ភ្នំពេញ៖រយៈពេល៤ថ្ងៃហើយដែលមាស សុខសោភា បានបណ្ដើរស្វាមីលោកអ៊ឹត រ៉ាដា ទៅធ្វើបុណ្យផងដើរលេងផងនៅប្រទេសឡាវហើយតាមរយៈរូបភាពនាងអោបរឹតប្ដីទាំងនៅជើងភ្នំនិងទឹកជ្រោះនោះគឺជឿរថាសោភា អាចនឹងទទួលបានលទ្ធផលល្អហើយជាកាដូជូនទៅម្ដាយរបស់នាងនោះគឺការពពោះកូនដំបូងរបស់នាងខណៈដែលលោកស្រីសុខ វិលន់ ចង់បានចៅពជាច្រើនឆ្នាំមកហើយតែមិនដូចចិត្ត។ការបង្ហាញភាពផ្អែមល្ហែមស្នេហ៍នៅក្រៅស្រុករបស់សុខសោភា នៅប្រទេសជិតខាងនេះក្រោយនាងបានអាកខានចេញទៅដើរកម្សាន្ដនៅប៉ែកអ៊ឺរ៉ុបអស់ជាង២ឆ្នាំដោយសារតែមុននេះកូវីដផ្ទុះខ្លាំងពេក។ប៉ុន្ដែទោះជាយ៉ាងណាតាមរយៈការបញ្ចេញរូបភាពស្អិតល្មូតជាមួយប្ដីសារជាថ្មីរបស់សោភា នៅពេលនេះបញ្ជាក់ឲ្យឃើញថាចំណងស្នេហានាងជាមួយលោកគ្រូពេទ្យអ៊ឹត រ៉ាដា គឺនៅតែរក្សារបានភាពរឹងមាំដដែលពោលគឺស្នេហាគ្មានការប្រែប្រួលអ្វីទាំងអស់បើទោះជាអ្នកទាំងពីរចាប់ដៃគ្នា១៥ឆ្នាំ(២០០៧-២០២២)មិនទាន់មានកូន១គ្រាប់ក្ដី។
តែគេកត់សម្គាល់ដែរថាមុនសុខសោភា នាំប្ដីទៅរិតចំណងស្នេហាដល់ឡាវនេះកាលពីថ្ងៃទី១៨ខែកក្កដា តារារាម រូបនេះក៍បានជូនយុវវជនម្នាក់ឈ្មោះBovee Hundley ដែលនាងហៅថាជាកូនពេញៗមាត់នោះហោះទៅបន្ដការសិក្សារនៅអាមេរិកដែរ ហើយនាងថែមទាំងអាលោះអាល័យក្មេងប្រុសនោះជាខ្លាំងរហូតដល់អោបគ្នាមិនចង់ព្រលែងនៅព្រលានយន្ដហោះទៀតផង បើទោះជាអ្នកស្និតបុរសនោះធ្លាប់ចេញមុខមកអះអាងថាមិនមែនជាកូនរបស់សោភា តែជាក្មួយរបស់នាងក្ដី។ប៉ុន្តែតាមរយៈរូបភាពនោះគេជឿរថាមាស សុខសោភា ចង់បានកូនង៉ាបីប្រលែងលេងដូចគេស្ទើតែទ្រាំលែងបានទៅហើយ ហេតុនេះការបន្ថែមរសជាតិស្នេហ៍ឲ្យកាន់តែដូចស្កតាំងម៉ែនៅឡាវនេះនឹងធ្វើឲ្យសោភា សម្រេចក្ដីបំណងធំក្នុងពេលឆាប់ៗនេះជាមិនខាន។
ក្រៅពីមិនទាន់អាចយកកូនបានតាមបំណងរបស់ម្ដាយនាងនោះមាស សុខសោភា ក៍នៅតែអត់ទាន់សម្រេចផែនការណ៍វាយលុកទីផ្សារចម្រៀងនៅឆ្នាំ២០២២ ដូចការប្រកាសនិងតាំងចិត្តរបស់នាងកាលពីដើមឆ្នាំនេះដែរ ព្រោះពេលនេះនាងហាក់ផ្ដោតទៅលើការរកស៊ីច្រើនជាងសម្រុកចម្រៀង ព្រោះតាំងពីនាងឈានចូលរាម ជាង១ឆ្នាំមកនេះសោភា ហាក់នៅទ្រឹងមិនទាន់មានបទខ្លាំងៗបំផុតដូចមុនវិញទេ ខណៈដែលផលិតកម្មផ្ទាល់ខ្លួនរបស់នាងCamtrax នោះក៍លែងតំណើរការ។តែយ៉ាងណាប្រសិនបើសុខសោភា ខ្លាចប្រឈមធ្លាក់កូដហើយនាងចង់ប្ដូរទ្រនុំនៅឆ្នាំ២០២៣ នោះមានព័តមានថាផលិតកម្មធំដល់ទៅ៣គឺថោន,Galaxy និងហង្សមាសរងចាំបើកទ្វាស្វាគមន៍នាងជានិច្ច៕
