ភ្នំពេញ៖ស្រីស្រស់មាន សូនីតា លេងឈុតថើបមាត់គ្នាក្នុងអាងទឹក និងនៅសមុទ្រជាមួយអតីតស្វាមីអ្នកនាងចាន់ សុផានី គឺលោកហ្សូណូ ក្នុងភាពយន្ដថ្មីរឿង”មេឆា “ ដែលសូនីតា ថាក្នុងរឿងមួយនេះនាងមានការលះបង់ច្រើនណាស់ ហើយជាលើកទី១ផងដែរក្នុងអាជីពថតកុនដែលនាងលេងឈុតក្នុងទឹកជម្រៅដល់ទៅ១០ម៉ែត្រ ដែលពេលខ្លះត្រូវឈ្លក់មិនក្រោម៥០ដង ហើយពេលឡើងដល់លើគោគវិញមានអារម្មណ៍ថាបានរស់ឡើងវិញ ព្រោះនៅក្នុងទឹកនោះពាក់អុកអ៊ីហ្សែនជាច្រើនម៉ោង ។ប៉ុន្ដែសូនីតា ថាអ្វីដែលនាងបាក់ទឹកចិត្តនោះគឺរឿងខ្មែរខ្លះមិនត្រូវបានទស្សនិកជនគាំទ្រទេ មានតែរិះគន់ ហេតុនេះហើយពេលនាងអានខមិននាងចង់ធ្លាក់ថ្លើមដល់ដីក៍មានដែរ ។នាងថារឿងមួយនេះនាងគ្រោងថតចំណាយពេលតែ៤ខែទេ ប៉ុន្ដែដោយសារតែមានឈុតភាគច្រើនក្នុងទឹកទើបក្រុមការងារចំណាយពេលដល់ទៅ៦ខែ ព្រោះប្លង់ខ្លះត្រូវថតរាប់ម៉ោងទើបត្រូវ។នាងបន្ថែមថាការថតរឿងមួយនេះនាងចំណាយការលះបង់ច្រើនណាស់ គឺដើម្បីឲ្យកុនខ្មែររីកចម្រើនក្នុងនោះមានទាំងការបាក់សម្រស់ផងដែរ ហើយទទួលស្គាល់ថាការថតក្នុងទឹកពិបាកបំផុតសម្រាប់រូបនាង ។
គេចាំមើលថាមាន សូនីតា នឹងអាចមានឈ្មោះល្បីថែមទៀត ឬយ៉ាងណាក្រោយឆក់បានតួឯករឿង”មេឆា” ព្រោះរឿងនេះនាងមានទាំងពាក់កន្ទុយនាងមេឆា ដោយប្រើឡេ និងក្រុមការងារ៤ទៅ៥នាក់សែងនាងទម្លាក់ក្នុងទឹកទៀតទើបអាចហែលខ្លួនឯងបាន ។ប៉ុន្ដែការដែលសូនីតា ថានាងលះបង់ខ្ពស់បំផុតក្នុងភាពយន្ដមួយនេះនោះ គេកត់សម្គាល់ថាឈុតក្នុងទឹកបែបនេះកន្លងមកក៍មានតារាខ្មែរផ្សេងទៀតហ៊ានលេងនិងធ្វើបានដូចនាងដែរ។តែអ្វីដែលចម្លែកសូនីតា ហាក់ស្វាក់លេងឈុតស្នេហាជាមួយលោកហ្សូណូ ដោយម្ដងនេះកាន់តែក្ដៅនិងរោលរាលខ្លាំង ព្រោះពួកគេមានឈុតថើបមាត់គ្នាក្នុងអាងនិងទឹកសមុទ្រ ជាច្រើនប្លង់។
