដល់សព្វថ្ងៃដែរ។ដោយឡែកសម្រាប់ស្រីស្អាតរ៉េត ស៊ូហ្សាណា វិញពេលនេះនាងកាន់តែបង្ហាញកាយវិការស្និតស្នាលចម្លែកជាមួយកូនទី២លោកឧកញ៉ាព្រាប សុវត្ថិ នោះគឺកំលោះរូបសង្ហារសុវត្ថិ មុនីនាគ ស្របពេលដែលកន្លងមកអ្នកណាៗក៍បានដឹងដែរថាហ្សាណា មិនដែលជិតដិតជាមួយតារាប្រុសណាម្នាក់នោះទេពោលគឺតាំងពីនាងបានចាប់អាជីពចម្រៀងជាង៦ឆ្នាំនេះមកឪពុកម្ដាយរបស់នាងតាមការពារគ្រប់វិនាទីទាំងអស់។ប៉ុន្ដែនៅពេលដែលស្រីស្រស់ធ្មេញចំពើសបង្ហាញកាយវិការដូចគូសង្សារជាមួយមុនីនាគ នោះឪពុកម្ដាយនាងបែជាមិនជំទាស់ឬហាមឃាត់នោះទេ បើទោះជាសកម្មភាពខ្លះនៅក្រៅឆាកមិនមែនជាការថតសិល្បៈក្ដី។សម្រាប់Fan ទាំងស៊ូហ្សាណា និងមុនីនាគ ពួកគេចាត់ទុកថាតារាយុវវ័យទាំងពីរពិតជាសាកសមគ្នាខ្លាំង ហើយហ្សាណា ត្រូវបានគេដឹងថាជាមុខសញ្ញានៃការតាមប្រម៉ាញ់ស្នេហ៍ពីសំណាក់ប្រុសៗអ្នកមានជាច្រើននាក់ តែនាងមិនធ្លាប់បង្ហាញសញ្ញាស្នេហ៍បុរសណាជាចំហដូចជាមួយកូនលោកព្រាប សុវត្ថិ នោះទេ។បើនិយាយពីសុវត្ថិ មុនីនាគ នោះវិញពួកគេក៍មិនធម្មតាដែរព្រោះមានតារាស្រីស្អាតជាច្រើនដួងមកហើយឲ្យតែជួបម្ដាយលោកគឺអ្នកស្រីឡុង ស្រីមុំ នោះតែងតែហៅថាជា”ម៉ែក្មេកៗ”ដែលហាក់បើកភ្លើងខៀវឬសុំកក់កូនកំលោះលោកស្រីធ្វើប្ដី បញ្ជាក់ថាកូនរបស់ព្រាប សុវត្ថិ ពិតជាមានមន្ដស្នេហ៍មិនចាញ់ស្រីស្អាតហ្សាណា ឡើយ។
គូរបញ្ជាក់ថារ៉េត ស៊ូហ្សាណា ធ្លាប់បានចាប់ដៃសុវត្ថិ មុនីនាគ ច្រៀងសម្ដែងរួមគ្នាបទ”សុំខុសមួយយប់” និងបទ”ចេះញ៉ែអត់?” ដែលតារាវ័យក្មេងទាំងពីរមិនត្រឹមតែមានកាយវិការនិងសម្រស់ទាក់ទាញដូចគ្នានោះទេ ប៉ុន្ដែទឹមដមសម្លេងក៍ស៊ីគ្នាល្អដែរ។អតីតបេក្ខភាពThe Voice Cambodia រដូវកាលទី២នាងស៊ូហ្សាណា ចុងក្រោយនេះកាន់តែកាលីពថែមទៀត ព្រោះនាងជិះរថយន្ដទំនើបម៉ាកJeep Rubicon តម្លៃជិត៨ម៉ឺនដុល្លារ ខណៈដែលសុវត្ថិ មុនីនាគ វិញពេលនេះជិះឡានឪពុកលំដាប់សេដ្ឋីម៉ាកRolls Royce Ghost តម្លៃជិត៣០ម៉ឺនដុល្លារ។
