ប្រធានាធិបតីអ៊ុយក្រែនលោក ហ្សេឡិនស្គីបាននិយាយថា ការវាយប្រហារលើទំនប់វារីអគ្គិសនីនៅ Nova Kakhovka បង្ហាញថាទាហានរុស្ស៊ីត្រូវតែត្រូវបានបណ្តេញចេញពីគ្រប់ទិសទីនៃទឹកដីអ៊ុយក្រែន។សរសេរនៅលើបណ្តាញតេឡេក្រាមលោក ហ្សេឡិនស្គីបាននិយាយថាភេរវករនឹងមិនអាចបញ្ឈប់អ៊ុយក្រែនដោយការទម្លាយទំនប់ទឹក មីស៊ីល ឬអ្វីផ្សេងទៀតទេ។
លោកបានបន្តថា៖ «វាជាជ័យជម្នះរបស់អ៊ុយក្រែនតែមួយគត់ដែលនឹងផ្តល់សន្តិសុខត្រឡប់មកវិញហើយលោកបន្ថែមថាជ័យជម្នះនេះនឹងមកដល់។
វិមានក្រឹមឡាំង៖ទំនប់Kakhovkaត្រូវបានបំផ្លាញដោយអ៊ុយក្រែន
អ្នកនាំពាក្យវិមានក្រឹមឡាំង លោក Dmitry Peskov និយាយថា ការបំផ្លិចបំផ្លាញទំនប់ Nova Kakhovka នៅក្នុងតំបន់ Kherson ដែលគ្រប់គ្រងដោយរុស្ស៊ី គឺជាការបំផ្លិចបំផ្លាញ ដោយចេតនារបស់អ៊ុយក្រែន។លោកបានបន្ថែមថា ប្រធានាធិបតីរុស្ស៊ីលោក វ្ល៉ាឌីមៀ ពូទីន បានទទួលការពន្យល់សង្ខេបអំពីស្ថានភាពនេះ ហើយបាននិយាយថារុស្ស៊ីបដិសេធយ៉ាងដាច់អហង្ការចំពោះការចោទប្រកាន់ថាមានជាប់ពាក់ព័ន្ធក្នុងការវាយប្រហារ។
ហ្សេឡិនស្គី បញ្ជាឲ្យជម្លៀសមនុស្សចេញបីតំបន់ទឹកជំនន់
ប្រធានាធិបតីអ៊ុយក្រែនលោក ហ្សេឡិនស្គីបានចេញបទបញ្ជាអោយជម្លៀសមនុស្សចេញពីទីតាំងចំនួន៨០ដែលប្រឈមមុខនឹងទឹកជំនន់បន្ទាប់ពីទំនប់វារីអគ្គិសនី និងរោងចក្រថាមពលវារីអគ្គិសនីនៅ Kherson ដែលកាន់កាប់ដោយរុស្ស៊ីត្រូវបានបំផ្លាញកាលពីព្រឹកថ្ងៃអង្គារ។នៅលើតេឡេក្រាមបន្ទាប់ពីកិច្ចប្រជុំបន្ទាន់របស់ក្រុមប្រឹក្សាសន្តិសុខនិងការពារជាតិមានលោកហ្សេឡិនស្គីបាននិយាយថាការតាំងទីលំនៅស្ថានប្រហែល៨០ស្ថិតនៅក្នុងតំបន់ទឹកជំនន់។
ទំនប់ទឹក Nova Kakhovka មានទីតាំងស្ថិតនៅភាគខាងត្បូងប្រទេសអ៊ុយក្រែនក្នុងតំបន់ Kherson ដែលគ្រប់គ្រងដោយប្រទេសរុស្ស៊ីនៃតំបន់។ទំនប់នេះមានកំពស់ ៣០ម៉ែត្រ និងប្រវែង ៣,២គីឡូម៉ែត្រ ត្រូវបានសាងសង់ក្នុងឆ្នាំ១៩៥៦ នៅលើដងទន្លេ Dnipro ដែលជាផ្នែកមួយនៃស្ថានីយ៍វារីអគ្គិសនី Kakhovka ៕
