ភ្នំពេញ៖តារាចម្រៀងហង្សមាសសេន យូរី ព្យាយាមរក្សារទីផ្សារចម្រៀងផ្នែកយុវវ័យនៅទ្រនុំធំប្រជុំទៅដោយតារាខ្លាំងៗ ប៉ុន្ដែនាងមិនសូវលេចធ្លោឡើយ បើទោះជាការលេងក្បាច់រាំបែបកាចៗដូចនាង ពេលនេះគ្មានគូប្រជែងយូរី ក៍ដោយ។តែយូរី បានចេញច្រៀងសម្ដែងតាមConcerts ធំៗ និងMini Concerts ជាបន្ដបន្ទាប់ទោះជាពេលនេះដល់ខែធ្លាក់ភ្លៀងទៅហើយក្ដី ។ប្រភពបានឲ្យដឹងថាតាំងពីយូរី ចែកផ្លូវថៅកែលោកជា នី ជាង២ឆ្នាំមកនេះនាងកាន់ចង្កូតឡានដោយខ្លួនឯង ពោលគឺគ្មានអង្គរក្សបេះដូងតាមការពារគ្រប់ច្រកល្ហកដូមុនទេ ។ប៉ុន្ដែបេះដូងស្រីស្អាតរូបនេះនៅទំនេរគេពិបាកជឿរព្រោះតាមព័តមានថាមានទាំងប្រុសចាស់ និងក្មេងចង់ចូលខ្លួនមកស្អំរបួសបេះដូងនាងតាំងពីស្រីស្រស់លែងជាសង្សារថៅកែម្លេះ ដែលក្នុងនោះមានទាំងពោះម៉ាយផង តែយូរី បែជាខ្លាចរអាក្នុងការផ្សារភ្ជាប់ស្នេហ៍ថ្មីនេះព្រោះតែខ្លាចដើរជាន់ដានចាស់ទៅវិញ។ប្រភពបានឲ្យដឹថាយូរី មានស្នេហ៍ថ្មីទៀតហើយ គ្រាន់តែពេលនេះនាងមិនបើកចំហ ប៉ុណ្ណោះ ព្រោះខ្លាចមិនច្បាស់លាស់ ហើយបើប្រេះឆាម្ដងទៀតនាំឲ្យមិត្តភក្ដិពេបជ្រាយ …។
សេន យូរី បានក្លាយទៅជាតារាចម្រៀងលេងក្បាច់រាំនៅហង្សមាសជំនួសនាងទេព បូព្រឹក្ស ហើយក្រៅពីហង្សមាសទម្លាក់ឲ្យនោះនាងក៍តែងតែធ្វើបទខ្លួនឯងដោយមានលោកហេង ទ្រី ប្ដីម៉ាដូណា ដឹកនាំការផលិតMV ។ប៉ុន្ដែយូរី ដែលធ្លាប់ប្រាប់ថានាងនឹងឈានទៅថតសម្ដែងដូចមិត្តរួមអាជីពដែរ នោះរហូតមកដល់ពេលនេះនាងមិនទាន់ចេញមុខតាមរឿងភាគ ឬរឿងដុំណាមួយរបស់ហង្សមាសឡើយ ។
អ្នកដឹកនាំប្រុំតន្រ្ដីនៅហង្សមាសម្នាក់(សុំមិនឲ្យដាក់ឈ្មោះ)បានប្រាប់អ្នកយកព័តមានយើងថ្មីៗនេះថាពេលនេះតម្លៃខ្លួនយូរី ស៊ីថ្លៃជិត២ពាន់ដុល្លារក្នុង១កម្មវិធី ហេតុនេះអាចមានលទ្ធភាពទិញផ្ទះ និងរថយន្ដបានជិះដោយខ្លួនឯង ព្រោះ១ឆ្នាំៗរកបានម៉ឺនដុល្លារដែរ។តែលោកថាយូរី មិនស្ថិតក្នុងការឈានទៅជំនួសឱក សុគន្ធកញ្ញា ឬពេជ្រ សោភា នាពេលអនាគតឡើយ ព្រោះបទចម្រៀងរបស់នាងផ្ដោតតែលើបទញាក់ច្រើនជាងស្លូវ ហើយការលេងខ្លួន ក្បាច់រាំ ទទួលបានការចាប់អារម្មណ៍ច្រើនជាងសម្លេង ។
សេន យូរី ក្រៅពីប្ដូរម៉ូដសក់ និងសម្លៀកបំពាក់ប្លែកៗស្ទើគ្រប់ពេលនោះនាងក៍មានសាច់កាន់តែសខ្ចីទៅៗដែរនារយៈពេលចុងក្រោយនេះ ទើបនាំឲ្យប្រុសៗស្ដាយនាងជំនួសថៅកែ ។ តែយូរី ដែលធ្លាប់ប្រេះឆាស្នេហ៍មិនក្រោម៣លើកគិតត្រឹមឆ្នាំ២០២៤ នោះនាងមិនដែលបង្ហាញការឈឺចាប់ដោយសារតែស្នេហាបែកបាក់ម្ដងណាឡើយ ពោលគឺសុខចិត្តបៀមទុក្ខក្នុងឱរ៉ា តែម្នាក់ឯង រហូតមានអ្នកខ្លះថានាងមិនចេះក្វល់ពីរឿងបែកសង្សារទៀតផង ។ប៉ុន្ដែយូរី បង្ហាញអារម្មណ៍ឯកោខ្លាំង បន្ទាប់ពីបែកថៅកែ ហើយគេជឿរថានាងអាចនៅអាលោះអាល័យស្នេហាចាស់ទើបពន្យាពេលបញ្ចេញមុខគូស្នេហ៍ថ្មីនាពេលនេះបើទោះជាមានដំណឹងថាលោកថៅកែត្រូវស្រីៗកាន់តែច្រើនចោមស្នេហ៍តាំងពីបែកយូរី ក្ដី ។
ក្រៅពីយូរី តារាប្រេះឆាស្នេហ៍ហើយជ្រើសផ្លូវសាងស្នេហ៍ដោយលាក់មុខនៅឆ្នាំ២០២៤ នេះមានដូចជានាងកែវ និសា ,សុខ សោម៉ាវត្តី និងពេជ្រ សេរីរ័ត្ន ជាដើម ។គេចាំមើលថាតើយូរី នឹងលាក់មុខសង្សារថ្មីបានប៉ុន្មានឆ្នាំទៀត ?
