ភ្នំពេញ៖ថុល សុភិទិ បានជ្រកនៅហង្សមាសជាង២ឆ្នាំ ពេលនេះតារាលេងម៉ូដសាក់រូបនេះបានទៅជ្រកនៅផលិតកម្មGenMusix ជាសាខាហង្សមាសដែលនៅទីនោះមានតែតារាចម្រៀង២នាក់គត់គឺលោកStep និងនាងSK ក្រោយបើកតំណើរការតាំងពីថ្ងៃទី១៩ ខែកញ្ញា ឆ្នាំ២០២៣ ។
ថុល សុភិទិ បានប្រកាសថាលោកត្រៀមខ្លួនរួចរាល់ហើយក្នុងជំហ៊ានថ្មី និងចាត់ទុកថានោះជាពេលវេលាដែលលោកចាប់ផ្ដើមបានមកដល់។ប៉ុន្ដែគេមិនដឹងថាសុភិទិ ធ្វើបទចម្រៀងបន្ថែមពីផលិតកម្មដាក់ឲ្យច្រៀង ឬយ៉ាងណាទេ ព្រោះនាងSK ដែលច្រៀងនៅទីនោះជាង១ឆ្នាំ បានចេញត្រឹមតែ៣បទប៉ុណ្ណោះ បើទោះជាមានលោកStep នៅក្រោយខ្នងក្ដី ។
មានការលើកឡើងថាថុល សុភិទិ អាចនឹងក្លាយទៅជាគូប្រជែងថ្មីរបស់លោកStep ដែលជាតារាមានឥទ្ធិពលរបស់ផលិតកម្មថ្មីនេះ ហើយភិទិ ក៍គេចមិនផុតពីការចាប់ដៃគូជាមួយស្រីស្អាតសាច់សខ្ចីនាងSK បានដែរ ព្រោះនាងមិនអាចចាប់ដៃតែជាមួយម្ចាស់ស្នេហាលោកStep តែម្នាក់ គ្រប់ពេលឡើយ ។ប្រសិបើសុភិទិ ហ៊ានតែស្និតស្នាលជាមួយនាងSK ដែលជាសង្សាររបស់លោកStep នោះច្បាស់ជាអ្នកមេម៉ាយឡុង ម៉ានីន ជាគូស្នេហ៍លោកឆេះដុំដូចពេលភិទិ លេងឈុតថើបមាត់នាងអ៊ីងអ៊ីង ជាមិនខាន ដែលពេលនោះអ្នកគ្រប់គ្រងផលិតកម្មច្បាស់ជាឈឺក្បាល ។
សូមរំលឹកថាថុល សុភិទិ ជាបេក្ខភាពលេចធ្លោកម្មវិធីCambodian Idol រដូវកាលទី៤ តែមិនអាចលើកពានបានព្រោះលីម តិចម៉េង យកឈ្នះនៅវគ្គផ្ដាច់ព្រ័ត្រកាលពីថ្ងៃទី២៨ ខែកញ្ញា ឆ្នាំ២០២២ ។កូនមន្រ្ដីធំផ្កាយ២រូបនេះក៍ធ្លាប់ស្និតស្នេហ៍អ្នកមេម៉ាយពេជ្រ សូលីកា ១ប្រាវដែរ តែក្រោយមកលោកសម្រេចចិត្តទៅភ្ជាប់ស្នេហាជាមួយមេម៉ាយកូន១សាច់សខ្ចីនាងម៉ានីន ដោយមានគម្រោងដឹកដៃគ្នាចូលរោងការទៀតផង ក្រោយថតPre_ wedding រួច។តាមព័តមានថាភិទិ ចេះជំនាញតន្រ្ដីមិនចាញ់លោកStep នោះទេ ហេតុនេះការដណ្ដើមភាពលេចធ្លោរវាងតារាទាំង២នឹងក្ដៅគគុកពេលរួមទ្រនុំជាមួយគ្នានៅឆ្នាំ២០២៥ ។ប៉ុន្ដែFan មួយចំនួនលើកឡើងថាភិទិ អាចនឹងពិបាកសង្ឃឹមដូចកាលនៅហង្សមាស ព្រោះGenMusix មិនសម្រុកចេញបទចម្រៀងញឹកនោះទេ គឺយូៗទើបឃើញបទថ្មី១ ។បញ្ហានេះលោករ៉េ(Ray) អ្នកគ្រប់គ្រងGenMusix ធ្លាប់ប្រាប់អ្នកយកព័តមានយើងថាផលិតកម្មនេះសុខចិត្តចេញយឺតដើម្បីយកគុណភាព ប្រសើរជាងចេញលឿនយកតែបរិមាណ ។
ថុល សុភិទិ ត្រូវបានមហាជនចាប់អារម្មណ៍ក្រោយរូបគេច្រៀងCover បទ«មិនអាចឃាត់ទេ» ដែលជាសំនៀងដើមរបស់លោកម៉ម ពេជ្ជរិទ្ធ ទៅប្រលងចម្រៀងCambodian Idol រដូវកាលទី៤ ធ្វើឲ្យគេស្គាល់រហូតដល់សព្វថ្ងៃ ។តារាចម្រៀងរូបនេះទោះជាបរាជ័យលើកពានមែន តែលោកមានទីផ្សារចម្រៀងដោយចេញច្រៀងConcerts ធំៗជាបន្ដបន្ទាប់មុនចូលGenMusix ខណៈគូស្នេហ៍លោកមេម៉ាយសាច់ដូចបណ្ដូលចេកតាមជាប់សឹងគ្រប់ជំហ៊ាន ។
ក្រៅពីថុល សុភិទិ តារាដែលជ្រើសប្រពន្ធជាស្រី្ដមេម៉ាយមានដូចជាលោក,ស៊ុក សុភា ,ជា វិបុល ,អ៊ិន សុបញ្ញា ហៅផាណូ ,ណាខុន ,ប៉ែន ភ័ក្រ្ដសុធារិទ្ធ និងរស់ រាជសាល ជាដើម ៕
