ភ្នំពេញ៖ព្រះនាងតូចនរោត្តមជេនណា នឹងបង្ហាញខ្លួនក្នុងកម្មវិធីបង្ហាញម៉ូដក្នុងកម្មវិធីដ៍ធំមួយមានឈ្មោះ ថាកាលកិន វិស្ណុលោក (Vishnu Lok Floral Essence )ដែលរៀបចំនៅសណ្ឋាគាOakwood Premier Phnom Penh នៅថ្ងៃទី៦ ខែមេសា ឆ្នាំ២០២៥ ខាងមុខនេះ ដែលលើកនេះព្រះនាងមិនមែនទៅច្រៀង ឬទៅធ្វើជាBA ដូចលើកមុនៗនោះទេ ប៉ុន្ដែគឺទៅដើរបង្ហាញម៉ូដ ជាលើកដំបូងក្នុងអាជីពក្នុងឈុតមានឈ្មោះថា«ទេពធីតាព្កុលមាស »ដែលជាតួធំក្នុងកម្មវិធីបិទឆាកតែម្ដង។
លោកអូលីវ៉ា គង់ ជាអ្នករៀបចំកម្មវិធីនិងច្នៃម៉ូដដ៍ល្បី ហើយជាម្ចាស់ប្រេនKalkin បានប្រាប់ថាកាលកិន វិស្ណុលោក (Vishnu Lok Floral Essence ) ជាលើកដំបូងដែលវត្តមានព្រះនាងដើរបង្ហាញម៉ូដ ព្រោះគេធ្លាប់តែឃើញព្រះនាងច្រៀង សម្ដែង តែលើកនេះ គឺត្រឡប់មកបែបទស្សនីយ៍ភាពថ្មីមួយ គឺគាត់ដើរបង្ហាញម៉ូដសម្លៀកបំពាក់ឲ្យកម្មវិធីរបស់លោកមុនគេនៅស្រុកខ្មែរ។លោកអូលីវ៉ា គង់ បន្ថែមថាលោកជាអ្នកគោរពព្រះវិស្ណុ ព្រោះថ្ងៃមួយពេលដែលលោកបាក់ទឹកចិត្ត បាត់បង់គ្រប់យ៉ាងពេលហ្នឹងលោកបានទៅបួសរយៈពេល១អាទិត្យ សមាធិនៅអង្គរវត្ត លោកបានស្វែងរកខ្លួនឯងឃើញ ហេតុនេះលោកបានគោរពព្រះវិស្ណុ ក៍ជ្រើសរើសអវត្ថា ឈ្មោះKalkin ដើម្បីជាប្រេនរបស់លោក។
ទាក់ទងរឿងព្រះនាងតូចជេនណា ត្រៀមដើរបង្ហាញម៉ូដនោះលោកអូលីវ៉ា គង់ បន្ថែមថាព្រះនាងនឹងបង្ហាញខ្លួនជាម៉ូដែលលើកទី១ បង្ហាញពីប្រេនKalkin ជាឈុតធំមួយដើរម៉ូដបិទកម្មវិធីចុងបញ្ចប់តែម្ដង ។លោកបានអះអាងដែរដោយសារតែព្រះនាងធ្លាប់ថតរឿង«ទេពធីតា ព្កុលមាស »អីចឹងលោកបានDesign ជូនព្រះនាងគ្រងឈុតព្កុលមាសដើម្បីឲ្យលោកបានយករូបព្រះនាងដាក់នៅក្រមមុខនៃសៀវភៅដែលលោកបានបង្កើត។លោកអូលីវ៉ា គង់ បានឲ្យដឹងដែរថាដោយសារតែលោកជាគ្រូបង្ហាត់ដើរម៉ូដ ហេតុនេះលោកផ្ទាល់ជាអ្នកហ្វឹកហាត់ព្រះនាងដើរម៉ូដ ហេតុនេះលោកនឹងបង្រៀនទ្រង់ពីFashion Show ប្រហែលត្រឹមតែ៣ថ្ងៃប៉ុណ្ណោះ ព្រោះថាព្រះនាងមានដុង មានទេពកោសល្យខ្លាំង មិនថារាំ ច្រៀង សម្ដែង