ភ្នំពេញ៖អ្នកនាងយុគ ចិន្ដា ដែលមិនធ្លាប់រៀបការម្ដងណាសោះនោះនាងមានកូនក្រមុំម្នាក់ឈ្មោះយុគ ដាពេជ្រ ហៅស្រីអម អាយុ១៨ឆ្នាំតែគ្មានអ្នកណាម្នាក់ដឹងថាឪពុករបស់កូនស្រីសំណព្វចិត្តរបស់អ្នកនាងចិន្ដា គឺជាអ្នក ណាឡើយ។ប៉ុន្ដែអ្វីដែលគូរឲ្យចាប់អារម្មណ៍ខ្លាំងនោះនៅថ្ងៃដែលពិធីការិនីដ៍មានឥទ្ធិពលរបស់CTN រូបនេះធ្វើ បុណ្យជូនម្ដាយនាងឧបាសិកាខឹម ផល្លី គម្រប់ខួប១ឆ្នាំកាលពីថ្ងៃទី១០ខែកក្កដាឆ្នាំ២០២២ នៅបុរីអង្គរភ្នំពេញ ខណ្ឌសែនសុខ រាជធានីភ្នំពេញនោះគឺរាល់សំបុត្របុណ្យដែលនាងបានអញ្ជើញភ្ញៀវនោះមានដាក់ថាអ្នកផ្ដើមបុណ្យអ្នកនាងយុគ ចិន្ដា និងស្វាមី ព្រមទាំងបុត្រ ។ការបញ្ជាក់ច្បាស់ៗបែបនេះបញ្ជាក់ថាអ្នកនាងចិន្ដា មានស្វា មីជាផ្លូវការទៅហើយ ដែលរឿងនេះអ្នកនាងផ្ទាល់ក៍ទទួលស្គាល់ ខណៈដែលមិត្តភក្ដិនាងទាំងឡាយក៍បានដឹង ទាំងអស់គ្នាដែរ។ប៉ុន្ដែគេពិបាកវែកញែកឲ្យដាច់ស្រឡះបន្ដិចបើសួរថាតើអ្នកនាងចិន្ដា មានស្វាមីតាំងពី ពេល ណា?ភាពស្មុគស្មាញពីពេលវេលានោះដោយសារតែយុគ ចិន្ដា ពេលនេះមានកូនស្រីអាយុ១៨ឆ្នាំហើយ បើគិត ឲ្យត្រឹមត្រូវគឺមានន័យថាពិធីការិនីជើងចាស់រូបនេះមានប្ដីតាំងពីឆ្នាំ២០០៤ ម្លេះ ទើបពេលនេះបានមានកូន ក្រមុំ ស្ដូកបែបនេះ។តែបើគិតតាមបច្ចុប្បន្នគឺមានភាពខុសគ្នាទៅនិងការគណនាដូចខាងលើព្រោះថាអ្នកនាងចិន្ដា ទើបតែបង្ហាញគូស្នេហ៍ថ្មីជាចំហជាមួយបុរសម្នាក់ជាអ្នកជំនួញមិនទាន់ដល់៥ឆ្នាំឡើយ ហេតុនេះហើយបានជា ពិបាកក្នុងការវែកញែករឿងស្នេហារបស់ពិធីការិនីដែលល្បីល្បាញជាង២០ឆ្នាំរូបនេះ។
ទោះជាយ៉ាងណាក្នុងជំនួបផ្ទាល់កន្លងទៅថ្មីៗនេះអ្នកនាងយុគ ចិន្ដា ក៍ហាក់សារភាពថានាងមានម្ចាស់ ចិត្តរួច ទៅហើយដែរព្រោះនាងសង្កត់ថាបានគិតគូរួចជាស្រេចអស់ទៅហើយរឿងរៀបការថានឹងរៀបចំនៅពេលណា។ប៉ុន្ដែនាងគ្រាន់តែមិនចង់និយាយឲ្យគ្រប់គ្នាដឹងជាសាធារណៈមុនប៉ុណ្ណោះ។
ថ្វីត្បិតតែអ្នកនាងយុគ ចិន្ដា មិនបង្ហើបពីតម្រុយនៃការគ្រងឈុតអាពាហ៍ពិពាហ៍ពិតប្រាកដមែន ប៉ុន្ដែលោកជីមមី ដែលជាជំនួយការផ្ទាល់របស់នាងធ្លាប់ប្រាប់ថាអ្នកនាងចិន្ដា និងគូស្នេហ៍ស្ទើតែបានរៀបការកាលពីថ្ងៃទី ២៣ខែ មី នាឆ្នាំ២០២២ ព្រោះការកក់សម្អាងការនិងសម្ភារៈផ្សេងៗលោកជាអ្នករ៉ាប់រងទាំងអស់តែចុង ក្រោយគូរឲ្យសា្ដយ ព្រោះពេលនោះកូវីដផ្ទុះខ្លាំងពេកធ្វើឲ្យអ្នកនាងចិន្ដា បង្ខំចិត្តលុបចោលកម្មវិធីពិសេសរបស់នាងដោយគ្មានការស្ទាក់ស្ទើចិត្តបន្ដិចឡើយ។ប៉ុន្ដែលោកជំនួយការរូបនោះថានៅឆ្នាំ២០២៣ ខាងមុខនេះជាវេលាដែលល្អបំផុត សម្រាប់អ្នកនាងចិន្ដា គិតគូររឿងរៀបការម្ដងទៀតព្រោះពេលនោះស្ថានភាពកូវីដអាចនឹងកាន់តែថមថយ ថែម ទៀតជាមិនខាន។
យុគ ចិន្ដា ធ្លាប់ត្រូវបានគេចាត់ទុកនាងជាតារាដែលជោគជ័យតែការងារសិល្បៈតែរឿងស្នេហាបានបរាជ័យ ជាបន្ដបន្ទាប់។តែនាងតែងតែបង្ហាញឲ្យគ្របគ្នាឃើញថាជានារីម្នាក់ដែលមានជំហរឹងមាំជាមេគ្រួសារហេតុនេះហើយនាងមានគោលដៅច្បាស់លាស់ដែល គិតគូពីរឿងជីវភាពគ្រួសារច្រើនជាងជីវិតឯកជនផ្ទាល់ខ្លួន។យ៉ាងណាតារាជើងចាស់ដែលត្រូវបានគេទុកដូចជា”សេដ្ឋីនី”ក្នុងសិល្បៈរូបនេះគេជឿរថា នាងច្បាស់ជានឹងរៀប ការជាមួយបុរសវ័យចំណាស់បន្ដិចដែលនាងកំពុងតែសាងស្នេហ៍នាពេលបច្ចុប្បន្ននេះជាមិនខានសម្រាប់មង្គលការនាងដែលអាចធ្វើនៅឆ្នាំក្រោយប្រសិនបើគ្មានអ្វីប្រែប្រួលនោះ បើទោះជានាងមិននិយាយផ្ទាល់មាត់ថាអនា គតស្វាមីរបស់នាងជាអ្នកណាក៍ដោយ។អ្នកសិល្បៈរួមអាជីពបានលើកឡើងថានៅពេលដែលអ្នកនាងចិន្ដា រៀប ការរួចហើយនោះជីវិតនាងនឹងមានអ្វីៗគ្រប់បែបយ៉ាងទាំងអស់ហើយអ្នកដែលធ្លាប់ថានាងប៉ៈតែស្នេហាមិនសម ប្រកបនោះនឹងលែងហ៊ានក្អកដាក់អ្នកនាងចិន្ដា ទៀតជាមិនខាន៕
