ភ្នំពេញ៖ពិធីការិនីធ្មេញចំពើសនាងហ៊ិន ច័ន្ទនីរ័ត្ន បានសម្ដែងភាពក្លាហានភ្លាមៗក្រោយដំណឹងថានាងគាំ្រគ្រាចិត្តដោយសារតែម្ចាស់បទ”អាក្របី”លោកចេន បានរៀបការប្រពន្ធចោលនាងកាលពីថ្ងៃទី២២ខែឧសភាឆ្នាំ២០២២ ខណៈដែលថ្មីៗនេះដៃគូពិសសរបស់នាងលោកសេង មង្គល(ហូ ប៉ូសេង )ងាកទៅកៀកកើយអ្នកមេម៉ាយទ្រព្យស្ដុក ធ្វើឲ្យនាងពិបាកប្រឈមនោះ ទើបដើម្បីទប់ស្កាត់រឿងគេនិយាយឌឺដងឲ្យនាងថាគ្មានយ៊ីអ៊ុនស្នេហ៍ហើយឆ្វាក់តែដើរជាន់ដានចាស់គឺប្រេះឆាជាបន្ដបន្ទាប់នោះ អតីតFreshie រូបនេះបង្ខំចិត្តបង្ហាញប្រុសកំពូលស្នេហ៍ថ្មីជាលោកគ្រូពេទ្យវ័យក្មេងដែលនាងនិងបុរសនោះបានសាងស្នេហាតាំងពីឆ្នាំ២០២០ មកម្លេះ។វិធីធ្វើឲ្យមហាជនកាន់តែជឿរជាក់ថាប្រុសនោះមិនមែននាងDrama ដូចគេសង្ស័យនោះនីត័្ន ថែមទាំងហ៊ានលាតត្រដាងរូបភាពនាងទៅដើរកមន្សាន្ដនៅប្រទេសបារាំងជាញឹកញាប់ជាមួយអតីតនិស្សិតពេទ្យទៀតផង ទើបធ្វើឲ្យរឿងរ៉ាវដែលគេថាស្រីស្អាតដូចច័ន្ទនីរ័ត្ន ច្រើនតែអភ័ព្វស្នេហ៍ប្រែទៅជាបែជាស្ងប់ស្ងាត់ទៅវិញ។ប៉ុន្ដែច័ន្ទនីរ័ត្ន មិននិយាយឲ្យច្បាស់លាស់នោះទេថាតើនាងនឹងដឹកដៃរៀបការជាមួយលោកគ្រូពេទ្យនៅពេលណា បើទោះជាFan របស់នាងតែងតែផ្ដល់សំណួរនេះទៅនាងតាមTik Tok ជាញឹកញាប់ នៅពេលនាងនិងសង្សារបង្ហាញភាពជឿរជាក់កគ្នាទៅវិញទៅមកដូចប្ដីប្រពន្ធទៅហើយក្ដី ។
ត្វីត្បិតតែហ៊ិន ច័ន្ទនីរ័ត្ន និងគូស្នេហ៍មើលទៅដូចជាចិត្ត១ថ្លើម១ទៅហើយក៍ដោយ ប៉ុន្ដែតារារួមអាជីពខ្លះបានបង្ហាញការយល់ឃើញថាចំណងស្នេហារបស់ស្រីស្អាតរូបនេះអាចរក្សារបានយូអង្វែងឬឈានទៅមង្គលការនោះមិនមែនជារឿងងាយស្រួលទៅវិញ។ការស្ទាក់ស្ទើរថានីរ័ត្ន នឹងគ្រូពេទ្យអាចក្លាយទៅជាប្ដីប្រពន្ធគ្នាស្របច្បាប់ឬអត់នាពេលខាងមុខនេះដោយសារតែអ្វីដែលគ្រប់គ្នាគិតថាពិធីការិនីវ័យ៣២ឆ្នាំរូបស្រលាញ់តែប្រុសក្មេងជាងខ្លួននិងទាល់តែប្រុសនោះមានរូបរាងសង្ហារទើបអាចឆក់បេះដូងនាងបាននោះពេលនេះគឺការពិតដូចអ្វីដែលគេលើកឡើងមែន។រឿងដែលសំខាន់ថែមទៀតនោះច័ន្ទនីរ័ត្ន ជានារីដែលមុខសញ្ញានៃការតាមប្រម៉ាញ់ស្នេហ៍ពីសំណាក់មន្រ្ដីធំៗមួយចំនួន និងប្រុសអ្នកមានទ្រព្យ ហេតុនេះហើយបើពន្យាពេលរៀបការយូពេកអាចនឹងធ្វើឲ្យស្នេហាប្រឈមហានិភ័យជាមិនខាន។
