ភ្នំពេញ៖ព្រាប សុវត្ថិ ,ឆាយ វីរៈយុទ្ធ ,ខាន់ ជេមស៍ និងខេម ជាដើមតែងតែបង្ហាញភាពផ្អែមល្ហែមជាមួយប្រពន្ធដូចជាថតរូបថើបគ្នា និងញាំអាហារតែពីរនាក់ប្ដីប្រពន្ធជាដើមដែលបង្ហាញថាពួកគេកំពុងមានក្ដីសុខក្នុងជីវិតឯកជន។ប៉ុន្ដែសម្រាប់លោកខែម ប៊ុនថៃ ហៅខេមរៈ សិរីមន្ដ វិញបានបង្ហាញឲ្យFan នូវសកម្មភាពថ្នាក់ថ្នមភរិយាខុសពីតារាផ្សេងៗទៀតនោះគឺការងារនៅផ្ទះរបស់លោកគឺម៉ាហ្សា បាតជើងឲ្យប្រពន្ធសំណព្វចិត្តរបស់លោកអ្នកនាងគួយ ផល្លី ហើយលោកមិនខ្លាចក្នុងការបង្ហាញរូបភាពទាំងនោះទៅអ្នកគាំទ្រឲ្យបានឃើញលោក ឡើយ ។អ្នកលេងបណ្ដាញសង្គមខ្លះបានលើកឡើងថាលោកសិរីមន្ដ កំពុងតែធ្វើឲ្យប្រពន្ធមានការជឿរជាក់ថាលោកស្រលាញ់និងថ្នាក់ថ្នមប្រពន្ធស្មើកែវភ្នែក ពោលគឺហ៊ានធ្វើអ្វីៗគ្រប់បែបយ៉ាងទាំងអស់ឲ្យតែភរិយាមានក្ដីសុខ។ ។ចំណែកអ្នកខ្លះទៀតថាអ្នកនាងគួយ ផល្លី មានសំណាងដែលមានស្វាមីជាបុរសល្អហើយដើម្បីឲ្យប្រ ពន្ធមានសុខភាពល្អលោកម៉ាហ្សា ឲ្យភរិយារហូតដល់បាតជើងតែម្ដង។Fan មួយជំនួនជឿរថាលោកសិរីមន្ដ អាចនឹងបានកូនទី៤ ក្នុងពេលដ៍ឆាប់ៗនេះជាមិនខានឡើយ ។
សូមបញ្ជាក់ថាខេមរៈ សិរីមន្ដ ធ្លាប់លេចឭថាបានរៀបការជាមួយអ្នកនាងគួយ ផល្លី ម្ដងរួចទៅហើយកាលពីឆ្នាំ២០០៩ តែពិធីនោះធ្វើដោយលាក់លៀម ហើយក្រោយឡើងជាឧកញ៉ាកាលពីដើមខែកុម្ភៈឆ្នាំ២០២២ នោះសិរីមន្ដ នឹងអ្នកនាងផល្លី បានរៀបការជាមួយគ្នាម្ដងទៀតដែលមានការស្លៀកពាក់ជាឈុតប្រពៃណីកូនកំលោះក្រមុំដូចមង្គលការគេផ្សេងៗទៀតដែរ ប៉ុន្ដែអ្វីដែលចម្លែកគឺនៅតែមិនហ៊ានរៀបការដោយបើកចំហដដែល ។ប្រភពបានឲ្យដឹងថាភរិយាសិរីមន្ដ ក្រៅពីអាចដឹកនាំសម្ដែងMV បទប្ដីរបស់ខ្លួនបាននោះអ្នកនាងក៍ជាជំនួយការប្ដីផងដែរ ក្នុងនោះនាងមានតួនាទីជារៀបចំសម្លៀកបំពាក់ ,ធ្វើសក់ និងផាត់មុខឲ្យប្ដីជាដើម គឺដូចគ្នាទៅនិងប្រពន្ធរបស់លោកព្រាប សុវត្ថិ ,ខេម និងឆាយ វីរៈយុទ្ធ ដែរ ដែលនៅក្រោយខ្នងប្ដីដូចគ្នា។
