ប៉ូលិសជប៉ុននៅថ្ងៃសុក្រ ទី២៦ ឧសភា បានឃាត់ខ្លួនជនសង្ស័យម្នាក់ ដែលបានលាក់ខ្លួនក្នុងអគារមួយ បន្ទាប់ពីបានសម្លាប់មនុស្ស ៤នាក់ រួមទាំងមន្ត្រីប៉ូលិសពីរនាក់ ក្នុងការវាយប្រហារដោយកាំភ្លើង និងកាំបិត។
សាក្សីម្នាក់បានប្រាប់ទូរទស្សន៍ជាតិ NHK ថាការវាយប្រហារបានចាប់ផ្តើមកាលពីរសៀលថ្ងៃព្រហស្បតិ៍ នៅពេលដែលបុរសក្នុងស្រុកម្នាក់ដែលធ្វើការនៅកសិដ្ឋានបានឃើញស្ត្រីម្នាក់ រត់តាមផ្លូវនិងស្រែកថា “ជួយខ្ញុំផង” ។សាក្សីដដែលបានបន្តថា៖ « បុរសម្នាក់ពាក់អាវក្បាំង និងកាន់កាំបិតធំមួយបានចាក់នាងពីក្រោយ។ ភ្លាមៗខ្ញុំក៏បានហៅទូរស័ព្ទទៅសេវាសង្គ្រោះបន្ទាន់ខណៈពេលដែលអ្នកជិតខាងព្យាយាមជួយសង្គ្រោះស្ត្រីនោះ។ប៉ូលីសបាននិយាយថាជនសង្ស័យមានឈ្មោះ Masanori Aoki អាយុ៣១ឆ្នាំត្រូវបានចាប់ខ្លួននៅផ្ទះរបស់គាត់នៅខាងក្រៅកសិដ្ឋានក្បែរទីក្រុង Nakano ។
ស្ត្រីចំណាស់ម្នាក់ដែលត្រូវបានគេរកឃើញថាបានរងរបួសនៅកន្លែងកើតហេតុហើយក្រោយមកត្រូវបានគេប្រកាសថាស្លាប់។ស្ត្រីម្នាក់ទៀតនិងប៉ូលិសពីរនាក់ត្រូវបានគេបញ្ជាក់ថាស្លាប់ក្នុងការវាយប្រហារមុនដែរ។ប៉ូលីសកំពុងស៊ើបអង្កេតដើម្បីស្វែងរករូបភាពទាំងមូលនៃឧប្បត្តិហេតុនេះ រួមទាំងរបៀបដែលឧក្រិដ្ឋកម្មកើតឡើង និងសាវតារបស់វា។
អ្នកវាយប្រហារបានប្រកាសថា៖ «ខ្ញុំសម្លាប់នាងព្រោះខ្ញុំចង់» ។នេះបើតាមសាក្សីដែលបានប្រាប់សារព័ត៌មានក្យូដូ។ទោះជាយ៉ាងណាក៏ដោយមូលហេតុពិតប្រាកដនៃអំពើឃាតកម្មនេះកំពុងស្ថិតនៅក្នុងដំណើរការស៊ីបអង្កេត៕