កាលពីថ្ងៃព្រហស្បតិ៍ ទី១ខែមិថុនាឆ្នាំ២០២៣នាយករដ្ឋមន្ត្រីជប៉ុនលោកហ្វូមីអូគីស៊ីដាបានបង្ហាញផែនការដ៏ធំមួយដែលមានទឹកប្រាក់ចំនួន២៥ពាន់លានដុល្លារ ដើម្បីពង្រីកការគាំទ្រសម្រាប់យុវជន និងក្រុមគ្រួសារក្នុងគោលបំណងដោះស្រាយវិបត្តិអត្រាកំណើតដែលកំពុងធ្លាក់ចុះទាបបំផុតរបស់ប្រទេសនេះ។គម្រោងនេះផ្តោតអារម្មណ៍ទៅលើការឧបត្ថម្ភធនដោយផ្ទាល់សម្រាប់អ្នកដែលមានកូននិងជំនួយផ្នែកហិរញ្ញវត្ថុបន្ថែមទៀតសម្រាប់ការអប់រំ និងការថែទាំសុខភាពមុនពេលសម្រាល រួមជាមួយនឹងការលើកកម្ពស់បែបបទការងារដែលអាចបត់បែនបាននិងការឈប់សម្រាកលំហែរមាតុភាព។
លោកគីស៊ីដាបាននិយាយថាលោកកំពុងស្នើសុំ គោលនយោបាយដើម្បីដោះស្រាយការធ្លាក់ចុះនៃអត្រាកំណើតនៅលើមាត្រដ្ឋានដែលមិនធ្លាប់មានពីមុនមកក៏ដូចជាជំហានដើម្បីបង្កើនប្រាក់ចំណូលសម្រាប់ក្មេងនិងការថែទាំបណ្តុះបណ្តាលក្មេងៗជំនាន់ក្រោយ។
លោកក៏បានប្រាប់រដ្ឋមន្ត្រី អ្នកជំនាញ និងអ្នកដឹកនាំធុរកិច្ចដែលប្រមូលផ្ដុំគ្នាដើម្បីពិភាក្សាបញ្ហានេះថាយើងនឹងឆ្ពោះទៅមុខជាមួយនឹងវិធានការទាំងនេះដើម្បីប្រយុទ្ធប្រឆាំងនឹងការធ្លាក់ចុះនៃអត្រាកំណើតដោយមិនសុំឱ្យសាធារណជនទទួលបន្ទុកបន្ថែមទៀតទេ។
ប្រទេសដែលមានចំនួនប្រជាជន ១២៥ លាននាក់បានកត់ត្រាកំណើតតិចជាង ៨០ម៉ឺនកាលពីឆ្នាំមុនដែលជាកម្រិតធ្លាក់ចុះទាបបំផុតចាប់តាំងពីកំណត់ត្រាបានចាប់ផ្តើម ខណៈពេលដែលការចំណាយលើការថែទាំមនុស្សចាស់បានកើនឡើង៕