ភ្នំពេញ៖ពិធីការិនីចាន់ កែវនិមល បានហោះមកដល់ស្រុកវិញកាលពីពេលថ្មីៗបន្ទាប់ពីនាងបាននាំស្វាមីលោកសូវ៉ាត សីលា និងកូនស្រីទៅដើរកម្សាន្ដនៅរដ្ឋBoston និងម៉ាសាឈូសេតនៅអាមេរិក អស់ជាង២សប្ដាហ៍ ហើយគ្រាន់តែមកដល់ស្រុកភ្លែតកែវនិមល មិនបង្អង់យូនោះទេគឺនាងកាន់ក្បាលមីក្រូឡើងឆាកតន្ត្រីរបស់ហង្សមាសភ្លាមៗតែម្ដងតាមរយៈការចាប់ដៃគូជាមួយលោកសុខ រ៉ាស៊ី កាលពីថ្ងៃទី២១សីហា ដែលមើលទៅពេលនេះនាងមានផ្ទៃពោះខ្ទាតធំបន្ដិចព្រោះកូនប្រុសក្នុងផ្ទៃនាងឈានចូលជាង៥ខែទៅហើយ។នេះជាការប្រើពេលវេលាជាមាសប្រាក់មែន សម្រាប់កែវនិមល ព្រោះមុននេះនាងបង្ហាញអារម្មណ៍ចង់បាត់មុខមួយរយៈពីឆាកតន្រ្ដីដើម្បីយកពេលវេលាថែគ័តនឹងត្រៀមសម្រាលកូនតែពេលនេះ នាងនៅតែឆ្លៀតរកលុយ បើទោះជាឋានៈនាងបច្ចុប្បន្នជាជំទាវដោយសារមានស្វាមីជាឯកឧត្តមហើយនាងអាចដេកចាយលុយប្ដីដោយស្រួលរហូតសម្រាលកូនរួចក្ដី តែនិមល នៅតែមិនពឹងលើប្រាក់ចំណូលតែ១ច្រករបស់ប្ដីឡើយ។យ៉ាងណាគេជឿរថានៅពេលដែលកែវនិមល មានផ្ទៃពោះកាន់តែរីកធំជាងនេះនោះនាងនឹងបាត់មុខជាច្រើនខែដើម្បីសម្រាលកូននិងថែទាំងសុខភាពឲ្យល្អឡើងវិញទើបនាងវិលមករកអាជីពចាស់នេះពេញទំហ៊ឹងដែលអាចនៅដើមឆ្នាំ២០២៣ ខណៈដែលពេលនេះនិមល អាចបន្ដធ្វើMC យ៉ាងយូ១ខែទៀតទើបនាងសម្រាក។
សូមបញ្ជាក់ថាចាន់ កែវនិមល ទោះជាឆ្នាំនេះនាងទទួលបានកាដូមិនអាចកាត់ថ្លៃបាននោះគឺជាកូនប្រុសដែលនាងនិងស្វាមីតែងតែប៉ងប្រាថ្នាជាច្រើនឆ្នាំមកហើយក្ដី ប៉ុន្ដែតំណែងធំៗរបស់កែវនិមល នៅហង្សមាសចាប់ផ្ដើមបាត់បង់ស្ទើតែមិនគូឲ្យជឿរក្នុងនោះគ្រាន់តែនៅឆ្នាំ២០២២ នេះមានដូចជាអ្នកនាងរបូតបាត់តួនាទីជាពិធីការិនីកម្មវិធីCambodian Idol រដូវកាលទី៤ ដែលធ្លាក់ទៅកណ្ដាប់ដៃនាងថន លក្ខិណា និងតំណែង១ទៀតរបស់កម្មវិធីThe Voice Kids Cambodia រដូវកាលតី៣ជំនួសដោយអ្នកនាងគង់ សុជាតិ ។
ចំពោះមូលហេតុដែលនិមល មិនអាចរក្សារកៅអីសំខាន់នៅហង្សមាសនេះបានដោយតាមប្រភពថាមកពីថៅកែហង្សមាសមិនចង់ឲ្យនាងចាប់ដៃជាមួយលោកជា វិបុល ទៀតព្រោះខ្លាចមានរឿងធំ។ប៉ុន្ដែមុននេះនិមល ត្រូវថៅកែលួងចិត្តតាមរយៈការប្រគល់តំណែងជាMC ឲ្យនាងក្នុងកម្មវិធីBeat The Best ផងដែរ។ដោយឡែកសម្រាប់តួនាទីរបស់នាងជាពិធីការិនីThe Voice Cambodia រដូវកាលទី៣នាពេលខាងមុខនេះកំពុងតែមានភាពស្រពិចស្រពិលនៅឡើយ ប៉ុន្ដែគេជឿរថាបើថៅកែនៅតែរក្សារពិធីករប្រុសជាលោកជា វិបុល នោះគឺ១០០% និមល នឹងជ្រុះបាត់កៅអីធំ១នេះទៀតជាមិនខាន៕
