ភ្នំពេញ៖តារាចម្រៀងលោកប៉ុន សុណារិន ហៅខេម ត្រូវបានភរិយាលោកអ្នកនាងស្រីកា ធ្វើខួបកំណើតឲ្យគម្រប់អាយុ៣៩ឆ្នាំ កាលពីថ្ងៃទី១៥ ឧសភា ដែលក្នុងនោះសារភាគច្រើនជូពរលោកសុណារិន ពីអ្នកគាំទ្រលោកតាមបែបគ្រីស្ទាន ដូចជាពាក្យ”សូមឲ្យព្រះប្រទានពរដល់ខេម”… ព្រោះលោកខេម បានកាន់គ្រីស្ទាន ជាច្រើនឆ្នាំមកហើយ។ជាមួយគ្នានេះដែរខួបឆ្នាំនេះក៍មានFan ជាច្រើនចង់ឃើញលោកខេម រៀបការប្រពន្ធដោយចំហ ដូចលោកគួម៉ា ដែរ ក្រោយលោកខេម បានបង្ហាញសញ្ញាចង់រៀបការដូចសិស្សប្អូនកាលពីថ្ងៃទី៣ ខែឧសភា នោះ។ប៉ុន្ដែទាំងលោកសុណារិន និងអ្នកនាងកា អត់បានឆ្លើយតបដោយសន្យាថាពួកគេនឹងចូលរោងការនៅថ្ងៃណាឲ្យពិតប្រាកដនោះទេ ខណៈដែលក្នុងជំនួបជាមួយអ្នកយកព័តមានយើងនាពេលកន្លងមកលោកខេម តែងនិយាយដដែលៗថានឹងមិនពន្យាពេលរៀបការយូឆ្នាំទៀតទេ ពោលគឺអាចនឹងរៀបចំឆាប់ៗ ព្រោះលោកយល់ថាមិត្តភក្ដិលោកគេបានការប្រពន្ធជាបន្ដបន្ទាប់អស់ទៅហើយ ។
ខេម បានភ្ជាប់ស្នេហាជាមួយអ្នកនាងស្រីកា ជាអាណិកជនខ្មែរនៅបារាំង រយៈពេលជិត១០ឆ្នាំមកហើយដែលពេលនេះកំពូលស្នេហារបស់លោកកំពុងរស់នៅខ្មែរជាមួយលោកហើយជាទម្លាប់ក្នុង១ឆ្នាំលោកដឹកដៃប្រពន្ធទៅដើរកម្សាន្ដនៅអ៊ឺរ៉ុប ម្ដងដែលមានរយៈពេលជាង១ខែទើបវិលវិញ។ប្រភពបានឲ្យដឹងថាលោកខេម និងស្រីកា សុទ្ធតែចង់បានកូនដូចគ្នា ប៉ុន្ដែបញ្ហាធំពួកគេចេះតែលើកពេលរៀបការជាបន្ដបន្ទាប់ទើបនាំឲ្យលោកលោកសុណារិន បានត្រឹមតែបីកូនគេប្រលែងលេងប៉ុណ្ណោះ ។លោកខេម ក៍ធ្លាប់បំភ្លឺរឿងគេសង្ស័យថាលោកមានកូន២នាក់នោះគឺជារឿងមិនពិតព្រោះក្មេងស្រីនោះជាកូនក្មយលោកនៅបារាំង ចំណែកក្មេងប្រុសនោះជាកូនមេលោក(ឡេង ណាវ៉ាត្រា)ទេ ហេតុនេះលោកមិនទាន់មានកូន១គ្រាប់ឡើយ។
សូមបញ្ជាក់ថាតាំងពីឈរជើងនៅGalaxy ជាង៥ឆ្នាំនេះលោកខេម បានលេចធ្លោខ្លាំងតែឆ្នាំដំបូងប៉ុណ្ណោះ ប៉ុន្ដែជាង៣ឆ្នាំចុងក្រោយនេះលោកហាក់នៅទ្រឹងពោលគឺតាំងពីការមកដល់របស់លោកព្រាប សុវត្ថិ នៅឆ្នាំ២០២០ ម្លេះ ហើយពេលនេះលោកសុណារិន មិនមែនតែពិបាកប្រជែងជាមួយលោកឧកញ៉ាស្នាយ នោះទេ តែលោកក៍ពិបាកទប់ទល់ជាមួយលោកខែម ប៊ុនថៃ ដែលមានបងប្រុសរបស់ខ្លួនជាអ្នកនិពន្ធបទចម្រៀងឲ្យច្រៀងនោះដែរ ។តែលោកខេម ធ្លាប់ប្រាប់អ្នកយកព័តមានយើងថាលោកមានក្ដីសុខជាមួយGalaxy ព្រោះថៅកែផលិតកម្មនេះនិងលោករាប់អានគ្នាដូចជាបងប្អូន ហើយលោកមិនដែលចាត់ទុកលោកព្រាប សុវត្ថិ ជាឆ្អឹងទទឹងកឡើយ ។
អ្នកជំនាញសិល្បៈបានលើកឡើងថាទោះជាGalaxy ទិញតារាប្រុស១០នាក់ចូលទៀតក៍មិនប៉ះពាល់ដល់ទីផ្សារចម្រៀងរបស់លោកខេម ដែរព្រោះលោកមានចំណុចពិសេសគឺច្រៀងស្អក តែពិរោះដែលតារាផ្សេងៗទៀតពិបាកផ្ដួល។បើទោះជាមានការលើកឡើងបែបនេះក្ដី ក៍គេសង្កេតឃើញថាលោកខេម បច្ចុប្បន្នមិនមែននៅលើព្រាប សុវត្ថិ និងខេមរៈ សិរីមន្ដ នោះទេ ពោលគឺលោកអាចជាប់លេខ៣ ឯណ្ណោះនៅGalaxy ។
Fan ចាំមើលថាលោកខេម នឹងបន្ដសាងស្នេហាបែបអ៊ឺរ៉ុប តទៅទៀត ឬមួយក៍លោកក្លាហានហ៊ានដឹកដៃភរិយារៀបការដូចគួម៉ា នៅឆ្នាំ២០២៤ នេះដែរ ?
ក្រៅពីខេម តារាដែលមានប្រពន្ធច្រើនឆ្នាំតែមិនហ៊ានរៀបការដោយបើកចំហមានដូចជាលោកខេមរៈ សិរីមន្ដ ,ម៉ៅ ហាជី និងថែល ថៃ ជាដើម ៕
