ភ្នំពេញ៖អ្នកមេម៉ាយពេជ្រ សូលីកា ធា្លប់ថ្ងូរថាពេលនេះជីវិតនាងត្រូវប្រឹងរកលុយចិញ្ចឹមកូនប្រុសផង ប្អូនស្រីផង តែម្នាក់ឯងដែលកាវាចាបែបនេះ ក្រោយពីគង់ ស្រីពេជ្រ ហៅសូលីកា ចែកផ្លូវគ្នាជាមួយលោកគឹម ហាន កាលពីឆ្នាំ២០២២ ហើយម្ដាយនាងអ្នកស្រីស៊ិន ស្រីនាង ត្រូវតុលាការប្រកាសសាលក្រមផ្ដន្ទាទោសដាក់ពន្ធនាគារ១២ឆ្នាំ កាលពីថ្ងៃ២៥ ខែសីហា ឆ្នាំ២០២១ ។សូលីកា បានព្យាយាមបណ្ដុះប្អូនស្រីនាងឈ្មោះJelly Jing ឲ្យរាំអមនាងដើម្បីឲ្យរូបគេអាចរកលុយបានខ្លួនឯង ហើយថ្មីៗនេះនាងបានរុញប្អូនស្រីឲ្យច្រៀងឆ្លងឆ្លើយជាមួយនាងតែម្ដងតាមរយៈបទ”ផ្កាឈូកកំសត់” ។បើទោះជាប្អូនស្រីសូលីកា នៅស្ទើព្រោះវ័យក្មេងខ្ចីបន្ដិចក្ដី តែគេជឿរថាJelly Jing ទទួលបានការគាំទ្រយ៉ាងពេញទំហ៊ឹងពីសំណាក់ស្រីពេជ្រ ឲ្យនាងដើរតាមគន្លងរបស់ខ្លួន តាមរយៈការផលិតបទចម្រៀងនៅខាងក្រៅផលិតកម្មហង្សមាស។ចំណែកFan របស់ស្រីពេជ្រ វិញបានជម្រុញនិងលើកទឹកចិត្តហើយចង់ឲ្យនាងចេញបទចម្រៀងថ្មីៗទៀតជាមួយប្អូនស្រីបន្ថែមដោយខ្លះថាប្អូននិងបងមានទឹកដមសំនៀងស្រដៀងគ្នាទៀតផង ។
យ៉ាងណាគេនៅមិនទាន់អាចសន្និដ្ឋានបានថាតើពេជ្រ សូលីកា អាចនឹងបណ្ដុះប្អូនស្រីឲ្យបានល្បីដូចខ្លួនឬយ៉ាងណានោះទេព្រោះថានោះគ្រាន់តែជាចំណុចចាប់ផ្ដើមប៉ុណ្ណោះ។ដោយឡែកហង្សមាសវិញក៍គ្មានសញ្ញាទទួលយកប្អូនស្រីសូលីកា ធ្វើជាសមាជិករបស់ខ្លួនដែរ ។
តារាចម្រៀងគង់ ស្រីពេជ្រ ហៅពេជ្រ សូលីកា មានទឹកដមសម្លេងមធ្យម តែកន្លងមកគេចាប់អារម្មណ៍ទៅលើរូបសម្រស់នាងច្រើនជាងសម្លេង ហើយពេលនេះទោះជានាងមានកូន១ទៅហើយក្ដី ប៉ុន្ដែស្រីពេជ្រ នៅតែមិនធ្លាក់សម្រស់ចុះនោះទេ ហើយក៍មិនសូវបែកសាច់ខ្លាំងដែរ ។ប្រភពបានឲ្យដឹងថានាងស្រីពេជ្រ បានអនុញ្ញាត្តិឲ្យលោកហាន អាចទៅយកកូនដើរលេងពីនាងបានគ្រប់ពេល ដែលខុសពីនាងភិន សុដាលីស