ភ្នំពេញ៖សុខ ស្រីនាង មិនមែនជាស្រីស្រលាញ់ស្រី(lesbian)ទេ តែរឿងដែលនាងពិបាកប្រឈមនិងតូចចិត្ដម្នាក់ឯងនោះគឺពេលតារាស្រអែមស្រស់រូបនេះទៅណាមកណាមានគេចាប់ផ្ដើមសម្លឹងមើលលើក្រោមព្រោះសង្ស័យថានាងជានារីស្រលាញ់ភេទដូចគ្នា ហេតុនេះហើយបានជាធ្វើឲ្យអ្នកចម្រៀងស្រគត់ស្រគុំរូបនេះច្រើនតែក្រៀមក្រំជាងភាពរីករាយនារយៈពេលចុងក្រោយនេះ។ការងសម្ពាធរបស់ស្រីនាង នៅពេលនេះក្រោយពីនាងចាប់ដៃប្អូនថ្លៃថៅកែហង្សមាសនាងឱក សុគន្ធកញ្ញា លេង”ស្នេហាខ្ញុំផ្លូវ២”ទើបធ្វើឲ្យក្រុមស្រីស្រលាញ់ស្រីបែរ៉ាដាមកផ្ដោតលើនាងថាគ្មានអារម្មណ៍ស្រលាញ់ប្រុសដូចក្នុងរឿងទៅវិញ។ប៉ុន្ដែ”មាសសុទ្ធ មិនខ្លាចភ្លើង”ហេតុនេះហើយគេជឿរថាមធ្យោបាយតែមួយគត់ដែលធ្វើឲ្យស្រីនាង បានស្រឡះនិងស្រាលខ្លួនឡើងវិញបាននោះគឺការព្រមបង្ហាញមុខនិងបណ្ដើរគូស្នេហ៍ថ្មីជាសាធារណៈហើយបើអនាគតស្វាមីរបស់នាងពិតជាប្រុសពេញលក្ខណៈមែននោះអ្នកដែលម៉ៃថាស្រីនាង នឹងជ្រើសស្រី្ដធ្វើប្ដីនោះនឹងត្រូវបញ្ចប់ទាំងស្រុងភ្លាមតែម្ដង។
សុខ ស្រីនាង ទូរស័ព្ទមិនចូលទេកាលពីថ្ងៃទី២៩កក្កដា ខណៈដែលនាងជាតារាម្នាក់កម្រផ្ដល់បទសម្ភាសន៍ជាមួយអ្នកសារព័តមានទាំងផ្ទាល់និងតាមទូរស័ព្ទពោលគឺតាំងពីនាងចែកផ្លូវជាមួយប្ដីចាស់លោកស៊ី សុវត្ថិ កាលពីឆ្នាំ២០១០ ម្លេះ។អតីតតារាKH និងសាន់ដេរូបនេះត្រូវបានគេត្រូវបានគេចាត់ចូលជាអ្នកចម្រៀងមេម៉ាយទាំង៣ដួងរបស់ហង្សមាសក្នុងចំណោមអ្នកនាងពេជ្រ សោភា និងពេជ្រ សូលីកា ។ប៉ុន្ដែមានតែស្រីនាង ម្នាក់ប៉ុណ្ណោះដែលមានអាថ័កំបាំងស្នេហ៍ជាងគេពោលគឺក្រោយធ្លាក់ខ្លួនមេម៉ាយជាង១ទសវត្សន៍នេះស្រីនាង មិនដែលហ៊ានកៀកកើយសង្សារថ្មីម្ដងណាឡើយហើយជាទម្លាប់នាងទៅណាតែម្នាក់ៗឯង ឬមានពេលខ្លះប្អូនប្រុសនាងបើករថយន្ដជូន។ការបិតរឿងបេះដូងជិតឈឹងបែបនេះក៍មិនមានផលល្អទាំងស្រុងសម្រាប់ស្រីនាង ដែរព្រោះអ្នកខ្លះគិតថានាងមានស្នេហាមិនច្បាស់លាស់ឬមកពីភាគីខាងប្រុសមានបញ្ហាទើបមិនអាចបណ្ដើរគ្នាគ្រប់ពេលវេលាបានបែបនេះ។យ៉ាងណាស្រីនាង មិនក្វល់អ្នកមិនពេញចិត្តនាងនោះទេ ហើយទោះជាពេលនេះនាងមិនសូវលេចធ្លោនៅហង្សមាសក្ដី តែក្នុងជំនួបកន្លងមកនាងវាចាថាមានមោទនភាពដែលបានធ្វើជាតារាហង្សមាសព្រោះជាផលិតកម្មដែលនាងពេញចិត្តតាំងពីនៅតូចម្លេះ។
ក្រៅពីសុខ ស្រីនាង តារាដែលរក្សារហាងឆេងសិល្បៈបានល្អនៅឆ្នាំ២០២២ ក្រោយពួកគេធ្លាក់ខ្លួនមេម៉ាយនោះមានដូចជានាងពេជ្រ សោភា,សុខ សោម៉ាវត្តី និងកែវ និសា ជាដើម។តារាវ័យ៣៥ឆ្នាំរូបនេះក៍ត្រូវបានថៅកែហង្សមាសយកចិត្តទុកដាក់ដល់នាងនិងចាត់ទុកជាតារាសំខាន់របស់ផលិតកម្មមួយនេះដែរតាមរយៈការប្រគល់តំណែងធំជាគណៈកម្មារការCambodian Idol Junior និងតួឯករឿងភាគ”រាជនីយភូមិគ្រិះ”និងភាពយន្ដខ្នាតធំរឿង”ខ្ញុំមានញ្ញាណលើស”។តែសម្រាប់ទីផ្សារចម្រៀងវិញស្រីនាង មិនសូវមានយ៊ីអ៊ុនល្អឡើយព្រោះបទចម្រៀងមិនសូវមានផ្ទុះ ខណៈដែលនាងក៍បាត់ឱកាសចាប់ស្ពតពាណិជ្ជកម្មធំៗផងដែរព្រោះឱក សុគន្ធកញ្ញា ,ពេជ្រ សោភា និងរ៉េត ស៊ូហ្សាណា ក្ដាប់ណែនពេញដៃ។
មហាជនរងចាំមើលថាតើសុខ ស្រីនាង នៅតែជ្រើសផ្លូវសាងស្នេហ៍ដោយមិនបើកចំហបែបនេះតទៅទៀត ឬមួយនាងប្ដូរចិត្តដើម្បីលាងជម្រះមន្ទិលសង្ស័យថាទាំងឡាយថានាងអាចជ្រើសគូស្នេហ៍ស្រី ច្រើនជាងប្រុសនោះតាមរយៈភាពក្លាហានដោយហ៊ានដឹកដៃគូស្នេហ៍ជាបុរសពិតលែងខ្លាចគេស្គាល់មុខដូចមុនទៀត?
