ភ្នំពេញ៖មាស សុខសោភា បានចងចិត្តស្វាមីនាងលោកអ៊ឹត រ៉ាដា អស់រយៈពេល១៥ឆ្នាំ(២០០៧-២០២២) ខណៈដែលកាលពីឆ្នាំ២០១១ ធ្លាប់មានព័តមានថាសោភា ចង់ទៅរស់នៅកាណាដាតាមស្វាមីទៀតផងអំឡុងដែលនាងចេញពីសាន់ដេ ហើយត្រូវបានផលិតកម្មBig Man ទាក់ទងហើយទីបំផុតនាងក៍ទៅជ្រកនៅថោន នោះ។ចាប់តាំងពីពេលនោះមកស្ងាត់ដំណឹងសោភា ចង់ទៅរស់នៅស្រុកគេតែផ្ទុយទៅវិញលោករ៉ាដា បែជាមកនៅស្រុកខ្មែរតាមនាងជាអចិនត្រេយ៍ទៅវិញដែលពេលនេះនៅតែគ្មានដំណឹងលោកចង់នាំសោភា ទៅរស់នៅទឹកដីទី២របស់លោកគឺកាណាដាដូចមុនទៀតឡើយ។អ្នកសិល្បៈរួមអាជីពបានសរសើរសុខសោភា ថានាង ពូកែយកចិត្តស្វាមីព្រោះចំណងស្នេហ៍រយៈពេល១ទសវត្សន៍កន្លះមកនេះមិនដែលលេចឭថាពួកគេមានភាពរកាំរកូសឬរង្គើរស្នេហ៍ឡើយហើយស្វាមីនាងបានផ្គាប់ចិត្តនិងសម្របខ្លួនតាមនាងគ្រប់ពេលវេលាថែមទៀតផងដូចជាមុននេះគេឃើញតារារាម រូបនេះជិះរថយន្ដLand Cruiser V8 ប្ដូរមកជិះJeep Rubicon ហើយចុងក្រោយជិះMercedes –Benz G –Class ជាដើម។
សូមបញ្ជាក់ថាស្វាមីរបស់មាស សុខសោភា ក្រៅពីសុខចិត្តមកពីកាណាដាមករស់នៅខ្មែរតាមនាងនោះលោកក៍ជាបុរសពូកែថ្នាក់ថ្នមចិត្តសោភា មិនធម្មតាដែរដូចជាតែងតែយូសម្លៀកបំពាក់របស់សោភា តាមឆាកតន្រ្ដីឲ្យនាង,ចាក់ភ្លេង និងថតរូបរាល់សកម្មភាពរបស់តារាចម្រៀងរូបនេះឡើងឆាកនិងថតMV ជាដើមដែលបុរសមួយចំនួនទៀតមានភរិយាជាតារាដែរមិនអាចធ្វើបានដូចលោក។ទោះជាយ៉ាងណាសម្រាប់ដំណឹងរៀបការរបស់សោភា និងស្វាមីនៅឆ្នាំ២០២២ នេះត្រូវបានស្ងប់ស្ងាត់ទៅវិញហើយ ក្រោយអាកខានរៀបការជាលើកទី៣កាលពីឆ្នាំ២០១១ ដោយសារតែកូវីដ ស្របពេលដែលមង្គលការរបស់ពួកគេកាលពីឆ្នាំ២០០៨ ដែលធ្វើតាមបែបសាសនាគ្រិស្តនៅកាណាដា និងរៀបការតាមប្រពៃណីខ្មែរកាលពីថ្ងៃទី២៨ខែធ្នូឆ្នាំ២០០៩ ដែលសុទ្ធតែរៀបចំដោយលាក់លៀមនោះនៅតែមិនទាន់សាកសមទៅនិងកត្តិយសរបស់សោភា ដែលជាតារាចម្រៀងល្បីល្បាញម្នាក់នោះឡើយ។
គេជឿរថាសោភា នៅតែមានចិត្តចង់រៀបការម្ដងទៀតជាមិនខានដែលពិធីនោះដូចគ្នាទៅនិងឱក សុគន្ធកញ្ញា និងសុគន្ធ និសា ជាដើមដើម្បីបញ្ចប់ពាក្យចរចាមអារ៉ាមទាំងឡាយថានាងខ្លាចរៀបការទៅធ្លាក់កូដហៅលែងឭ និងអ្វីដែលពិសេសបំផុតនោះមានតែមង្គលការចំហនេះហើយជាការបើកផ្លូវឲ្យតារាវ័យជាង៤០ឆ្នាំរូបនេះអាចពពោះយកកូនដំបូងបានដើម្បីបំពេញបំណងម្ដាយរបស់នាងដែលចង់បានចៅពនោះជាមិនខាន៕
