ប្រធានាធិបតីអ៊ុយក្រែនលោក ហ្សេឡិនស្គី បានស្នើសុំឱ្យមេដឹកនាំប្រទេសG7បន្តគាំទ្របន្ថែមទៀសម្រាប់ឆ្នាំ២០២៣ទាំងឧស្ម័នហេរញ្ញវត្ថុនិងសព្វាវុធជាពិសេសប្រព័ន្ធការពារដែនអាកាសដល់អ៊ុយក្រែននៅឆ្នាំក្រោយនិងបានគូសបញ្ជាក់ពីវិធានការណ៏៣សម្រាប់ការធានាសន្តិភាព។
ថ្លែងពីចម្ងាយទៅកាន់សន្និសីទរបស់G7 ដែលរៀបចំដោយប្រទេសអាល្លឺម៉ង់លោកហ្សេឡិនស្គីបានជំរុញឱ្យក្រុមប្រទេសG7ជួយរដ្ឋាភិបាលរបស់លោកឱ្យទទួលបានឧស្ម័នធម្មជាតិបន្ថែមចំនួនពីរពាន់លានម៉ែត្រគូប និងផ្គត់ផ្គង់ រថក្រោះទំនើប កងកាំភ្លើងធំ គ្រាប់ផ្លោង អាវុធរយៈចម្ងាយឆ្ងាយនិងជាពិសេសប្រព័ន្ធការពារមីស៊ីល។
នៅក្នុងជំហានទាំងបីនោះប្រធានាធិបតីបាននិយាយថា ជំហានដំបូងគឺជាកម្លាំងថ្មីដោយលោកបានស្នើសុំឧបករណ៍យោធាបន្ថែមទៀតពី G7 ។លោកបានថ្លែងថា រុស្ស៊ីនៅតែមានគុណសម្បត្តិនៅក្នុងការប្រើប្រាស់កាំភ្លើងធំ និងមីស៊ីល។ អ៊ុយក្រែនត្រូវការរថក្រោះទំនើប ហើយខ្ញុំសុំឱ្យអ្នកផ្តល់ប្រព័ន្ធការពារនេះដល់ពួកយើង។ វាអាចធ្វើបាននៅពេលនេះ។លោកក៏បាននិយាយផងដែរថា អ៊ុយក្រែនត្រូវការកាំភ្លើងធំគ្រាប់រ៉ុក្កែតនិងមីស៊ីលរយៈចម្ងាយឆ្ងាយបន្ថែមទៀត។
ជំហានទីពីរលោកបានស្នើសុំជំនួយហិរញ្ញវត្ថុ ថាមពល និងស្ថិរភាពសង្គមនៅឆ្នាំក្រោយ។លោកក៏បានស្នើឱ្យ G7 ប្តេជ្ញាបង្កើនជំនួយឧស្ម័នសម្រាប់អ៊ុយក្រែន។ភាពភ័យខ្លាចប្រឆាំងនឹងរោងចក្រថាមពលរបស់យើងបានបង្ខំយើងឲ្យប្រើឧស្ម័នច្រើនជាងការរំពឹងទុក។នេះជាមូលហេតុដែលយើងត្រូវការការគាំទ្របន្ថែមក្នុងរដូវរងាពិសេស។ យើងកំពុងនិយាយអំពីបរិមាណឧស្ម័នប្រហែល ២ ពាន់លានម៉ែត្រគូបបន្ថែមទៀត។
នៅក្នុងជំហានទីបី និងចុងក្រោយ លោក ហ្សេឡិនស្គីបាននិយាយថាអ៊ុយក្រែនចង់ផ្តល់ដំណោះស្រាយសន្តិភាពដោយចាប់ផ្តើមជាមួយនឹងការស្នើសុំឱ្យរុស្ស៊ីចាប់ផ្តើមដកទ័ព។លោកបានបន្តថាខ្ញុំស្នើឱ្យរុស្ស៊ីចាត់វិធានការជាក់ស្តែង និងប្រកបដោយអត្ថន័យ ឆ្ពោះទៅរកដំណោះស្រាយការទូត ដែលត្រូវបានលើកឡើងដោយទីក្រុងម៉ូស្គូជាទៀងទាត់ ។
G7 សន្យាផ្តល់ប្រព័ន្ធការពារដែនអាកាសដល់អ៊ុយក្រែន
ប្រទេសមហាអំណាចសេដ្ឋកិច្ចទាំងប្រាំពីរ (G7) បាននិយាយកាលពីថ្ងៃចន្ទថាពួកគេនឹងធ្វើការរួមគ្នាដើម្បីពង្រឹងសមត្ថភាពយោធារបស់អ៊ុយក្រែនដោយផ្តោតលើប្រព័ន្ធការពារដែនអាកាស។នេះបើយោងតាមសេចក្តីថ្លែងការណ៍របស់មេដឹកនាំដែលចេញផ្សាយដោយចក្រភពអង់គ្លេស។
សេចក្តីថ្លែងការណ៍បានបន្តថាយើងនឹងបន្តសម្របសម្រួលកិច្ចខិតខំប្រឹងប្រែងដើម្បីបំពេញតាមតម្រូវការបន្ទាន់របស់អ៊ុយក្រែនសម្រាប់ឧបករណ៍យោធា និងការពារជាតិ ដោយផ្តោតលើការផ្តល់ជូនអ៊ុយក្រែននូវប្រព័ន្ធការពារដែនអាកាសដែលមានសមត្ថភាព។
ជាមួយគ្នានេះដែរមេដឹកនាំG7ក៏បានថ្កោលទោសការវាយប្រហារអមនុស្សធម៌ និងឃោរឃៅជាបន្តបន្ទាប់របស់រុស្ស៊ី ដែលផ្តោតលើហេដ្ឋារចនាសម្ព័ន្ធសំខាន់ៗ ជាពិសេសកន្លែងថាមពល ទឹក និងទីក្រុងនានាទូទាំងប្រទេសអ៊ុយក្រែន ហើយរំលឹកឡើងវិញថា ការវាយប្រហារ មិនរើសមុខលើប្រជាជនស៊ីវិល ឬសំណង់ស៊ីវិល គឺជាឧក្រិដ្ឋកម្មសង្គ្រាម៕