អតីតឧត្តមសេនីយប៉ូលិសផ្កាយពីររបស់ឥណ្ឌូណេស៊ីលោក Ferdy Sambo ត្រូវបានតុលាការកាត់ទោសប្រហារជីវិតកាលពីថ្ងៃចន្ទ ទី ១៣ ខែកុម្ភៈ ពីបទឃាតកម្មលើអង្គរក្សរបស់ខ្លួនគឺលោក Nofriansyah Yosua Hutabarat នៅក្នុងសំណុំរឿងដ៏កក្រើកទីក្រុងហ្សាកាតា។
នៅក្នុងការកាត់ក្តីតាមទូរទស្សន៍ ចៅក្រម Wahyu Iman Santoso បាននិយាយថាអតីតអគ្គអធិការមានពិរុទ្ធភាពពីបទធ្វើជាមេក្លោងនៅពីក្រោយឃាតកម្មលើលោក Hutabarat កាលពីខែកក្កដាឆ្នាំមុន។គាត់ត្រូវបានចោទប្រកាន់ពីបទឃាតកម្មគិតទុកជាមុន និងបំផ្លាញភស្តុតាង។
ក្នុងអំឡុងពេលសវនាការ លោក Sambo បាននិយាយថា ការសម្លាប់នេះមិនត្រូវបានគ្រោងទុកទេ ហើយសន្មត់ថាការខឹងសម្បារបស់គាត់ ដោយសារតែគាត់ជឿថាលោក Hutabarat បានរំលោភប្រពន្ធរបស់គាត់ ប៉ុន្តែចៅក្រមកាលពីថ្ងៃចន្ទបានច្រានចោលការលើកឡើងនេះដោយសារកង្វះភស្តុតាង។
លោក Santoso បាននិយាយថា ចុងចោទ Ferdy Sambo មានទោសតាមច្បាប់ និងគួរឱ្យជឿជាក់ក្នុងការប្រព្រឹត្តបទឧក្រិដ្ឋ ចូលរួមក្នុងឃាតកម្មគិតទុកជាមុននិងសម្រាប់សកម្មភាពដែលបណ្តាលឱ្យប្រព័ន្ធអេឡិចត្រូនិចមិនដំណើរការត្រឹមត្រូវ។
លោក Sambo ជាមេប៉ូលិសជាតិទទួលបន្ទុកកិច្ចការផ្ទៃក្នុង នៅពេលអង្គរក្សរបស់លោកគឺលោក Hutabarat ត្រូវបានគេរកឃើញថាស្លាប់នៅផ្ទះរបស់លោកដោយមានរបួសដោយគ្រាប់កាំភ្លើង ស្នាមជាំ និងស្នាមរបួសលើខ្លួន។ឃាតកម្មនេះបានកើតឡើងនៅថ្ងៃទី ៨ កក្កដា ប៉ុន្តែប៉ូលិសបានបង្ហាញករណីនេះត្រឹមថ្ងៃទី ១១ កក្កដា ប៉ុណ្ណោះ៕