រដ្ឋមន្ត្រីក្រសួងហិរញ្ញវត្ថុជប៉ុនលោក Shunichi Suzuki បាននិយាយកាលពីថ្ងៃព្រហស្បតិ៍ថា ប្រទេសជប៉ុននឹងបង្ហាញផែនការមួយដើម្បីប្រមូលប្រាក់ចំនួន ១ពាន់លានដុល្លារយកទៅជួយដល់បណ្តាប្រទេស ដែលទទួលយកជនភៀសខ្លួនពីប្រទេសអ៊ុយក្រែនដែលហែកហួរដោយសង្រ្គាម។
មូលនិធិនេះនឹងត្រូវបានផ្តល់តាមរយៈធនាគារជប៉ុនសម្រាប់កិច្ចសហប្រតិបត្តិការអន្តរជាតិ (JBIC) ដែលគ្រប់គ្រងដោយរដ្ឋ ដែលជាធម្មតាផ្តល់ជំនួយក្នុងទម្រង់នៃការផ្តល់ប្រាក់កម្ចី ការធានា និងការវិនិយោគភាគហ៊ុន។លោក Suzuki បានប្រាប់អ្នកយកព័ត៌មានថា មូលនិធិនេះក៏នឹងត្រូវបានប្រើដើម្បីជួយសម្រួលដល់ការវិនិយោគដោយក្រុមហ៊ុនជប៉ុននៅក្នុងប្រទេសទាំងនោះផងដែរ ។
លោកSuzukiបានប្រាប់អ្នកយកព័ត៌មាននៅពេលលោកទៅដល់ទីក្រុង Niigata ភាគខាងជើងនៃទីក្រុងតូក្យូ ដើម្បីធ្វើជាប្រធានកិច្ចប្រជុំរយៈពេលបីថ្ងៃនៃមេដឹកនាំហិរញ្ញវត្ថុមកពីក្រុមប្រទេសជឿនលឿនទាំងប្រាំពីរ (G7) ។G7ក៏នឹងជជែកគ្នាអំពីវិធីការពាររុស្សីពីការគេចវេសពីទណ្ឌកម្មដែលបានដាក់បន្ទាប់ពីការលុកលុយចូលអ៊ុយក្រែន។ប្រទេសG7 រួមមាន អង់គ្លេស កាណាដា បារាំង អាល្លឺម៉ង់ ជប៉ុន អ៊ីតាលី និងសហរដ្ឋអាមេរិក៕