ប្រធានអង្គការសុខភាពពិភពលោក (WHO) លោក Tedros Adhanom Ghebreyesus បាននិយាយកាលពីថ្ងៃអាទិត្យក្នុងកម្មវធីគាំទ្រវ៉ាក់សាំងថាទោះបីជាមានការសង្ស័យខ្លះក៏ដោយសព្វថ្ងៃនេះជំងឺជាង ៣០ប្រភេទ ត្រូបាន ការពារដោយវ៉ាក់សាំង ហើយវ៉ាក់សាំងអាចការពារមនុស្សមិនអោយស្លាប់បាន ៤លាននាក់ក្នុងមួយឆ្នាំ។អគ្គនា យកអង្គការWHOក្នុងកិច្ចប្រជុំបើកសន្និបាតសុខភាពពិភពលោក ពីថ្ងៃទី២១ដល់ថ្ងៃទី៣០ខែឧសភា នៅទីក្រុង ហ្សឺណែវ លោកបានរំលឹកថា កាលពីនៅក្មេងនៅទ្វីបអាហ្រ្វិក ជំងឺបានឆក់យកជីវិតបងប្អូនរបស់ខ្ញុំម្នាក់។
លោកTedros បាននិយាយថាវ៉ាក់សាំងបានបំផ្លាញជំងឺអុតស្វាស្ទើរតែទាំងស្រុងប៉ុន្តែកុមាររាប់លាននាក់នៅទូទាំងទ្វីបអាហ្រ្វិក និងជុំវិញពិភពលោក កុមារដូចប្អូនប្រុសរបស់ខ្ញុំ នៅតែបន្តត្រូវបានឆក់យកជីវិតដោយជំងឺនេះខណៈដែលកុមារនៅក្នុងប្រទេសផ្សេងទៀតត្រូវបានចាក់ថ្នាំបង្ការ។
នោះហើយជាមូលហេតុដែលនៅឆ្នាំ១៩៧៤អង្គការសុខភាពពិភពលោកបានចាប់ផ្តើមកម្មវិធីពង្រីកលើការចាក់ថ្នាំបង្ការ (EPI)ដើម្បីធានាថាកុមារទាំងអស់នៅគ្រប់ប្រទេសទទួលបានអត្ថប្រយោជន៍ពីថាមពលសង្គ្រោះជីវិតនៃវ៉ាក់សាំងដំបូងសម្រាប់ជំងឺសំខាន់ៗចំនួនប្រាំមួយរួមមាន រោគខាន់ស្លាក់ ក្អកមាន់ តេតាណូស ជំងឺស្វិតដៃជើង ជំងឺកញ្ជ្រឹល និងជំងឺរបេង។
នៅពេលនោះកុមារប្រហែល១០%ប៉ុណ្ណោះនៅទូទាំងពិភពលោកបានទទួលវ៉ាក់សាំង DTP ចំនួនបីដង។សព្វថ្ងៃនេះជំងឺជាង ៣០គឺជាវ៉ាក់សាំងដែលអាចការពារបាន ហើយ EPI បានផ្តល់អនុសាសន៍ថាជំងឺ ១៣ប្រភេទជាចាំបាច់សម្រាប់គ្រប់ប្រទេស។ តាមរយៈការគាំទ្ររបស់អង្គការសុខភាពពិភពលោកសម្រាប់ប្រទេសនានាដើម្បីធានាឱ្យមានលទ្ធភាពទទួលបានវ៉ាក់សាំងសម្រាប់កុមារទាំងអស់ យើងកំពុងជួយទប់ស្កាត់ការស្លាប់ជាង ៤លាននាក់ជារៀងរាល់ឆ្នាំ។
វ៉ាក់សាំងគឺស្ថិតក្នុងចំណោមការច្នៃប្រឌិតដ៏មានឥទ្ធិពលបំផុតក្នុងប្រវត្តិសាស្ត្រមនុស្សជាតិ។វ៉ាក់សាំងឥឡូវនេះបង្កើនក្តីសង្ឃឹមក្នុងការលុបបំបាត់ជំងឺមហារីកមាត់ស្បូន ខណៈពេលដែលជួយកំចាត់មេរោគអេបូឡាបានលឿនជាងមុន៕