គួរបញ្ជាក់ថាខេមរៈ សិរីមន្ដ ជាតារាលាក់មុខភរិយាបានច្រើនឆ្នាំជាងគេពោលគឺតាមព័តមានថាលោកនិងអ្នក នាងគួយ ផល្លី បានភ្ជាប់ស្នេហ៍ជាមួយគ្នាតាំងពីឆ្នាំ២០០៤ ម្លេះ តែនៅឆ្នាំ២០១៨ ទើបសិរីមន្ដ ព្រមទទួលស្គាល់និងហ៊ានបណ្ដើរកប្រពន្ធជាសាធាណៈ ពោលគឺ១៤ឆ្នាំ ដែលអ្នកនាងផល្លី មិនដែលហ៊ានកៀកកើយប្ដីជាចំហឡើយ ។តែពេលនេះអ្នកនាងផល្លី បានក្លាយទៅជាជំទាវ បន្ទាប់ពីសិរីមន្ដ ឡើងជាឧកញ៉ា ហើយនាងនិងសិរីមន្ដ គ្មានដំណឹងយកកូនទី៤នោះទេ គឺទើបតែពេលនេះលោកប៊ុនថៃ បញ្ចេញរូបភាពម៉ាហ្សា បាតជើងឲ្យប្រពន្ធបែបនេះទើបមានការលើកឡើងថាសិរីមន្ដ នេះពិតជាមិនធម្មតាមែន ពូកែទាំងច្រៀង លេងម៉ូដសក់ និងគ្រឿងអលង្ការ ជ្រែកខ្លួននៅឆ្នាំ២០២៤ នេះឥឡូវអ្វីដែលគ្រប់គ្នាមិននឹកស្មានដល់នោះគឺលោកក៍ជាបុរសលេខ១ខាងពូកែថ្នាក់ថ្នមភរិយា ។
គេកត់សម្គាល់ថាខេមរៈ សិរីមន្ដ ជ្រកនៅGalaxy ជាង១ឆ្នាំលោកព្យាយាមអុកឡុកទីផ្សារចម្រៀងឡើងវិញដែលធ្វើឲ្យតារារួមទ្រនុំខ្លះនៅទ្រឹងទៀតផង ។ប៉ុន្ដែចម្រៀងរបស់សិរីមន្ដ ខ្លះចេញមកទទួលបានការរិះគន់ច្រើនជាងគាំទ្រដូចជាបទ”ឆ្នាំនឹង សប្បាយខ្លាំង “រហូតធ្វើឲ្យលោកត្រូវបង្ខំចិត្តលុបចោលវិញយ៉ាងទាន់ហន់ ព្រោះតែសន្ទុះវាយប្រហារមកលើខ្លួនដូចទឹកបាក់ទំនប់តែម្ដង។អ្នកជំនាញសិល្បៈបានលើកឡើងថាសិរីមន្ដ ពិបាកឈរលេខ១នៅGalaxy ណាស់ ព្រោះថាព្រាប សុវត្ថិ មិនដែលនិយាយថាលោកចង់ដកឃ្លាពីអាជីពចម្រៀង បន្ទាប់ពីឡើងជាឧកញ៉ានោះទេ ហេតុនេះហើយគេចាំមើលថា”ភ្នំ១ ខ្លា២ “នឹងមានរឿងអ្វីកើតឡើងទៅ ព្រោះលោកសុវត្ថិ នៅសល់កុងត្រាជាង១ឆ្នាំទៀតនៅហង្សមាស ខណៈដែលសិរីមន្ដ នៅសល់កិច្ចសន្យាជាង៣ឆ្នាំទៀត ។សម្រាប់ការបញ្ចេញរូបភាពថ្នមកាយាភរិយានោះពេលនេះសិរីមន្ដ ទទួលបានការទាក់ទាញខ្លាំងជាងព្រាប សុវត្ថិ ទៀត ព្រោះឧកញ៉ាស្នាយ មិនដែលបង្ហាញពីការម៉ាហ្សា បាតជើងឲ្យប្រពន្ធទេ គឺមានតែថើបជញ្ជក់មាត់ភរិយាប៉ុណ្ណោះ ៕
