ភ្នំពេញ៖សុគន្ធ និសា បានចំណាយពេលដល់ទៅ១០ថ្ងៃសម្រាប់ការថតMV បែបបុរាណបទ«ម្នាក់ស្រលាញ់ ម្នាក់អាណិត »ជាខ្សែរឿង«ប្រវត្តិស្នេហារវាងឃុនឆាង ឃុនផែន និងនាងភឹមវីឡាល័យ » ដោយចាប់ដៃជាមួយលោកនីកូ និងនួន សុធារ័ក្ស ។អ្វីដែលគួរឲ្យកត់សម្គាល់និសា ទទួលបានជំនួយពីលោកណុប នីកូ និងឪពុកលោកណុប សម្បត្តិ ផងដែរសម្រាប់ការដឹកនាំMV មួយនោះដែលមានការសម្រិតសម្រាំងបំផុត។និសា ដែលរៀបការជាមួយអាណិកជនខ្មែរមកពីអាមេរិកលោកចៅ សម្បត្តិ ជាង៧ឆ្នាំអត់កូន១គ្រាប់នោះស្រាប់តែចាប់ដៃនីកូ ក្នុងMV នេះនាងបែជាមានផ្ទៃពោះទៅវិញ ខណៈដែលលោកនួន សុធារ័ក្ស ហ៊ានសម្ដែងយ៉ាងស្និតស្នាលបំផុតជាមួយនាងដូចជាយកដៃទៅប៉ះផ្ទៃពោះនាងដែលកំពុងតែមានកូនជាដើម ដោយគ្មានប្រតិកម្មពីស្វាមីរបស់និសា ឡើយ ព្រោះលោកមិនដែលប្រចណ្ឌភរិយាជាមួយតារារួមអាជីពទេ ដោយសារតែឈុតនិសា សម្ដែងMVនោះក៍គ្មានឈុតស្នេហារោលរាលខ្លាំងឡើយ ។លោកនីកូ ប្រកាសដោយសន្យាថាកំពុងចាប់ផ្ដើមគម្រោងថ្មីដែលធំជាងនេះទៀតជាមួយនិសា នាពេលដ៍ខ្លីខាងមុខនេះហើយ ។
នេះជាឆ្នាំដំបូងរបស់សុគន្ធ និសា ក្រោយនាងចាកចេញពីហង្សមាសងាកមកផលិតបទចម្រៀងដោយខ្លួនឯងហើយចាប់ដៃជាលើកទី១ ជាមួយសិស្សប្អូននីកូ ដែលធ្វើទៅតាមពេលវេលា ឬទីផ្សារ ព្រោះនីសា ធ្លាប់ប្រាប់អ្នកយកព័តមានយើងថានាងមិនចង់ច្រៀងដៃគូជាមួយតារាដែលមានអាយុតិចជាងខ្លួនឆ្ងាយឡើយ ។ប៉ុន្ដែពេលនេះនិសា បានប្ដូរចិត្តហើយ នោះគឺក្លាយទៅជាដៃគូរបស់នីកូ និងសុធារ័ក្ស ដែលពួកគេសុទ្ធតែមានអាយុនិងបទពិសោធន៍ក្នុងអាជីពចម្រៀងតិចជាងនាងដូចគ្នា ។
សូមរំលឹកថាកាលនៅហង្សមាសសុគន្ធ និសា ធ្លាប់ចាប់ដៃគូជាមួយលោកព្រាប សុវត្ថិ ,ឆន សុវណ្ណារាជ ,ណុប បាយ៉ារិទ្ធ ,រិន សាវ៉េត និងសំ សុវណ្ណារ៉ាក់ ជាដើម តែពេលផលិតបទចម្រៀងដោយខ្លួនឯងនេះនាងអាចនឹងមិនប្រកាន់ដៃគូដែលមានអាយុតិចជាងខ្លួនទៀតឡើយ ។ចំណែកតាមប្រភពថានិសា ក៍ត្រូវបានGalaxy ចង់បាននាងធ្វើជាសមាជិកដើម្បីចាប់ដៃជាមួយលោកព្រាប សុវត្ថិ ជាលើកទី២ដែរ ប៉ុន្ដែនិសា សម្រេចចិត្តផលិតបទដោយខ្លួនឯងដោយចេញបទទោលបាន២បទហើយនោះគឺបទ«ពេលខ្ញុំដូលអ្នកនៅឯណា?» និងបទ«អារម្មណ៍ចាស់ ៗ»។
តាមប្រភពពីតារាជិតដិតសុគន្ធ និសា បង្ហើបថាក្រោយអ្នកនាងប៊ុន សុគន្ធា ដើរចេញពីហង្សមាសស្វាមីនាងលោកសម្បត្តិ ចង់ឲ្យនាងផ្ដាច់ខ្លួនពីអាជីពចម្រៀងទាំងស្រុងដូចដែលលោកធ្លាប់ស្នើទៅនាងកាលពីមុនឆ្នាំ២០១៧ ដែរ ។ប៉ុន្ដែនិសា ដែលបានតស៊ូលក្នុងអាជីពចម្រៀងជិត២០ឆ្នាំមកនេះនាងមិនអាចបោះបង់អាជីពចាស់ត្រឹមនាងមានអាយុ៤១ឆ្នាំនេះបានទេ ទើបស្វាមីបានសម្របខ្លួនតាមនាងគ្រប់បែបយ៉ាង ព្រមទាំងមិនចេះហួង ហែង ឬប្រចណ្ឌនាងជាមួយតារាប្រុសជាដៃគូទៀតផង ។អ្វីដែលគូឲ្យចាប់អារម្មណ៍ផងដែរ និសា ដែលដាក់គម្រោងយកកូនង៉ាតាំងពីឆ្នាំ២០២១ នោះពេលនេះនាងនៅតែគ្មានកូន១គ្រាប់បន្ដពូជ តែថតMV ត្រឹម១០ថ្ងៃបែជាមានផ្ទៃពោះលឿនហួសការរំពឹងទុកទៅវិញ ។Fan ចង់ឲ្យនិសា ឆាប់សម្រេចបំណងធំគឺយកកូនដំបូងឲ្យបានរហ័ស្សដូចនាងថតMV ព្រោះប្រសិនបើនៅថ្ងៃខួបអាពាហ៍ ពិពាហ៍ គម្រប់៨ឆ្នាំខាងមុខនាងនៅតែមិនអាចយកកូនបានទៀត នោះចំណងស្នេហានាងមិនសូវកក់ក្ដៅឡើយ ព្រោះមិត្តភក្ដិជិតដិតនាងបំផុតឱក សុគន្ធកញ្ញា រៀបការក្រោយនាងជាង២ឆ្នាំពេលនេះបានកូនប្រុស២នាក់បាត់ទៅហើយ ៕
