ប្រធានាធិបតីអាហ្រ្វិកខាងត្បូងលោក Cyril Ramaphosa បាននិយាយថា ការស៊ើបអង្កេតមួយកំពុងដំណើរការ បន្ទាប់ពីឯកអគ្គរដ្ឋទូតសហរដ្ឋអាមេរិកប្រចាំនៅទីក្រុង Pretoriaបានចោទប្រកាន់ប្រទេសរបស់លោកថាបាន ផ្តល់អាវុធដល់ទីក្រុងម៉ូស្គូទោះបីជាប្រទេសនេះប្រកាន់ជំហរអព្យាក្រឹតភាពចំពោះសង្គ្រាមរបស់រុស្ស៊ីនៅអ៊ុយក្រែនក៏ដោយ។
ការិយាល័យរបស់ប្រធានាធិបតីបាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថារដ្ឋាភិបាល កំពុងបើកការស៊ើបអង្កេតដោយឯករាជ្យដែលដឹកនាំដោយចៅក្រមចូលនិវត្តន៍ម្នាក់ចំពោះការចោទប្រកាន់នេះ។មុននេះឯកអគ្គរដ្ឋទូតសហរដ្ឋអាមេរិកប្រចាំនៅអាហ្វ្រិកខាងត្បូង លោក Reuben Brigety បានប្រាប់អ្នកសារព័ត៌ មានក្នុងស្រុកនៅក្នុងបទសម្ភាសន៍មួយថា ក្រុងវ៉ាស៊ីនតោនមានទំនុកចិត្តថា នាវារុស្ស៊ីបានផ្ទុកអាវុធ និងគ្រាប់រំ សេវពីអាហ្វ្រិកខាងត្បូងកាលពីខែធ្នូ។
លោក Reuben Brigety បាននិយាយនៅក្នុងសេចក្តីថ្លែងការណ៍មួយថា ក្នុងចំណោមអ្វីដែលយើងកត់សម្គាល់គឺ ការចូលចតនៃកប៉ាល់ដឹកទំនិញរុស្ស៊ី Lady R នៅទីក្រុង Simon’s ចន្លោះថ្ងៃទី ៦ ខែធ្នូដល់ថ្ងៃទី ៨ខែធ្នូឆ្នាំ ២០២២ ដែលយើងជឿជាក់បានផ្ទុកអាវុធ គ្រាប់រំសេវ. ។
លោកBrigetyបន្តថាការដាក់អាវុធរបស់រុស្ស៊ីដោយអាហ្វ្រិកខាងត្បូងជាមួយនឹង កប៉ាល់គឺជាការមិនអាចទទួល យកបានទេដោយបន្ថែមថាមន្រ្តីជាន់ខ្ពស់របស់សហរដ្ឋអាមេរិកមាន ការព្រួយបារម្ភយ៉ាងខ្លាំង” អំពីអាហ្វ្រិកខាង ត្បូងដែលមិនគោរពគោលនយោបាយដែលមិនចូលបក្សសម្ព័ន្ធនិងអព្យាក្រឹតភាពទាក់ទងនឹងសង្គ្រាមរបស់រុស្ស៊ី។
អាហ្វ្រិកខាងត្បូងបានធ្វើសមយុទ្ធកងទ័ពជើងទឹករួមគ្នាជាមួយរុស្ស៊ី និងចិនកាលពីខែកុម្ភៈ ដោយហៅវាថាជា ទម្លាប់ ដែលសហរដ្ឋអាមេរិកនិងមហាអំណាចលោកខាងលិចផ្សេងទៀតសម្តែងការព្រួយបារម្ភនៅពេលនោះ៕