ភ្នំពេញ៖សុគន្ធ និសា បានធ្វើឲ្យមានការភ្ញាក់ផ្អើលខ្លាំងព្រោះតែកាលពីថ្ងៃទី២០ ឧសភា មានរូបភាពមួយសន្លឹករបស់បរកញ្ញាកម្មវិធីMiss Grand Cambodia ២០២៤ មកពីខេត្តកែបមានរូបរាងនិងត្រេមុខច្រឡំនាងតែម្ដង ។អ្នកខ្លះថានិសា ជោគជ័យក្នុងអាជីពចម្រៀងជាង១០ឆ្នាំមកហើយមិនអស់ចិត្តបែជាមកប្រកួតបវរកញ្ញាយកម្កុដវិញម្ដង ។ទន្ទឹមនិងនោះនិសា ដែលគេចាត់ទុកថាជាតារាស្រគត់ស្រគុំម្នាក់នោះគេឆ្ងល់ថាម៉េចបានជាពេលនេះនាងហ៊ានបង្ហាញសាច់ឲ្យគេឃើញព្រោះការប្រកួតបវរកញ្ញាគេចមិនផុតពីបង្ហាញឈុតប៊ីគីនីឡើយ ។ភ្លាមៗនោះនិសា ថាទូរស័ព្ទរបស់នាងចង់ផ្ទុះទៅហើយព្រោះមានគេឆាតសួរនាំរឿងទៅប្រលងបវរកញ្ញានេះច្រើនពេក ទើបនាងឆ្លើយចាក់បណ្ដោយថា”សុំលាក់សិន “ ។ប៉ុន្ដែរំលងបានមួយថ្ងៃនិសា ក៍ចេញមុខបំភ្លឺនៅថ្ងៃទី២១ ឧសភា ថាដោយនាងទទួលស្គាល់ថារូបបេក្ខភាពមួយប៉ុស្ដិ៍នោះនិងរូបនាងមើលទៅដូចភ្លោះ ។ប៉ុន្ដែនាងថាក្នុងចំណោមរូបទាំងពីរនោះ១ជារូបនាងពិត និង១ទៀតមិនមែនជារូបនាងឡើយ ។និសា បានឆ្លើយតបចំពោះម្ចាស់ហ្វេសបុកឈ្មោះLeng Mouykun អ្នកខមិន ថាស្មានតែនាង ទៅប្រលងបវរកញ្ញា នោះដោយអះអាងថានាងមិនអាចប្រលងបវរកញ្ញាបានទេ ព្រោះនាងតឿ មិនមែនខ្នាត miss ឡើយ។ដោយឡែកហ្វេសបុកឈ្មោះPu Rethsk ខមិនថា បេក្ខភាពនោះអត់ស្រដៀងនោះទេ ព្រោះនិសា ស្អាតជាងដាច់ តែភ្លាមៗនោះនិសា តបវិញថាគេស្អាតបែបបវរកញ្ញា។
គួររំលឹកថាសុគន្ធ និសា ទោះជាមានសម្រស់តូចច្រឡឹងគួរឲ្យក្នក់ក្នាញ់មិនចាញ់តារាសម្ដែងអាជីពមែន ប៉ុន្ដែនាងមិនដែលប្រលងប្រជែងផ្នែកសម្រស់នោះទេ។តែកាលពីចុងឆ្នាំ១៩៩៩ និសា ធ្លាប់ទទួលបានចំណាត់ថ្នាក់លេខ១ ពីការប្រលងចម្រៀងឆ្លងសហ្សវត្សនៅខេត្តក្រចេះ ដែលធ្វើឲ្យនាងក្លាយទៅជាតារាចម្រៀងប្រចាំក្រុមតន្រ្ដីវប្បធ័មខេត្តក្រចេះ មុនពេលមកចាប់អាជីពច្រៀងនៅភ្នំពេញឆ្នាំ២០០០ ។តារាវ័យ៤១ឆ្នាំ រូបនេះបានតស៊ូក្នុងអាជីពរយៈពេលជាង២០ឆ្នាំមកហើយទើបបច្ចុប្បន្នបានឈានដល់ចំណុចកំពូល បើទោះជាប៉ុន្មានឆ្នាំចុងក្រោយនេះនាងមិនសូវមានបទល្បីលេចធ្លោដូចមុនក្ដី ប៉ុន្ដែនិសា នៅតែស្ថិតក្នុងចំណោមតារាស្រីជូរមុខរបស់ហង្សមាសនៅឡើយ ។
អ្នកជំនាញសិល្បៈបានលើកឡើងថាទោះជាសុគន្ធ និសា និយាយដាក់ខ្លួនថានាងទាប ស្ទើកំពស់បន្ដិចមែន ប៉ុន្ដែបើនិសា មិនមានភាពទាក់ទាញទេ ម្លេះនាងមិនអាចមានឱកាសធ្វើជាBAក្រុមហ៊ុនធំៗជាបន្ដបន្ទាប់នោះទេ។គេថាសម្រស់នាងអាចប្រលងបវរកញ្ញាបានបើសិនជានាងមានការតាំងចិត្តមុនពេលដែលរៀបការប្ដីកាលពីឆ្នាំ២០១៧ នោះ។
ក្រៅពីសុគន្ធ និសា តារាចម្រៀងដែលមានប្ដីហើយតែនៅរក្សារសម្រស់បានផូផង់ និងមិនសូវបែកសាច់មានដូចជានាងពេជ្រ សូលីកា ,សារ៉ាយ សក្ខណា និងហ៊ិន ច័ន្ទនីរ័ត្ន ជាដើម ។ ប៉ុន្ដែជុំវិញអាថ័កំបាំងដែលនិសា នៅក្មេងជាងវ័យបែបនេះ ដោយសារតែនាងមានហាងគ្លីនិករក្សារសម្រស់ផ្ទាល់ខ្លួន ហេតុនេះនិសា អាចនៅតែប្រជែងទីផ្សារចម្រៀងបានតទៅទៀត ប្រសិនបើនាងមានបទថ្មីៗចេញសម្រុកបានច្រើនជាងនេះ ព្រោះការមិនឡើងគីឡូ មិនសូវបែកសាច់ ជាចំណុចសំខាន់មួយរបស់នាងក្នុងការរក្សារលំនឹងក្នុងអាជីព។ប៉ុន្ដែបញ្ហាធំដែលនាងត្រូវសម្រេចឲ្យបាននៅឆ្នាំ២០២៤ នេះមិនមែនជាចម្រៀងឡើយ តែជាការពពោះយកកូនទី១ឲ្យបានដូចបំណងស្វាមី ក្រោយនាងបរាជ័យរឿងយកកូនអស់រយៈពេល៣ឆ្នាំមកហើយ ហេតុនេះគេចាំមើលថានៅរដូវធ្លាក់ភ្លៀងនេះនិសា ដែលស្បើយពីការងារសិល្បៈនឹងយកកូនង៉ាបានដូចចិត្តដែរ ឬអត់ទៀត ?
