Thursday, April 3, 2025
Homeតារាខ្មែរយុគ ចិន្ដាៈ បើករីសត នៅកោះកុង

យុគ ចិន្ដាៈ បើករីសត នៅកោះកុង

ភ្នំពេញ ៖ អ្នកនាងយុគ ចិន្ដា ដែលរយាលពីការងារសិល្បៈ និងមិនទាន់ឃើញមានផលិតកម្មវិធីថ្មីៗឲ្យ CTN នោះ តាមព័តមានថា នាងកំពុងជាប់ដៃសាងសង់រីសត (Resort) ដ៏ធំមួយ នៅស្រុកស្រែអំបិល ខេត្តកោះកុង ដាក់ទុនធំរួមគ្នាជាមួយគូស្នេហ៍របស់នាង ។ ប្រភពបានឲ្យដឹងថា ដោយសារតែម្ចាស់ស្នេហារបស់អ្នកនាងចិន្ដា ជាមន្រ្ដីសុរិយោដី ស្រាប់ ហេតុនេះហើយ ការស្វែងរកទីតាំងល្អ និងតម្លៃដី ដើម្បីធ្វើរីសត (Resort) នោះកាន់តែងាយស្រួលនិងជាទីពេញចិត្តរបស់នាង ។

 លោកជីមមី ជំនួយការអ្នកនាងយុគ ចិន្ដា បានទទួលស្គាល់ថា ដំណឹងអ្នកនាងចិន្ដា សង់ រីសត នៅខេត្តកោះ កុងនោះ ជាការពិត ហើយលោកថា មេរបស់លោក ពិតជាបានចុះទៅការដ្ឋានជាញឹកញាប់មែន និងមិនទាន់មានផលិតកម្មវិធីទូរទស្សន៍ថ្មីៗទេ ។ លោកមិនបានបង្ហើបថា អ្នកនាងចិន្ដា និងគូស្នេហ៍ បោះទុនប៉ុន្មាន លើមុខជំនួញថ្មីនេះទេ ប៉ុន្ដែតាមអ្នករកស៊ីផ្នែកនេះ ធ្លាប់ប្រាប់ថា ប្រើដើមទុនដល់ទៅសែនដុល្លារ ទើបអាចបើករមណី យដ្ឋានមួយ ចូលលក្ខណៈស្ដង់ដារ ។

គួរបញ្ជាក់ថា មុនអ្នកនាងយុគ ចិន្ដា បើកសាងសង់រីសត (Resort) នៅខេត្តកោះកុង នេះនាងបានបើកហាងជាបន្ដបន្ទាប់ នៅភ្នំពេញ ក្នុងនោះមានដូចជាភោជនីយដ្ឋាន ចងចាំ Lounge,ហាងអាហារបួស និងហាងកាត់ដេរ ជាដើម ហើយនាងក៏មានហាងនៅអាមេរិក ផងដែរ ដោយមានប្អូនប្រុសនាង ជាអ្នកគ្រប់គ្រងជំនួស ។ក្រៅពីបោះទុនរកស៊ីជាច្រើនផ្នែក ក្នុងពេលតែមួយអ្នកនាងចិន្ដា ក៏មានផ្ទះជួល និងដីធ្លីមួយចំនួនទៀតដែរ ខណៈដែលសព្វថ្ងៃ នាងរស់នៅជាមួយគូស្នេហ៍ ផ្ទះវីឡាដ៏ប្រណីត ក្នុងបុរីអង្គរភ្នំពេញ ខណ្ឌសែនសុខ រាជធានីភ្នំពេញ ។

