ភ្នំពេញ៖តារាចម្រៀងលោកប៉ុន សុណារិន ហៅខេម បានសារភាពថាលោកឃើញមិត្តភក្ដិរៀបការ ចិត្តរបស់លោកក៍ចង់តែការដូចគេដែរ ប៉ុន្ដែសកម្មភាពពិតលោកសុណារិន បែជាមិនហ៊ានប្រថុយទៅវិញ។ការអះអាងជាថ្មីរបស់ខេម នាពេលនេះក្រោយពីលោកបានឃើញតារាចម្រៀងគួម៉ា ដែលជ្រកនៅGalaxy ជាមួយលោកនោះរៀបការជាមួយនាងម៉ៅ គឹមធីតា កាលពីថ្ងៃទី៣ ខែឧសភា ទើបនាំឲ្យខេម ចង់គ្រងឈុតកូនកំលោះដូចសិស្សប្អូនដែរ ។យ៉ាងណានេះមិនមែនជាលើកទី១ឡើយសម្រាប់ខេម ដែលតែងតែនិយាយថាខ្លួនចង់រៀបការនោះ ព្រោះក្នុងជំនួបជាមួយអ្នកយកព័តមានយើងកន្លងមកលោកសុណារិន ក៍តែងតែប្រាប់ដដែលៗថាមិនយូទេលោ កនឹងរៀបការដូចគេដែរហើយ ព្រោះការមានគូជីវិត អ្នកណាក៍មាន ហេតុនេះបើរៀបការលោកមិនបារម្ភខ្លាចអា ជីពចម្រៀងមានការប្រែប្រួលឡើយ ។
សូមរំលឹកថាខេម បានភ្ជាប់ស្នេហ៍ជាមួយអាណិកជនខ្មែរមកពីបារាំងនាងស្រីកា ជិត១០ឆ្នាំមកហើយដែលពេលនេះគូស្នេហ៍លោកក៍បានមករស់នៅខ្មែរតាំងពីឆ្នាំ២០១៥ ម្លេះ ហើយក្នុង១ឆ្នាំពួកគេចេញទៅរឹតចំណងស្នេហានៅប៉ែកអ៊ឺរ៉ុបម្ដង។ដោយឡែកសម្រាប់ការហ៊ានបណ្ដើរភរិយាជាចំហនោះខេម ទើបតែដាច់ចិត្តបង្ហាញមុខរួមគ្នាជា មួយស្រីកា កាលពីឆ្នាំ២០២០ ហើយពេលនេះម្ចាស់ស្នេហាលោកបានដើរតួនាទីយ៉ាងសំខាន់ក្នុងការរៀបចំសម្លៀ កបំពាក់ ធ្វើសក់ និងគ្រឿងអលង្ការឲ្យលោកចេញច្រៀងសម្ដែងដូចគ្នាទៅភរិយារបស់លោកព្រាប សុវត្ថិ ,ខេមរៈ សិរីមន្ដ និងឆាយ វីរៈយុទ្ធ ជាដើម ។ប្រភពបានឲ្យដឹងថាប្រពន្ធខេម ចង់រៀបការ តែនាងសម្របខ្លួនតាមខេម ជានិច្ច ប៉ុន្ដែលោកសុណារិន ទេនៅតែស្ទាក់ស្ទើចិត្ត ដោយគេជឿរថាលោកអាចខ្លាចប៉ះពាល់ដល់អាជីពចម្រៀងទើបពន្យាពេលដឹកដៃស្រីកា ក្រាបផ្ទឹមរហូតដល់ជិត១០ឆ្នាំមកនេះ។