អ្នកជំនាញធ្វើភ្លេង(Composer)ម្នាក់នៅហង្សមាសបាននិយាយថារឿងហ្សាណា និងមុនីនាគ នៅក្រៅឆាកទាក់ទងគ្នាយ៉ាងណានោះលោកមិនដឹងទេតែតាមការកត់សម្គាល់ការចាប់ដៃគ្នាច្រៀងឆ្លងឆ្លើយរបស់ពួកគេកន្លងមកនោះឃើញថាឡើងទាំងអស់គ្នាពិសេសកូនព្រាប សុវត្ថិ តែម្ដង។លោកថាខាងផលិតកម្មដឹងតែពីធ្វើចម្រៀងមិនដែលហាមឃាត់ថាតារាច្រៀងនៅផលិតកម្មជាមួយគ្នាមិនឲ្យស្រលាញ់គ្នានោះទេព្រោះនោះជាជីវិតឯកជនរបស់ពួកគេ។
រ៉េត ស៊ូហ្សាណា ត្រូវបានគេមើលឃើញថានាងមានយ៊ីអ៊ុនល្អជាងតារាស្រីផ្សេងៗទៀតរបស់ហង្សមាសព្រោះនៅរដូវកូវីដកន្លងមកមានតែស្រីស្រស់ម្នាក់នេះគត់ដែលហក់ឡើងនៅទ្រនុំធំនោះ។តាមព័តមានថាហ្សាណា ច្រៀង១កម្មវិធីស៊ីថ្លៃជិត២ពាន់ដុល្លារហើយនាងជាតារាផ្នែកយុវវ័យរបស់ហង្សមាសតែម្នាក់គត់ដែលប្រជែងទីផ្សារជាមួយតារាចម្រៀងជើងខ្លាំងរបស់Galaxy នាងតន់ ច័ន្ទសីម៉ា បើទោះជាតម្លៃខ្លួនរបស់ពួកគេមិនដូចគ្នាក្ដី។ចំពោះហ្សាណា នាងត្រូវបានគេចាត់ទុកថាជាតារាមានទ្រព្យច្រើននៅឆ្នាំ២០២២ នេះព្រោះក្រៅពីទិញរថយន្ដជិះយ៉ាងកាលីពនោះតារាវ័យ២៣ឆ្នាំរូបនេះក៍ទិញបានផ្ទះ២ជុងជាប់គ្នាតម្លៃមិនក្រោម៣០ម៉ឺនដុល្លារដែរ។តែតារាសាច់សខ្ចីហ្សាណា រួចផុតពីការសង្ស័យថានាងមានប្រុសស្នេហ៍ឧបត្ថម្ភ ព្រោះសម្អាងថានាងមានជីវភាពធូធាតាំងពីមុនចូលច្រៀងម្លេះ ហើយនាងក៍អាចរកប្រាក់ចំណូលបានជាច្រើនម៉ឺនដុល្លារក្នុង១ឆ្នាំៗពីសិល្បៈព្រោះត្រូវប៉ាន់ទាំងចម្រៀងនិងស្ពតពាណិជ្ជកម្មធំៗ។
មហាជនរងចាំមើលថាតើទំនាក់ទំនងរបស់រ៉េត ស៊ូហ្សាណា និងសុវត្ថិ មុនីនាគ ពិតជាលើសពីមិត្តរួមអាជីពមែនឬយ៉ាងណា ខណៈដែលមុននេះក្មួយរបស់លោកឧកញ៉ាសុវត្ថិ គឺលោកឆៃដា ពិសិដ្ឋ ក៍បានជ្រើសរើសភរិយាជាតារាដូចគ្នាដែរនោះគឺអ្នកមេម៉ាយសាច់សខ្ចីនាងសាត រស្មី៕