ភ្នំពេញ៖ឱក សុគន្ធកញ្ញា ត្រូវបានគ្រប់គ្នាមើលឃើញថាក្រោយនាងមានស្វាមីនិងកូនបុ្រស១អាយុជាង២ឆ្នាំនេះទីផ្សារចម្រៀងរបស់នាងហាក់នៅទ្រឹងពោលគឺមិនសូវមានសន្ទុះដូចកាលនៅក្រមុំឡើយ ។អ្វីដែលគូរឲ្យកត់សម្គាល់តាមរយៈការបង្ហាញខ្លួនជាលើកចុងក្រោយនេះសុគន្ធកញ្ញា នៅតែមានព្រលឹងដដែលពោលគឺគីឡូមិនទាន់ស្រកចុះដូចដើមឡើយទើបធ្វើឲ្យនាងកាន់តែប្រឈមពិបាកប្រជែងសម្រស់ឲ្យដូចកាលនៅលីវ។ប៉ុន្ដែអ្វីដែលគូរឲ្យកត់សម្គាល់ក្រុមអ្នកដឹកនាំរឿងភាគនិងដុំនៅហង្សមាសនៅតែដៅប្អូនថ្លៃថៅកែហង្សមាសរូបនេះជាតួឯកដដែលឲ្យតែនាងព្រមថតសម្ដែងភាពយន្ដដូចមិត្តរួមអាជីព ព្រោះdirector មិនហ៊ានទម្លាក់នាងធ្វើជាតួរងឡើយ ហើយនោះក៍មិនមែនតែនៅក្នុងវិស័យភាពយន្ដនោះដែរ តែចម្រៀងនៅហង្សមាសក៍ដូចគ្នាដែរ ពោលគឺនាងត្រូវតែជាតួឯករហូតមក។ទោះជាយ៉ាងណារហូតមកដល់ពេលនេះសុគន្ធកញ្ញា ជិត៣ឆ្នាំទៅហើយគម្រោងធ្វើជាតួឯករបស់នាងត្រូវបានជាប់គាំង ខណៈដែលដៃគូសំខាន់របស់នាងលោកខែម ប៊ុនថៃ តាំងពីឡើងជាឧកញ៉ាមកលែងកំណត់ពេលវេលាថតកុនទៀតហើយ។
មជ្ឈដ្ឋានមហាជនមើលឃើញថាឱក សុគន្ធកញ្ញា ទោះជានាងមិនសូវមានទីផ្សារកក្រើកដូចមុនមែន ប៉ុន្ដែប្រាក់ចំណូលរបស់នាងមិនធ្លាក់ចុះឡើយ ព្រោះថាតារាកូន១រូបនេះនៅតែត្រូវប៉ាន់ព្រោះនាងក្ដោបទីផ្សារស្ពតពាណិជ្ជកម្មធំៗនៅហង្សមាស និងតំណែងគណៈកម្មារការក្នុងកម្មវិធីសំខាន់ៗរបស់ក្រុមហ៊ុនដែលមានបងថ្លៃនាងលោកឧកញ៉ាអ៊ឹង ឆៃងួន ជាថៅកែនោះទើបធ្វើឲ្យទាំងឥទ្ធិពលនិងប្រជាប្រិយភាពរបស់នាងនៅតែនាំមុខគេក្នុងចំណោមតារាស្រីនៅហង្សមាសដដែល។យ៉ាងណាមានការលើកឡើងថាការដែលសុគន្ធកញ្ញា ហាក់បន្ធូរដៃទីផ្សារចម្រៀងបែបនេះហើយទើបធ្វើឲ្យនាងហាក់ចុះខ្សោយជាងមុនបន្ដិច ប៉ុន្ដែគូប្រជែងដ៍ស្វិតស្វាញបំផុតរបស់នាងជាង១០ឆ្នាំគឺមាស សុខសោភា នោះបែជាមិនហ៊ានវ៉ានាងទៅវិញ ពោលគឺលែងសូវមានបទផ្ទុះដូចសុគន្ធកញ្ញា