 អ្នកនាងយុគ ចិន្ដា មិនដែលទម្លាយថា នាងមានទ្រព្យសម្បត្តិសរុបចំនួនប៉ុន្មានទេ ដែលខុសពីលោកព្រាប សុវត្ថិ ត្រូវមនុស្សជំនិតទម្លាយប្រាប់អ្នកកាសែត កាលពីខែកញ្ញា ឆ្នាំ២០២០ ថា មានទ្រព្យ ប្រមាណ ៣០លានដុល្លារ តែអ្នកនាងចិន្ដា ធ្វើសេដ្ឋិនីដោយស្ងាត់ៗ ហើយអំឡុងពេលដែលតារាខ្លះជិតដាច់បាយ ព្រោះខ្សត់ការងារសិល្បៈ និងមួយចំនួនទៀត ហ៊ុមព័ទ្ធទៅដោយបំណុលវ័ណ្ឌកនោះ អ្នកនាងចិន្ដា បែរជាដាក់ទុនធំរកស៊ី នៅ ពេលនេះទៅវិញ ។

 សូមរំលឹកថា អ្នកនាងយុគ ចិន្ដា ទើបតែប្រារពខួបកំណើតគម្រប់៤៨ឆ្នាំ កាលពីថ្ងៃទី២៣ ខែមីនា ឆ្នាំ២០២៥ តែគូស្នេហ៍របស់នាង បានធ្វើពិធីជប់លៀងឲ្យ កាលពីថ្ងៃទី២៥ ខែមីនា ។ យុគ ចិន្ដា ធ្លាប់ប្រាប់ថា នាងចង់រៀបការនៅពេលដែលកូនក្រមុំនាង ឈ្មោះយុគ ដាពេជ្រ ហៅស្រីអម គម្រប់អាយុ១៨ឆ្នាំ គឺឆ្នាំ២០២៤ តែពេលនេះ ចូលខែទី៤ ឆ្នាំ២០២៥ ទៅហើយ នាងបែរជាស្ងាត់សូនឈឹងរឿងក្រាបផ្ទឹមនេះ ក្រោយលុបចោលមង្គលការ ២លើកមកហើយ គឺកាលពីខែឧសភា ឆ្នាំ២០២០ និងខែកក្កដា ឆ្នាំ២០២១ ។ ប៉ុន្ដែលោកជីមមី ជាជំនួយការ បានប្រាប់ថា ចំណងស្នេហាអ្នកនាងចិន្ដា និងម្ចាស់ស្នេហ៍ រលូនល្អ គ្មានឧបសគ្គទេ ជាច្រើនឆ្នាំមកនេះ ។

 មជ្ឈដ្ឋានមហាជន សង្កេតឃើញថា អ្នកនាងយុគ ចិន្ដា ដែលមានវ័យជ្រេបន្ដិចទៅហើយនេះ នាងបានបណ្ដុះ កូនស្រី យុគ ដាពេជ្រ ហៅស្រីអម ឲ្យស្នងតំណែងរបស់ខ្លួន មុនពេលនាងចូលនិវត្តន៍ពីអាជីពពិធីការិនី (MC) ក្រោយប្រឡូកការងារមួយនេះ ជិត៣ទសវត្ស ។ ប៉ុន្ដែអ្នកនាងចិន្ដា ក៏ដូចជា គង់ សុជាតិ មិនដែលបង្ខំកូនឲ្យលេងសិល្បៈឡើយ គឺពួកគេអាចសម្រេចចិត្តធ្វើការងារដែលខ្លួនស្រលាញ់ ទើបពេលនេះ ស្រីអម អត់ទាន់ចាប់អាជីព MC នេះពេញទំហ៊ឹងឡើយ ពោលគឺយូរៗម្ដង ទើបគេឃើញនាងធ្វើពិធីការិនី កម្មវិធីខាងក្រៅទូរ ទស្សន៍ដែលជាការដើរតួនាទីជំនួសម្ដាយនាង រយៈពេលខ្លីៗប៉ុណ្ណោះ ។

តាមប្រភពថា ស្រីអម ចង់ឃើញមា្ដយនាងរៀបការ ហើយនាងធ្វើជាអ្នកកំដម្ដាយដោយផ្ទាល់ ដូចអ្នកនាងចិន្ដា ធ្លាប់គិត ហេតុនេះគេរង់ចាំមើលថា តើពិធីការិនីជើងចាស់រូបនេះនឹងរៀបការមុនខួបកំណើតគម្រប់៥០ឆ្នាំ នៅឆ្នាំ២០២៧ ឬយ៉ាងណា?

RELATED ARTICLES