ភ្នំពេញ៖រយៈពេលជិត៥ឆ្នាំហើយដែលអ្នកនាងឡាយ លក្ខិណា បានពន្យាពេលវិលត្រឡប់មកស្រុកវិញ ហើយបន្ដសម្ងំនៅកាណាដាដោយមានព័តមានថានាងបានផាត់ចោលសំណើរស្នេហ៍ប្រុសៗនៅទីនោះព្រោះតែជាប់ស្នេហ៍ថៅកែស្រីម្នាក់។ទោះជាអ្នកនាងលក្ខិណា ធ្លាប់ប្រាប់អ្នកយកព័តមានយើងថានាងជាមនុស្សស្រីស្រលាញ់ប្រុសមែន ប៉ុន្ដែរូបភាពជាច្រើនបង្ហាញពីភាពស្អិតល្មូតផ្អែមល្ហែមស្នេហ៍រវាងនាងនិងថៅកែស្រីនោះ ហើយគេអាចសន្និដ្ឋានបានថាការមិនវិលមកស្រុកវិញរបស់នាងព្រោះតែអ្នកមេម៉ាយជាប់អន្ទាក់ស្នេហារបស់ថៅកែស្រីនោះតែម្ដង។តាតាឧកញ៉ាខ្លះនៅខ្មែរដែលធ្លាប់លួចស្នេហ៍អ្នកមេម៉ាយទ្រលុកទ្រលន់ឡាយ លក្ខិណា បានបង្ហា ញអារម្មណ៍សោកសា្ដយរូបសម្រស់នាងដែលសុខចិត្តផាត់ចោលប្រុសៗទាំងឡាយ ដើម្បីជ្រើសយកស្រី ខណៈដែលអំឡុងរស់នៅខ្មែរគេមិនដែលលេចឭថានាងជាមនុស្សស្រីស្រលាញ់ស្រីឡើយ ប៉ុន្ដែពេលនេះអ្វីៗមានការប្រែប្រួលក្រឡាប់ចាក់អស់ហើយ ព្រោះអ្នកនាងលក្ខិណា លែងទុកចិត្តមនុស្សប្រុសពោលគឺនាងជ្រើសផ្លូវសាងស្នេហាបញ្ច្រាសទិសវិញនោះយកប្ដីជាស្រ្ដីភេទដូចគ្នា ។
គួររំលឹកថាឡាយ លក្ខិណា បានចេញទៅកាណាដាជាលើកទី២ កាលពីខែសីហា ឆ្នាំ២០១៩ ហើយតាមគម្រោងនាងច្រៀងសម្ដែងតែ៣ខែប៉ុណ្ណោះ នឹងត្រូវវិលវិញនៅដើមខែ វិច្ឆិកាឆ្នាំ២០១៩ ។ប៉ុន្ដែពេលនេះជិត៥ឆ្នាំទៅហើយនៅតែគេមិនឃើញអ្នកនាងលក្ខិណា វិលមកស្រុកដដែល ហើយនាងធ្លាប់ប្រាប់ថារស់នៅទីនោះនាងច្រៀង នៅផលិតកម្មមួយឈ្មោះ Sandap Production ដែលត្រូវថតទាំងAudio និងMV ផងដែរ។អ្ននាងលក្ខិណា ថានាងពិតជាទទួលបានសិទ្ធិពេញលេញពីថៅកែក្រុមហ៊ុនកម្សាន្ដដ៍ធំមួយមែន ដែលនាងអាចសម្រេចចិត្តក្នុងការជ្រើសរើសយកតារាខ្មែររូបណាមកច្រៀងនៅកាណាដា ហើយម្ចាស់ក្រុមហ៊ុននោះចាំតែOk តាមពីក្រោយនាង។ប៉ុន្ដែក្រោយផ្ទុះរឿងនាងនិងថៅកែស្រីបង្កាត់ភ្លើងស្នេហាជាមួយគ្នានោះអ្នកនាងលក្ខិណា ក៍មិនដែលឆ្លើយតបរាល់សំណួររបស់អ្នកយកព័តមានយើងតាមឆាតហ្វេសបុកទៀតឡើយ។
ក្រៅពីអ្នកនាងឡាយ លក្ខិណា តារាដែលជ្រើសគូស្នេហ៍ភេទដូចគ្នាមានដូចជាម៉ៃយ៉ា ,លី អ៊ីវ៉ាធីណា ,អេនីហ្សាម ,ចៅខ្មែរនិងម៉ា ដូណា ជាដើម ខណៈដែលតារាខ្លះទៀតមានដូចជាឌុច សុភា និងស៊ឹម ថៃណា ជាដើមក៍ធ្លាប់ត្រូវបានគេសង្ស័យថាពួកគេស្នេហាភេទដូចគ្នាដែរ តែអ្នកទាំងនោះច្រានចោល ។សម្រាប់អ្នកនាងឡាយ លក្ខិណា វិញនាងកាក់កបក្នុងការច្រៀងសម្ដែងនៅកាណាដា ជាមួយតារាខ្មែរដែលនាងបានជ្រើសយកទៅតាមរយៈក្រុមហ៊ុនរបស់ថៅកែស្រីនោះដែលកន្លងមកនាងធ្លាប់ច្រៀងជាមួយលោកឆន សុវណ្ណារាជ ,នៅ ស៊ីនឿន និងឈិន ម៉ានិច្ច ក្នុងពិធីបុណ្យចូលឆ្នាំខ្មែរនៅទីនោះទៀតផង។អ្នកមេម៉ាយសាច់ចាំរូបនេះក៍ធ្លាប់បង្ហួសចេញទៅច្រៀងសម្ដែងកម្មវិធីមួយចំនួននៅអាមេរិកផងដែរ ដោយមានកម្មវិធីខ្លះនាងថែមទាំងលេងខ្លួនស៊ិចស៊ី បង្អួតគល់ដើមទ្រូងយ៉ាងទ្រលុកទ្រលន់មិនចាញ់ក្រមុំឡើយ ទើបធ្វើឲ្យប្រុសៗទាំងនៅអាមេរិកនិងកាណាជ្រួលជ្រើម ប៉ុន្ដែចុងក្រោយពួកគេស្រឡាំងកាំង និងដាច់ចង្កេះទៅវិញ ព្រោះតែអ្នកនាងលក្ខិណា មើលរំលងប្រុសៗហើយបេតីថៅកែស្រី ។
គិតត្រឹមឆ្នាំ២០២៤ នេះមានតារាខ្មែរបានជ្រើសគូស្នេហ៍និងរស់នៅកាណាដាមានដូចជាអ្នកនាងសៀម ស្រីណុច ,ម៉ុក អានីត និងរស់ ម៉ូនីកា ជាដើម ខណៈដែលមាស សុខសោភា វិញស្វាមីបានតាមនាងមករស់នៅខ្មែរជាង១០ឆ្នាំទៅហើយ និងស្ងាត់ដំណឹងនាងចង់ទៅនៅកាណាដាតាមប្ដី ។អ្នកជំនាញសិល្បៈបានលើកឡើងថាមូល ហេតុដែលតារាស្រីស្អាតៗខ្លះងាកមកជ្រើសរើសគូស្នេហាជាភេទដូចគ្នា ព្រោះតែមួយចំនួនធ្លាប់រងការខូចចិត្ត ឈឺចាប់ដោយសារមនុស្សប្រុសក្បត់ចិត្ត ហេតុនេះហើយបានជាពួកគេសាកល្បងស្រីដូចគ្នាវិញម្ដងដែលមានខ្លះបានចាក់មេជីវិតយកកូនបន្ដពូជទៀតផង ៕
