ព័ត៌មានតំបន់អាស៊ាន
មីយ៉ាន់ម៉ា៖ មន្ត្រីប្រឆាំង ភេរវកម្មជាន់ ខ្ពស់របស់ម៉ាឡេស៊ី បានឲ្យដឹងថា ប្រទេសមីយ៉ាន់ម៉ា ប្រឈមនិងការ កើនឡើងនូវ គ្រោះថ្នាក់នៃ ការវាយប្រហារពីសំណាក់ អ្នកគាំទ្ររបស់ ក្រុមអាយស៊ីស នៅបរទេស ដែលបានកេណ្ឌពី បណ្តាញនានា នៅតំបន់អាស៊ីអាគ្នេយ៍ ដើម្បីគាំទ្រដល់ ជនជាតិភាគតិចមូស្លីមរ៉ូហ៊ីងយ៉ា ដែលទទួលរង ការធ្វើទុក្ខបុកម្នេញ ។
លោក Datuk Ayob Khan Mydin Pitchay មេប៉ូលិស ប្រឆាំងភេរវកម្មម៉ាឡេស៊ី បានថ្លែងនៅ ក្នុងកិច្ចសម្ភាសន៍ មួយថាអាជ្ញាធរ ម៉ាឡេស៊ី បានឃាត់ខ្លួនជន សង្ស័យជា សមាជិកក្រុម អាយស៊ីសម្នាក់ ដែលជាអ្នក អនុវត្តតាម គម្រោងឆ្ពោះ ទៅកាន់មីយ៉ាន់ម៉ា ដើម្បីប្រតិបត្តិនូវ ការវាយប្រហារ ។
ជនសង្ស័យ ជាជនជាតិ ឥណ្ឌូណេស៊ី ម្នាក់ដែលទាន់ ស្គាល់អត្តសញ្ញាណ នៅឡើយ ត្រូវបានឃាត់ ខ្លួនក្នុងប្រទេស ម៉ាឡេស៊ី កាលពីខែមុន ។
លោក Ayob Khan បានថ្លែងថា ជនសង្ស័យ រូបនេះត្រូវបាន គេកំណត់កាល បរិច្ឆេទ ក្នុងការចោទ ប្រកាន់កាល ពីថ្ងៃពុធ ចំពោះ ការកាន់កាប់សម្ភារៈដែលជាប់ ពាក់ព័ន្ធនិង ក្រុមភេរវជន ដែលជាប់ ទោសដាក់ ពន្ធនាគារ ចំនួន៧ឆ្នាំ ឬពិន័យជាប្រាក់។ ក្រុម សកម្មប្រយុទ្ធជា ច្រើននាក់ គឺទំនងជា នឹងព្យាយាមអនុវត្ត តាមគម្រោងឆ្ពោះ ទៅកាន់មីយ៉ាន់ម៉ា ដើម្បីគាំទ្រ ដល់ក្រុម មូស្លីមរ៉ូហ៊ីងយ៉ា។
លោកថែមទាំង បានបញ្ជាក់ ថាយុទ្ធជនរូប នោះបាននិង កំពុងរៀបផែន ការណ៍ចាត់ ចែងក្រុមជីហាត ក្នុងប្រទេស មីយ៉ាន់ម៉ា ឲ្យប្រយុទ្ធប្រឆាំង និងរដ្ឋាភិបាល មីយ៉ាន់ម៉ា ដែលធ្វើ មកលើក្រុម ជនជាតិភាគតិច រ៉ូហ៊ីងយ៉ាក្នុងរដ្ឋ Rakhine ។
ទោះជាយ៉ាងណា ប្រជាជននិង អង្គការសិទ្ធិមនុស្ស បានចោទប្រកាន់ កងកម្លាំងសន្តិសុខ ក្នុងប្រទេសកាន់ សាសនាព្រះពុទ្ធភាគ ច្រើនបាន ប្រហារជីវិតនិងចាប់រំលោភ ពលរដ្ឋក្នុងអំឡុងពេល ប្រតិបត្តិការយោធា ដែលជាការ ឆ្លើយតបទៅ នឹងការវាយ ប្រហារលើ ប៉ុស្តិ៍ប៉ូលិស កាលពី ថ្ងៃទី៩តុលា បណ្តាលឲ្យ មន្ត្រីប៉ូលិស៩នាក់ ស្លាប់បាត់បង់ជីវិត ។ ទន្ទឹមនិងការ លើកឡើងបែប នេះ រដ្ឋាភិបាលលោកស្រី អ៊ុង សានស៊ូជី បានបដិសេធ នឹងការចោទ ប្រកាន់ទាំងអស់។