មិនអនុញ្ញាត្តិឲ្យលោកប៉ែន ចំរ៉ុង ជួបមុខកូនស្រីនាងផ្ទាល់ជាដាច់ខាត ។តែសូលីកា ហាក់ស្ងប់ស្ងាត់រឿងស្នេហាថ្មីក្រោយនាងនិងតារាចម្រៀងលេងសាក់លោកថុល សុភិទិ រយាលៗពីគ្នាជាង១ឆ្នាំមក ព្រោះភិទិ រកបានអ្នកមេម៉ាយកូន១សាច់សខ្ចីនាងឡុង ម៉ានីន ខណៈដំណឹងស្នេហារបស់ស្រីពេជ្រ ជាមួយបុរសម្នាក់ដែលនាងធ្លាប់បង្ហាញភាពផ្អែមល្ហែមកាលពីឆ្នាំ២០២៣ តាមIG មួយប្រាវនោះក៍ស្ងាត់បាត់ដំណឹងទៅវិញដែរ ។ ប៉ុន្ដតាមដំណឹងថារូបសម្រស់គួរឲ្យបេតី របស់នាងស្រីពេជ្រ មិនខ្វះជម្រើសស្នេហ៍ឡើយព្រោះមានបុរសទាំងក្នុងនិងក្រៅស្រុកចាំត្រងស្នេហ៍ ហេតុនេះបើអ្នកមេម៉ាយចង់ព្យាបាលដំបៅបេះដូងនោះគឺគ្រាន់តែOk ភ្លាមរកបានគ្រូពេទ្យភ្លែតតែម្ដង ។
សូមបញ្ជាក់ថានៅក្នុងពិភពសិល្បៈតារាដែលយកប្អូនឲ្យដើរតាមគន្លងរបស់ខ្លួនមានដូចជាលោកខេមរៈ សិរីមន្ដ (ខេមរៈ ស្រីពៅ ស្លាប់),ឆាយ វីរៈយុទ្ធ (ឆាយ សវណ្ណារី ),ហ្សូណូ ,សុខ សេរីវឌ្ឍនា ,ហង្ស ឧត្តមមុនី ,មាស សាលី និងកញ្ញាសុខ សីឡាលីន ជាដើម ។សម្រាប់នាងពេជ្រ សូលីកា វិញនាងអាចនឹងបន្ដផលិតបទចម្រៀងខាងក្រៅផលិតកម្មបន្ថែមទៀតដោយចាប់ដៃជាមួយប្អូនស្រីនាង។
គេកត់សម្គាល់ថានាងពេជ្រ សូលីកា ក៍ដូចឱក សុគន្ធកញ្ញា ,សួស វីសា និងតារាមួយចំនួនទៀតដែរ បច្ចុប្បន្នទីផ្សារចម្រៀងនាងហាក់នៅទ្រឹងក្រោយនាងបានប្ដីនិងកូន ។ប៉ុន្ដែផលិតកម្មហង្សមាសនៅតែផ្ដល់តំណែងជាតួឯកដល់នាងដដែលហើយអ្នកមេម៉ាយរូបស្រស់មានដៃគូដល់ទៅ២នាក់នោះគឺនីកូ និងថុល សុភិទិ តែយូៗទើបពួកគេចេញបទឆ្លងឆ្លើយជាមួយគ្នាម្ដង។ ប្រភពបានឲ្យដឹងថានាងសូលីកា នៅតែចង់ជ្រើសស្នេហ៍ថ្មី”ជួញឆ្ងាយ ប្រសើជាងជួញជិត” ព្រោះនាងចង់ទៅរស់នៅស្រុកគេដូចតារាមួយចំនួនទៀតនៅពេលដែលមានអាយុច្រើនជាងនេះ ។ចាំមើលថាម្ដងនេះស្រីពេជ្រ នឹងជ្រើសប្រុសរូបសង្ហារម្ដងទៀត ឬចង់សាងស្នេហ៍ប្រុសចាស់ដូចមុនវិញ ?