ហេតុនេះលោកគិតថាដើរម៉ូដគឺងាយស្រួលសម្រាប់ព្រះនាង ព្រោះព្រះនាងមានទំនុកចិត្តរួចទៅហើយ ចឹងទោះជាលោកបង្រៀនតែត្រឹមមួយថ្ងៃក៍ព្រះនាងធ្វើបានដែរ ដោយសារតែព្រះនាងពូកែ និងឆ្លាតណាស់ ។លោកបន្ថែមថាមូលហេតុដែលលោកជ្រើសឈុត«ទេពធីតាព្កុលមាស »ជូនព្រះនាងដោយសារតែព្រះនាងបានថតរឿងរឿងនេះ ហើយលោកបានដកស្រង់ពីផ្កាខ្មែរ ហេតុនេះលោកគិតថាតួអង្គព្រះនាងគឺជាតួអង្គតំណាងឲ្យ«ផ្កាក្ពុលមាស» ។
គួរបញ្ជាក់ថាព្រះនាងនរោត្តមជេនណា មានព្រះជន្មទើបតែ១៣ ព្រះវស្សា ទេ តែព្រះនាងបានក្លាយទៅជាតារាចម្រៀង និងសម្ដែងតាំងពីនៅតូចដោយធ្លាប់ថតសម្ដែងភាពយន្ដជាច្រើនមកហើយដូចជារឿង«ទេពធីតាព្កុលមាស » ,«នគរមាស »,«បណ្ដាសានាងរាត្រី »ជាដើម ខណៈចម្រៀងវិញព្រះនាងល្បីបទ«ដួងច័ន្ទ» ។
លោក អូលីវ៉ា គង់ បានឲ្យដឹងថាក្រៅពីវត្តមានព្រះនាងតូចជេនណា ព្រឹត្តិការណ៍នោះក៍មានតារាបង្ហាញម៉ូដចំនួន៣៥រូបផ្សេងទៀតដែរ ដែលមានការចូលរួមទាំងភ្ញៀវជាតិ និងអន្ដរជាតិ ។លោកថាការដើរម៉ូដរបស់ព្រះនាងជេនណា លើកដំបូងនឹងជាទីទាក់ទាញខ្លាំងសម្រាប់អ្នកទស្សនានៅថ្ងៃនោះ ។
សូមបញ្ជាក់ថាព្រឹត្តិការណ៍កាលកិន វិស្ណុលោក (Vishnu Lok Floral Essence ) ក៍មានការចុះអនុស្សរណៈ (MOU )រវាងលោកអូលីវ៉ា គង់ និងMr-Sim ផងដែរដើម្បីចាប់ដៃគ្នាបង្កើតកម្មវិធីទៅដោយរលូនតាមការគ្រោងទុកតាមរយៈSponsor ពីនាឡិកានាំចូលពីប្រទេសស្វីស Ice –Watch ។
កញ្ញាឧស្សាហ៍ ជាអ្នកបង្ហាញម៉ូដម្នាក់ត្រៀមបង្ហាញខ្លួននៅថ្ងៃទី៦ ខែមេសា ឆ្នាំ២០២៥ បានឲ្យដឹងថាថាខ្លួនចាប់អាជីពជាអ្នកដើរម៉ូដ៥ឆ្នាំមកហើយ មានអារម្មណ៍រំភើបដែលបានចូលរួមកម្មវិធីFashion Show ដែលកម្មវិធីនោះនឹងអស្ចារ្យ ព្រោះថាមានDesigner លោកអូលីវ៉ា ជាអ្នកដឹកនាំ ជាមួយសម្លៀកបំពាក់ច្នៃពីវប្បធ័មខ្មែរយើង ។ចំណែកកញ្ញាគង់ ផល្លា ជាម៉ូដែលម្នាក់ដែរបានឲ្យដឹងថានាងមានអារម្មណ៍រំភើបខ្លាំងដែលនាងត្រូវបានជ្រើសឲ្យដើរម៉ូដក្នុងព្រឹត្តិការណ៍ដ៍ធំនោះពិសេសគឺសប្បាយចិត្តណាស់ដែលដឹងថាមានការអញ្ជើញចូលរួមពីព្រះនាងជេនណា ដោយផ្ទាល់តែម្ដង៕
