ភ្នំពេញ៖មាស សុខសោភា និងស្វាមីនាងលោកអ៊ឹត រ៉ាដា បានបណ្ដើរគ្នាទៅធ្វើបុណ្យសន្សំនិស្ស័យស្នេហ៍ដល់ឡាវ ហើយពួកគេបានយកចង្ហាន់ទៅប្រគេនព្រះសង្ឃដល់ទៅ១៥០អង្គ មកពី១៣វត្ត របស់Luang Prabang ទៀតផងកាលពីព្រឹកថ្ងៃទី២៥កក្កដា។ក្រៅពីមានចិត្តជ្រះថ្លាក្នុងវិស័យសាសនានោះសុខសោភា ក៍បាននាំលោកអ៊ឹត រ៉ាដា ឡើងទៅលេងភ្នំPhou ដែលនេះគឺជាការរិតតំណងស្នេហាឲ្យកាន់តែរឹងមាំថែមទៀត ខណៈដែលរយៈពេលជាង១ឆ្នាំនេះសោភា បានផ្អាកទៅដើរលេងនៅប៉ែកអ៊ឺរ៉ុបពិសេសគឺប្រទេសទី២របស់ប្ដីនាងនៅកាណាដា ដោយសារតែនាងមមាញឹកក្នុងការរកស៊ីអាជីវកម្មផ្ទាល់ខ្លួនក្រោយមានហាងដល់ទៅ២ផ្សេងគ្នានៅអំឡុងកូវីដផ្ទុះកន្លងមក។
មាស សុខសោភា បានរក្សារចំណងស្នេហាជាមួយស្វាមីរយៈពេលដល់ទៅ១៥ឆ្នាំ(២០០៧-២០២២)តែអ្នកទាំងពីរមិនទាន់មានកូន១គ្រាប់ឡើយថ្វីត្បិតតែមុននេះតារារាម បានហៅយុវវជនម្នាក់ឈ្មោះBovee Hundley ថាជាកូនៗពេញមាត់ក្ដី តែតាមព័តមានថាបុរសនោះជាក្មួយរបស់សោភា ទេ។ចំពោះការទៅបន់ស្រន់ដល់ឡាវនេះដែរក្រៅពីបួងសួងសូមឲ្យនាងនិងស្វាមីរក្សារស្នេហ៍បានជានិរន្ដន៍នោះគេជឿរថាសោភា ក៍មានក្ដីបំណងធំចង់បានកូនដែរ ព្រោះពេលនេះនាងមានអាយុជាង៤០ឆ្នាំទៅហើយប្រាកដជាមិនចង់ពន្យាពេលពពោះទៀតឡើយ ព្រោះនាងធ្លាប់ទទួលស្គាល់ថានៅពេលដែលអាយុកាន់តែច្រើនពិបាករឿងយកកូននោះតែម្ដង។
ទាំងអ្នករួមអាជីពនិងFan បានជម្រុញឲ្យសោភា គូតែបង្ហាញភាពក្លាហានជាងនេះតាមរយៈការរៀបការលើកទី៣ដោយធ្វើជាចំហ ព្រោះមង្គលការ២លើករបស់នាងកន្លងមកដែលការនៅឆ្នាំ២០០៨ តាមបែបសាសនាគ្រិស្ដនៅព្រះវិហារមួយនៅកាណាដា និងមង្គលការនៅខ្មែរថ្ងៃទី២៨ខែធ្នូឆ្នាំ២០០៩ ដោយធ្វើសុទ្ធតែលាក់លៀមនោះហាក់មិនទាន់សាកសមទៅនិងកិត្តិយសរបស់នាងដែលជាតារាលំដាប់ជូរមុខម្នាក់នេះឡើយ។ប៉ុន្ដែរហូតមកដល់ពេលនេះសុខសោភា នៅតែមិនទាន់កំណត់ពេលវេលាធ្វើជាកូនក្រមុំម្ដងទេ ខណៈដែលប្ដីនាងលោករ៉ាដា គឺចាំតែសម្របខ្លួនតាមនាងគ្រប់បែបយ៉ាងទាំងអស់។អ្នករួមការងារជាមួយសុខសោភា នៅរាម បានអះអាងថាប្រសិនបើថៅកែរាម ចង់ឲ្យតារាសំនៀងផ្អែមរូបនេះរៀបការជាចំហនោះនាងគ្មានពាក្យពេជន៍អ្វីអាចប្រកែករួចទៀតឡើយ ព្រោះថាពេលនេះនាង ត្រូវមេស្រីចងជើងជាប់ហើយទោះជានាងលែងសូវមានបទល្បីៗក៍សោភា នៅតែរីករាយជាមួយផលិតកម្មថ្មីនេះដដែល៕