សូមបញ្ជាក់ថាមាន សូនីតា មិនដែលសម្រុកថតភាពយន្ដជាប់ៗគ្នាទេ ពោលគឺនាងធ្លាប់ប្រាប់ថាក្នុង១ឆ្នាំទទួលលេងតែ១រឿងប៉ុណ្ណោះ ហើយនៅសល់ពេលនាងធ្វើជំនួញផ្ទាល់ខ្លួនដែលបច្ចុប្បន្ននាងមានហាងដល់ទៅ៣ផ្សេងគ្នាគឺហាងកាហ្វេ”ណ”សាខានៅម្ដុំផ្សារទួលទំពួង ,ហាងក្រម៉ា និងហាងកាត់ដេរ ។តារាវ័យ៣៤ឆ្នាំរូបនេះច្រើនតែលេចមុខទៅដើរកម្សាន្ដនៅក្រៅប្រទេសច្រើនជាងក្នុងស្រុក ពោលគឺដើរចាយលុយតែម្ដង ខណៈដែលថ្មីៗនេះនាងបានបង្កើតមាតិការមួយឈ្មោះ”កម្ពុជា ឋានសួគ័លើដី” ចាប់ដៃជាមួយតារាចម្រៀងម៉ានិត ។អ្វីដែលគូរឲ្យកត់សម្គាល់នោះទោះជាសូនីតា អតីតFreshie ឆ្នាំ២០០៩ រូបនេះមិនសម្រុកថតភាពយន្ដដូចតារាផ្សេងៗទៀតក្ដី ប៉ុន្ដែអ្នកដឹកនាំរឿងនៅតែប្រគល់តំណែងតួឯកដល់នាងដដែលទើបធ្វើឲ្យសូនីតា ដើរលងផង រកស៊ីផង នោះនៅតែមានហាងឆេងពីអាជីពសម្ដែង។
គេកត់សម្គាល់ថាមាន សូនីតា ស្ថិតក្នុងចំណោមតារាដែលមានទ្រព្យច្រើនម្នាក់ក្រោយនាងប្រឡូកសិល្បៈបានជាង១៥ឆ្នាំមកនេះព្រោះនាងមានផ្ទះវីឡារយ៉ាងប្រណិត រស់នៅយ៉ាងកាលីព ជាមួយនិងការផ្លាស់ប្ដូរម៉ូដរថយន្ដទំនើបៗជាបន្ដបន្ទាប់ផងដែរ ។ស្រីសស់សម្លេងស្រាលវ័យ៣៤ឆ្នាំ រូបនេះធ្លាប់លេចឭថាមានមន្រ្ដីគយវ័យចំណាស់ម្នាក់តាមស្នេហាជាច្រើនឆ្នាំមកហើយ ប៉ុន្ដែសូនីតា មិនដែលហ៊ានលាតត្រដាងរឿងមួយនេះ ឬបណ្ដើរគូស្នេហ៍ជាចំហម្ដងណាឡើយ ពោលគឺលាក់ជិតឈឹង ។ការជ្រើសរើសផ្លូវសាងស្នេហ៍ដោយមិនបើកចំហបែបនេះនាំឲ្យសូនីតា នៅតែមិនស្ងាត់ដំណឹងថានាងមានស្រី្ដភេទតាមស្រលាញ់ច្រើនជាងប្រុសនោះឡើយ បើទោះជានាងមិនដែលលេងឈុតស្រើបស្រាបជាlesbian ហើយពេលនេះហ៊ានបណ្ដោយឲ្យហ្សូណូ អោបរឹតនិងថើបមាត់នាងក្នុងជម្រៅទឹកសមុទ្រដល់ទៅ១០ម៉ែត្រក្ដី ។សូនីតា ធ្លាប់ប្រាប់អ្នកយកព័តមានយើងថានាងមានម្ចាស់ចិត្តហើយ តែមិនទាន់ដល់តំណាក់កាលគិតគួររឿងរៀបការទេ ព្រោះនៅមើលចិត្តថ្លើមគ្នាសិន តែនាងមិនប្រាប់ថាបណ្ដូលចិត្តនាងនោះជាអ្នកណា ហើយជាប្រុស ឬស្រីឡើយ គ្រាន់តែបង្ហើបថានាងឃើញគេរៀបការ ចិត្តចង់តែរៀបការដែរ ៕
