អនុប្រធានគណបក្សប្រឆាំងដ៏សំខាន់របស់កោះតៃវ៉ាន់គូមីងតាំង(KMT)បាននិយាយកាលពីថ្ងៃពុធទី៨កុម្ភៈ មុនពេលចាកចេញទៅកាន់ទីក្រុងប៉េកាំងថាមិនមានការរៀបចំសម្រាប់កិច្ចប្រជុំជាមួយប្រធានាធិបតីចិនលោកស៊ីជីនពីងនោះទេប៉ុន្តែលោកបានបន្ថែមថាលោកនឹងធ្វើតាមអ្វីដែលម្ចាស់ផ្ទះបានរៀបចំ។
លោក Andrew Hsia អតីតអ្នកការទូតជាន់ខ្ពស់តៃវ៉ាន់ និងជាប្រធានក្រុមប្រឹក្សាកិច្ចការចិនដីគោក ដែលបង្កើតគោលនយោបាយចិនកំពុងធ្វើដំណើរទៅកាន់ទីក្រុងប៉េកាំង នៅពេលដែលមានភាពតានតឹងកាន់តែខ្លាំង ដោយសារតែចិនបង្កើនសម្ពាធយោធាដើម្បីទាមទារអធិបតេយ្យភាពរបស់ខ្លួនលើកោះតៃវ៉ាន់។
ថ្លែងនៅអាកាសយានដ្ឋានអន្តរជាតិសំខាន់របស់តៃវ៉ាន់ក្នុងទីក្រុង Taoyuan លោក Hsia បានប្រាប់អ្នកសារព័ត៌មានថា លោកនឹងជួបជាមួយលោក Song Tao ដែលជាប្រធានការិយាល័យកិច្ចការតៃវ៉ាន់ថ្មីរបស់ប្រទេសចិនដែលត្រូវបានតែងតាំងថ្មី។
លោកបានថ្លែងថា៖ សម្រាប់លោក ស៊ី ជីនពីង មិនមានការរៀបចំជំនួបទេ។នៅក្នុងឯកសារដែលបានដាក់ជូនក្រុមប្រឹក្សាកិច្ចការដីគោកខ្ញុំបាននិយាយថាខ្ញុំនឹងជួបជាមួយប្រធានការិយាល័យកិច្ចការតៃវ៉ាន់ Song Tao ។
ជាប្រពៃណីគណបក្សKMTពេញចិត្តទំនាក់ទំនងជិតស្និទ្ធជាមួយប្រទេសចិន ប៉ុន្តែបដិសេធយ៉ាងដាច់អហង្ការថា មិនគាំទ្រទីក្រុងប៉េកាំងទេ។
លោកHsia បាននិយាយថាលោកត្រូវទៅព្រោះវាសំខាន់ក្នុងការនិយាយជាមួយប្រទេសចិនហើយលោកនឹងមិនធ្វើអ្វីនយោបាយ។លោកបានបន្ថែមថាយើងនឹងដើរតាមគន្លងរបស់យើង ហើយមានតែផលប្រយោជន៍របស់សាធារណៈរដ្ឋចិន តៃវ៉ាន់ប៉ុណ្ណោះ ដែលស្ថិតនៅក្នុងគំនិតរបស់យើង។
គណបក្សវឌ្ឍនភាពប្រជាធិបតេយ្យ (DPP) ដែលកំពុងកាន់អំណាចរបស់កោះតៃវ៉ាន់បានចាប់យកដំណើរដោយវាយប្រហារទៅលើគណបក្សKMT សម្រាប់ការស្និទ្ធស្នាលជាមួយទីក្រុងប៉េកាំងពេក ហើយចង់លក់កោះតៃវ៉ាន់ ហើយបានរិះគន់លោក Hsia ចំពោះការទៅ រកពួកកុម្មុយនិស្ត៕