គូរបញ្ជាក់ថាក្រៅពីហ៊ិន ច័ន្ទនីរ័ត្ន តារាដែលសាងស្នេហ៍ជាចំហនៅឆ្នាំ២០២២ នេះមានដូចជានាងទេព បូ្រព្រឹក្ស,ប៉ាច គីមមួយ,ម៉ង់ ច័ន្ទកញ្ញា ,ហ្វា ហ្វា និងចំរើន សុភ័ក្រ ជាដើម។សម្រាប់នីរ័ត្ន វិញក្រៅពីបិតមាត់អ្នកដែលថានាងជានារីអភ័ព្វស្នេហ៍បានតាមរយៈការបញ្ចេញមុខសង្សារថ្មីនោះ ការបង្អួតមុខអនាគតស្វាមីនាពេលនេះក៍ធ្វើឲ្យប្រុសដែលតាមញ៉ែនាងក៍ត្រូវបានកាត់បន្ថយបានខ្លះៗផងដែរ ខណៈដែលប្រុសៗសម្បូរលុយដុលា្លរនៅតែព្យាយាមរាយអន្ទាក់ស្នេហ៍មកលើនាងដដែល គឺទាល់តែនាងរៀបការប្ដីរួចទើបលែងមានអ្នកតាមថ្ពក់បេះដូងទៀត។តារាសិល្បៈជាច្រើនបានសម្ដែងការលើកសរសើរពីជំហរបស់នាងច័ន្ទនីរ័ត្ន តាំងពីនាងជាប់Freshie លេខ១កាលពីឆ្នាំ២០០៧ ពោលគឺឈានជើងចូលសិល្បៈអស់រយៈពេល១៥ឆ្នាំមកហើយនាងមិនជ្រួលជ្រើមនិងអំណាចលុយដុល្លារនោះទេ ព្រោះបើនាងចង់ធ្វើជាជំទាវរស់នៅលើគនរទ្រព្យដេកចាយលុយមិនចេះអស់ហើយសុខចិត្តសាងស្នេហ៍ដោយមិនបើកចំហនោះគឺវាគ្មានអ្វីពិបាកឡើយសម្រាប់នាង។
ប៉ុន្ដែនីរ័ត្ន យកបេះដូងមកសាងស្នេហ៍ពោលគឺបុរសនោះបើនាងគ្មានអារម្មណ៍ទេក៍មិនអាចមកប៉ៈប្រាណនិងកាយ៉ានាងបានដែរ។តែអ្នកខ្លះបែជាថាប្រុសដែលជាគូស្នេហារបស់តារាធ្មេញចំពើសរូបនេះគឺក្រៅពីមានវ័យក្មេង និងរូបរាងសង្ហារនោះដាច់ខាតត្រូវតែជាកូនអ្នកមានដែរទើបអាចយកបេះដូងនាងបានទៅវិញ។ការសម្អាងបែបនេះដោយសារតែគេឃើញច័ន្ទនីរ័ត្ន និងគូស្នេហ៍ច្រើនតែជិះរថយន្ដទំនើបៗ ហើយនាងចាយលុយជាច្រើនម៉ឺនដុល្លារក្នុង១ឆ្នាំៗដើម្បីទៅដើរលេងនៅបរទេស។Fan របស់នីរ័ត្ន សង្ឃឹមថាចំណងស្នេហាថ្មីរបស់ពិធីការិនីរូបស្រស់លើកនេះនឹងមិនបានតែ១ផ្សេងបារីដូចលើកមុនៗឡើយ៕
