អតីតនាយករដ្ឋមន្ត្រីអ៊ីស្រាអែលលោក Naftali Bennett បានថ្លែងប្រាប់ប្រព័ន្ធផ្សព្វផ្សាយអ៊ីស្រាអែលថាប្រធានា ធិបតីរុស្ស៊ីលោក ពូទីនបានសន្យាជាមួយលោកថា នឹងសម្លាប់ប្រធានាធិបតីអ៊ុយក្រែន លោកហ្សេឡិនស្គី នោះ ទេ។
លោក Bennet បានធ្វើដំណើរទៅកាន់ទីក្រុងម៉ូស្គូក្នុងនាមជានាយករដ្ឋមន្ត្រីអ៊ីស្រាអែលកាលពីខែមីនាឆ្នាំមុននៅ ក្នុងការកិច្ចប្រឹងប្រែងបរាជ័យក្នុងការស្វែងរកបទឈប់បាញ់ដំបូងរវាងរុស្ស៊ី និងអ៊ុយក្រែន ។លោកបានប្រាប់ទូរ ទស្សន៍ប៉ុស្តិ៍លេខ ។ របស់អ៊ីស្រាអែលកាលពីថ្ងៃសៅរ៍។
លោកBennett បានសួរលោកពូទីនថាតើអ្នកនឹងសម្លាប់ លោកហ្សេឡិនស្គីទេ?ប្រធានាធិប តីរុស្ស៊ីបានឆ្លើយថា ខ្ញុំនឹងមិនធ្វើទេ ។
លោកបានបន្តថាខ្ញុំបានទូរស័ព្ទទៅហ្សេឡិនស្គីភ្លាមៗបន្ទាប់ពីចាកចេញពីវិមានក្រឹមឡាំងដោយប្រាប់ពូទីនថា នឹងមិនសម្លាប់អ្នកទេ។ លោកZelensky បានស្នើសុំការបញ្ជាក់ ហើយខ្ញុំបានប្រាប់គាត់ថាមួយរយភាគរយលោក ពូទីននឹងមិនសម្លាប់អ្នកទេ។
អ៊ុយក្រែននឹងធ្វើការផ្លាស់ប្តូររដ្ឋមន្ត្រីការពារជាតិ
សម្ព័ន្ធមិត្តជិតស្និទ្ធរបស់ប្រធានាធិបតី ហ្សេឡិនស្គីបាននិយាយកាលពីថ្ងៃអាទិត្យ ទី៥ ខែកុម្ភៈឆ្នាំ ២០២៣ថានឹង មានការផ្លាស់ប្តូរតំណែងរដ្ឋមន្ត្រីការពារជាតិដែលបច្ចុប្បន្នដឹកនាំដោយលោក Oleksii Reznikov ក្នុងការរុះរើរចនា សម្ព័ន្ធសម្រាប់យុទ្ធនាការសង្គ្រាមជាមួយរុស្ស៊ី ។
លោក David Arakhamia សមាជិកសភាជាន់ខ្ពស់ និងជាប្រធានក្រុមសភាប្រជាជនបាននិយាយថាលោក Reznikov នឹងត្រូវបានផ្ទេរទៅការងារបម្រើការងារជារដ្ឋមន្ត្រីក្រសួងផ្សេងទៀត ហើយតំណែងរបស់លោក ត្រូវបានជំនួសដោយ Kyrylo Budanov ប្រធានទីភ្នាក់ងារចារកម្មយោធា GUR ។
នៅពេលសួរអំពីពាក្យចរចាមអារ៉ាមនៃការបណ្តេញចេញ កាលពីថ្ងៃអាទិត្យ លោកReznikov បាននិយាយថាវា អាស្រ័យលើប្រធានាធិបតី ហ្សេឡិនស្គីក្នុងការសម្រេចចិត្តជោគវាសនារបស់ខ្ញុំ ប៉ុន្តែខ្ញុំបានត្រៀមខ្លួនសម្រាប់ អ្វីទាំងអស់ហើយមនសិការរបស់ខ្ញុំគឺ ច្បាស់ណាស់។
ការរុះរើតំណែងរបស់រដ្ឋមន្ត្រីការពារជាតិនេះ បានកើតឡើងស្របពេលដែលអ៊ុយក្រែនកំពុងព្រួយ បារម្ភថារុស្ស៊ី អាចនឹងកំពុងរៀបចំផែនការវាយលុកថ្មីនៅក្នុងខែនេះ។អ៊ុយក្រែនវិញបច្ចុប្បន្ន ក៏កំពុងរៀបចំផែនការវាយលុកថ្មី ផងដែរ ខណៈកំពុងរង់ចាំការផ្គត់ផ្គង់រថក្រោះប្រយុទ្ធពីលោកខាងលិច និងសម្ព័ន្ធមិត្តបន្ថែម៕