ភ្នំពេញ៖ឈិន ម៉ានិច្ច ច្រៀងឲ្យហង្សមាស៨ឆ្នាំហើយ ដែលតាំងពីមានឈ្មោះបោះសម្លេងមកបាត់ឈ្មោះបុរសម្នាក់ដែលធ្លាប់តែជូននាងទៅប្រលង និងឡើងតាមឆាកតន្រ្ដីកាលពីឆ្នាំ២០១៦នោះឈឹងតែម្ដង ខណៈដែលនៅថ្ងៃមង្គលការនាងសុភ័ក្រ កុសុម៉ា កាលពីថ្ងៃទី៤ ខែ១១ ឆ្នាំ២០២៤ ម៉ានិច្ច បណ្ដើរបុរសថ្មីដែលគេជឿថាជាគូស្នេហ៍នាងនោះបង្ហាញមិត្តភក្ដិឲ្យឃើញមួយប្រាវក៍ស្ងាត់ទៅវិញជាង២ខែនេះ ។មានការសង្ស័យថាម៉ានិច្ច អាចនឹងបង្អួតសង្សារមួយភ្លែតដើម្បីបញ្ឈឿបុរសទ្រព្យស្ដុកម្នាក់ដែលជាមន្រ្ដីធំ តាមស្នេហានាងតាំងពីក្រោយនាងលើកពាន ព្រោះបុរសនោះមានស្រីស្នេហ៍ក្មេងស្អាតៗជាច្រើនដួង ទើបនាងគេចចេញហើយប្រុសនោះនៅតែតាមរំខាននាង។ប្រភពបានឲ្យដឹងថាបុរសតាមប្រម៉ាញ់បេះដូងនាងម៉ានិច្ច នោះក៍ជាអតីតគូស្នេហ៍តារាចម្រៀងល្បីឈ្មោះម្នាក់របស់ហង្សមាសដែរ ទើបនាងស្រីពេជ្រ និងតារាស្រីរូបនោះមិនដែលនិយាយរកគ្នាឡើយ អំឡុងពេលពួកគេច្រៀងក្រោមដំបូលហង្សមាសនោះ ។
ថ្វីត្បិតតែនាងឈិន ម៉ានិច្ច មិនបានបង្ហាញសញ្ញាភ្ជាប់ស្នេហាជាមួយបុរសវ័យចំណាស់មានអំណាចម្នាក់នោះមែន ប៉ុន្ដែគេកត់សម្គាល់ថាក្រោយលើកពានCambodian Idol រដូវកាលទី២ កាលពីឆ្នាំ២០១៦ នាងមានការផ្លាស់ប្ដូរជីវភាពសឹងតែមិនគួរឲ្យជឿ។ម៉ានិច្ច ទិញបានផ្ទះ ១ល្វែង ,ជិះរថយន្ដJeep Rubicon និងបើកហាង Manich Beauty Spa នៅក្បែផ្សារចាស់ ដែលគេសន្និដ្ឋានថានាងសល់ទ្រព្យនិងមានលុយធ្វើអាជីវកម្មមិនក្រោមកន្លះលានដុល្លារឡើយ បើទោះជានាងមិនមែនជាតារាដែលត្រូវប៉ាន់បំផុតចេញច្រៀងConcerts ធំៗច្រើនក៍ដោយ ។ប៉ុន្ដែ តាមរយៈការចេញច្រៀងតាមក្រុមហ៊ុនAgency និងឆាកហង្សមាស រួមទាំងការចេញទៅច្រៀងសម្ដែងនៅក្រៅស្រុកនោះគេជឿថានាងម៉ានិច្ច ក៍អាចរកលុយពីអាជីពចម្រៀង៨ឆ្នាំនេះសល់លុយក៍ក្រែលដែរ ទើបការម៉ៃថានាងមានគូស្នេហ៍ផ្គត់គ្រងហាក់ស្រាលនៅឡើយ ។
ឈិន ម៉ានិច្ច (ឈិន សី្រពេជ្រ )មានទឹកដមសម្លេងពិរោះរណ្ដំ ពេលច្រៀងបទស្លូវ និងមរតកដើម ប៉ុន្ដែនាងមិនបានវិវត្តន៍ខ្លួនទៅជាតារាមានក្បាច់រាំ និងក្រុមរាំអមដើម្បីវាយលុយទីផ្សារចម្រៀងបទញាក់ដូចតារាល្បីៗដ៍ទៃទៀតឡើយ ទើបមិនសូវលេចធ្លោខ្លាំងទេ ។តែអំឡុងពេលតារាល្បីៗរបស់ហង្សមាសបានដើរចេញពីផលិតកម្មជាបន្ដបន្ទាប់នោះថៅកែហង្សមាសនៅតែរក្សារស្រីនិច្ច ហើយពេលខ្លះគេឃើញនាងងាកទៅចាប់ដៃគូជាមួយលោកនី រតនា បន្ទាប់ពីដៃគូចាស់លោកដួង វីរៈសិទ្ធ ចាកចេញ។ប្រភពបានឲ្យដឹងថានាងម៉ានិច្ច ក៍មានប្រុសនៅក្រៅស្រុកតាមចែចង់ផងដែរ អំឡុងពេលនាងទៅច្រៀងនៅបរទស ប៉ុន្ដែស្រីស្រស់ពិបាកគេចអន្ទាក់ស្នេហ៍បុរសក្នុងស្រុក ហើយបើទោះជាពេលនេះនាងលែងបណ្ដើរប្រុសសង្សារជាចំហក្ដី តែតាមព័តមានថាតារាវ័យ៣០ឆ្នាំ រូបនេះច្បាស់លាស់ជាមួយប្រុសនោះទៅហើយ ព្រោះនាងមិនចង់ធ្វើជាជំទាវលាក់មុខរបស់ប្រុសចាស់នោះឡើយ ។
អ្នកជំនាញសិល្បៈបានលើកឡើងថាឈិន ម៉ានិច្ច អាចនឹងលេចធ្លោជាងនេះប្រសិនបើនាងហ៊ានចំណាយលុយធ្វើបទផ្ទាល់ខ្លួនដូចតារាមួយចំនួនទៀត បន្ថែមពីលើហង្សមាសទម្លាក់បទឲ្យ។ប៉ុន្ដែការច្រៀងភាគច្រើនតែបទស្លូវនោះធ្វើឲ្យម៉ានិច្ច ពិបាកប្រជែងជាមួយតារាលំដាប់ជូរមុខហង្សមាស បើទោះជាពេលនេះគ្មានពេជ្រ សោភា ,សុគន្ធ និសា ,សុខ ស្រីនាង ,រ៉េត ស៊ូហ្សាណា និងពេជ្រ សូលីកា … ៕
