ភ្នំពេញ៖ស្រីស្រស់ប៉ាច គីមមួយ បានចេញពីហង្សមាសហើយ នេះបើតាមការអះអាងពីតារារួមទ្រនុំជាមួយគីមមួយ បង្ហើបប្រាប់កាលពីពេលថ្មីៗនេះ។ដំណឹងគីមមួយ ដើរចេញពីហង្សមាសនេះបន្ទាប់ពីនាងបានជ្រកនៅផលិតកម្មមួយនេះរយៈពេល១០ឆ្នាំមកហើយ នឹងមិនបន្ដច្រៀងនៅឆ្នាំទី១១ នោះទេ ព្រោះតែលែងមានបទច្រៀង ដោយសារតែតារាហង្សមាសកាន់តែមានចំនួនច្រើន ឡើងគរជើងគ្នា។
ប៉ាច គីមមួយ មិនលើកទូរស័ព្ទឡើយ កាលពីរសៀលថ្ងៃទី២០ មករា ទើបមិនទាន់អាចសុំការបំភ្លឺរឿងនាងចាកចេញពីហង្សមាសនេះទេ ។ដោយឡែកលោកសយ រតនៈ ជាគូស្នេហ៍ថាលោកមិនអាចនិយាយជំនួសអូន គីមមួយ បានទេ ព្រោះជារឿងផ្ទាល់ខ្លួននាង។យ៉ាងណាតាមព័តមានថាគីមមួយ ច្រៀងអត់កុងត្រារយៈពេល៥ឆ្នាំមកហើយនៅហង្សមាស មុនពេលនាងចាកចេញ។
ប៉ាច គីមមួយ អតីតបេក្ខភាពThe Voice Cambodia រដូវកាលទី១ បានល្បីគួរសមអំឡុងពេលនាងជ្រកនៅហង្សមាស ពិសេសបានច្រៀងនិងសម្ដែងជាមួយលោកព្រាប សុវត្ថិ មានដូចជាបទ«មាន់ស្រែ បន្លែស្រស់ » និងបទ«កាឌឹបៗដាក់ »ជាដើម ។
ប៉ុន្ដែក្រោយចាកចេញពីហង្សមាសថ្មីៗនេះគេឃើញគីមមួយ ទើបចេញបទផលិតដោយក្រុមការងាររបស់នាងហើយមានគូស្នេហ៍នៅក្រោយខ្នងគាំទ្រ បាន២បទគឺ«នារីFull Option » និងបទ«Moon light » ដែលមានការគាំទ្រមធ្យម ។
គួរបញ្ជាក់ថាមិនមែនតែប៉ាច គីមមួយ ដែលអស់និស្ស័យជាមួយហង្សមាសនៅឆ្នាំ២០២៥ នេះទេ តែមានតារាស្រីល្បីៗជាច្រើនបានដើរចេញជាបន្ដបន្ទាប់ក្នុងនោះមានដូចជានាងពេជ្រ សោភា ,វី ឌីណែត ,រ៉េត ស៊ូហ្សាណា និងពេជ្រ សូលីកា ជាដើម ខណៈដែលគីមមួយ នៅបន្ដឡើងឆាកហង្សមាសជាធម្មតាដូចមុន ហើយពេលនេះនាងចាប់ដៃជាមួយកំពូលស្នេហាលោកសយ រតនៈ តែម្ដង បន្ទាប់ពីពួកគេបានក្លាយទៅជាគូដណ្ដឹងគ្នាតាំងពីថ្ងៃទី១ ខែ៧ ឆ្នាំ២០២២ ។ប៉ុន្ដែគីមមួយ បានឆាចោលមង្គលការនៅឆ្នាំ២០២៤ ដោយគ្មានមូលហេតុ ខណៈដែលកាលពីថ្ងៃទី១៩ ខែ១ គីមមួយ បានប្រកាសប្រាប់មិត្តភក្ដិទាំងឡាយរបស់នាងថាសូមមេត្តាឈប់សួរនាងរឿងរៀបការទៅ …។ការវាចាបែបនេះរបស់ស្រីស្រស់គីមមួយ ព្រោះតែនាងចង់រៀបការដោយមិនឲ្យគេដឹងមុន ដើម្បីឲ្យFan ភ្ញាក់ផ្អើល(Surprise) ទើបតារាកូន កាត់ ចិន មិនអាចធ្វើដូចទេព បូព្រឹក្ស-ងួន ចាន់ដេវីត ដែលប្រកាសដឹកដៃគ្នាចូលរោងការនៅថ្ងៃទី៧ ខែ៦ ឆ្នាំ២០២៥ នោះបានឡើយ ។ចំណែកលោករតនៈ វិញធ្លាប់ប្រាប់អ្នកយកព័ត មានយើង ថាទោះជាមិនកំណត់ថ្ងៃរៀបការមែន តែរវាងលោកនិងអូនគីមមួយ សព្វថ្ងៃរស់នៅក្រោមដំ បូលតែមួយទៅហើយ និងគ្មានផែនការណ៍យកកូនមុនរៀបការទេ ។
ក្រៅពីប៉ាច គីមមួយ តារាបង្ហាញគូស្នេហ៍ជាចំហតែមិនច្បាស់ថ្ងៃរៀបការមានដូចជាអ្នកនាងយុគ ចិន្ដា ,ពេជ្រ សោភា ,ម៉ង់ ច័ន្ទកញ្ញា ,ម៉ា នីកា,ឈិន ម៉ានិច្ច, និងឈិន មុនីនាថ ជាដើម ៕