ដែរទើបនាំឲ្យតារាលំដាប់ជូរមុខមកពីផលិតកម្ម២ផ្សេងគ្នានេះនៅតែមិនអាចបែងចែកថា១ណាខ្លាំងជាងឡើយ។អ្នកខ្លះយល់ថាសុគន្ធកញ្ញា មានសំណាងធំព្រោះបើសិនជាមាស សុខសោភា វាយលុកខ្លាំងដូចការប្ដេជ្ញាចិត្តកាលពីដើមឆ្នាំ២០២២ មែននោះច្បាស់ជាតារាកូន១មានហានិភ័យជាមិនខាន។
គូរបញ្ជាក់ថាឱក សុគន្ធកញ្ញា កំពុងកាន់តំណែងជាគណៈកម្មារការCambodian Idol រដូវកាលទី៤ នឹងធ្វើជាគ្រូបង្វឹកThe Voice Kids Cambodia រដូវកាលទី៣ ព្រមទាំងត្រៀមខ្លួនចេញមុខធ្វើជាCoach កម្មវិធីThe Voice Cambodia រដូវកាលទី៣ផងដែរ ហេតុនេះហើយការចេញមុខស្ទួនៗបែបនេះធ្វើឲ្យតារាកូន១អាចទប់លំនឹងបានបើទោះជានាងមិនសូវមានបទល្បីៗដូចមុនក៍ដោយ។អ្វីដែលគូរឲ្យកត់សម្គាល់ក្រោយសុគន្ធកញ្ញា មានស្វាមីនិងកូន១នេះសម្រស់នាងមិនសូវប្រែប្រួលច្រើនឡើយ ហើយតាមរយៈការចេញមុខចុងក្រោយក្នុងតួនាទីជាគណៈកម្មារការនោះនាងបានតែងខ្លួនក្នុងឈុតប្លែកៗតែមិនហ៊ានស៊ិចស៊ីជ្រុលនោះទេ។
ស្វាមីរបស់នាងលោកអ៊ឹង សុខលី ដែលធ្លាប់លេចឭថាមានសង្សារជាតារាច្រើននាក់មុនពេលរៀបការនោះបានបង្ហាញក្ដីស្រលាញ់និងផ្ដល់ភាពកក់ក្ដៅឲ្យនាងតាមរយៈហៅភរិយាលោកថា”ឧត្តមភរិយាៗ”ហើយលោកស្រលាញ់អ្នកចម្រៀងវ័យ៣៥ឆ្នាំរូបនេះទ្វេដងក្រោយនាងមានកូន១នេះ។ប៉ុន្ដែសុគន្ធកញ្ញា បានសម្រេចចិត្តពន្យាពេលការពពោះកូនទី២ ព្រោះនាងជាប់ដៃកើបលុយ ធំទាំងស្ពតពាណិជ្ជកម្ម និងធ្វើជាCoach រួមទាំងJudge ដែលក្នុង១ឆ្នាំៗត្រូវបានគេសន្និដ្ឋានថាប្រាក់ចំណូលនាងរាប់សែនដុល្លារឯណ្ណោះ។អំឡុងពេលដែលទីផ្សារសិល្បៈរបស់នាងក្នុងស្រុកនៅតែរក្សារលំនឹងនេះដែរសុគន្ធកញ្ញា បានចោលលុយធំអស់២ច្រកគឺការថតភាពយន្ដ និងគ្មានផែនការណ៍ចេញទៅច្រៀងសម្ដែងនៅបរទេសជាច្រើនឆ្នាំមកហើយ ខណៈដែលការច្រៀងសម្ដែងតាមឆាកតន្រ្ដីនៅប៉ុស្ដិ៍ទូរទស្សន៍ផ្សេងៗវិញនាងស្ទើតែបាត់មុខទាំងស្រុងក្រោយក្លាយជាប្អូនថៅកែហង្សមាសជាង២ឆ្នាំមកនេះ៕