ខេម ស្ថិតក្នុងលំដាប់តារាជូរមុខរបស់Galaxy នាពេលបច្ចុប្បន្ន ប៉ុន្ដែការមកដល់របស់លោកព្រាប សុវត្ថិ និងខេមរៈ សិរីមន្ដ នាពេលបន្ទាប់ពីលោកនោះធ្វើឲ្យលោកសុណារិន ប្រឈមធ្លាក់ទៅគ្រងតំណែងលេខ៣ មិនអាចវ៉ាគេដាច់ដូចអំឡុងលោកច្រៀងនៅថោន ឡើយ បើទោះជាតាមព័តមានថាលោកមិនដែលមានចិត្តចង់ធ្វើជាតួរងម្ដងណាក្ដី ។លោកសុណារិន ធ្លាប់ប្រាប់អ្នកយកព័តមានយើងថាលោកមានក្ដីសុខជាមួយGalaxy ហើយការរាប់អានរបស់លោកជាមួយថៅកែផលិតកម្មគឺដូចជាបងប្អូន ខណៈដែលតារានៅGalaxy រាប់អានគ្នាដូចបងប្អូន គ្មានការកាច់កុងគ្នានោះទេ ហើយលោកក៍មិនដែលចាត់ទុកលោកព្រាប សុវត្ថិ ជាឆ្អឹងទទឹងក ដូចការលេចឭដែរ ។
អ្នកជំនាញសិល្បៈបានលើកឡើងថាថ្វីត្បិតតែខេម មិនអាចលេចធ្លោជាងព្រាប សុវត្ថិ និងខេមរៈ សិរីមន្ដ មែន ប៉ុន្ដែការច្រៀងស្ទីលស្អករបស់លោកទោះជាថៅកែGalaxy ទិញតារាថែមទៀតក្ដី ក៍មិនប៉ះពាល់ខ្លាំងដល់អាជីពលោកសុណារិន ឡើយ ពោលគឺគ្មានអ្នកដណ្ដើមតំណែងបានទេ ។ប៉ុន្ដែខេម ហាក់នៅទ្រឹងរយៈពេលចុងក្រោ យនេះខណៈដែលលោកខេមរៈ សិរីមន្ដ កាន់តែអុកឡុកទីផ្សារចម្រៀងខ្លាំងជាងគេនៅGalaxy ទើបធ្វើឲ្យខេម លែងសូវលេចធ្លោដូចកាលពីឆ្នាំ២០១៩ ។
ក្រៅពីខេម តារាដែលជ្រើសគូស្នេហ៍ជានារីអាណិកជនខ្មែរនៅបរទេសមានដូចជាលោកស៊ុក សុភា ,ខៀវ សំភេទ ,យស បូវណ្ណៈ ,សោភ័ណ្ឌ ឡាវី ,សុវណ្ណ មុនី ,ហង្ស ឈា,យ៉ែម សំអូន,នៅ ស៊ីនឿន និងលោកខៃ ប្រសិទ្ធ ជាដើម ។សម្រាប់ខេម វិញលោកធ្លាប់ប្រាប់ថាគ្មានបំណងចេញទៅរស់នៅប្រទេសបារាំងទេ គឺអាចគ្រាន់តែចុះឡើងៗ ប៉ុណ្ណោះ ព្រោះថាភរិយាលោកបានមករស់នៅខ្មែរជាមួយលោកជាច្រើនឆ្នាំមកហើយ។ ការដែលលោកខេម មិនកំណត់ថ្ងៃដឹកដៃស្រីកា រៀបការឲ្យបានច្បាស់លាស់នេះធ្វើឲ្យលោកសុណារិន ក៍មិនហ៊ានឲ្យភរិយាពពោះមុនក្រាបផ្ទឹមដែរ បើទោះជាលោកធ្លាប់អះអាងថាខ្លួនស្រលាញ់ក្មេងៗ និងចង់បានកូនដូចគេដែរក្ដី តែលោកមិនដែលបង្ហើបថាអាចនឹងដើរតាមផ្លូវលោកខេមរៈ សិរីមន្ដ លេងស្ទីលអ៊ឺរ៉ុបយកកូនមុនរៀបការជាសាធារណៈឡើយ ៕
