លោកគួច ខេវិនៈបុរសឯក នារីឯក សម័យមុន សុទ្ធតែជាប្រុសកំលោះ ស្រីក្រមុំ  ខុសពីឥឡូវ សម្រស់មុខកាំបិ…/ត លើកគ្នាទៅប្រកួត តើជាប់ តំណែងស្អី ?!

ភ្នំពេញ៖លោកគួច ខេវិន បានថ្លែងសារនៅថ្ងៃទី៣ ខែមេសា ថា«បុរសឯក នារីឯក សម័យមុនៗ សុទ្ធតែជាប្រុសកំលោះ ស្រីក្រមុំ មុខមាត់ស្រស់ស្អាតដោយធម្មជាតិ តាំងពីកំណើត ខុសពីឥឡូវកំលោះកូនពីរ នារីលែងប្ដី ហើយមុខមាត់សុទ្ធតែសម្រស់មុខកាំបិតក៍លើកគ្នា ទៅចូលរួមប្រកួតបាននិងគេដែរ ?តើជាប់តំណែងស្អីទៅ ?»។

  ប្រតិកម្មរបស់លោកគួច ខេវិន នាពេលនេះកើតមានក្រោយពីអតីតបេក្ខភាពស្រីឆ្លាត ប្រុសឆ្លាត ២០០៨ (Super Boy &Super Girl 2008) លោកឈុន ស៊ីថា ដែលកាលនោះជាប់ចំណាត់ថ្នាក់លេខ៣នោះបានបង្ហោះរូបបេក្ខភាពទទួលបានជ័យលាភីជុំគ្នាសម័យលោកប្រលងដោយថ្លែងសារថាលោកនឹករលឹកដល់អនុស្សាវរីយ៍កាលពីជិត២០ឆ្នាំមុន ចាប់តាំងពីមានប្រពន្ធ​កូន រវល់រៀងៗខ្លួន អត់ដែលបានជួបគ្នាទេ ហើយលោកផ្ញើរក្ដីនឹករលឹកដល់អ្នកទាំងអស់គ្នា  ។លោកស៊ីថា ក៍មិនភ្លេចអរគុណដល់មេរបស់លោកដែរនោះគឺលោក​គួច ខេវិន ដែលកាលពី១៧ឆ្នាំមុន លោកជាអ្នកផលិតនិងដឹកនាំកម្មវិធី Super Boy &Super Girl 2008  នេះដោយផ្ទាល់តែម្ដង ដែលមហាជនលើកឡើងថាបេក្ខភាពស្រីស្អាត ប្រុសស្អាត ប្រុសស្អាត សម័យនោះភាគ ច្រើនគឺសម្រស់ពួកគេអំណោយផលពីធម្មជាតិតែម្ដង គ្មានការកែច្នៃ ឬអ្នកដែលមានប្ដី ប្រពន្ធហើយទៅប្រលងកម្មវិធីបុរសឯក នារីឯកនោះទេ ។ចំណែកទស្សនិកជាច្រើនបាថាការលើកឡើងរបស់លោកខេវិន នេះគឺពិតជាត្រូវនិងឆ្លុះបះញ្ចាំងពីសង្គមនាពេលបច្ចុ​ប្បន្ន ព្រោះមុននេះមានបេក្ខភាពខ្លះទៅប្រលងប្រុសស្អាតភ្នែកស្រឡេវ ដែលធ្វើឲ្យប្រទេសជិតខាងសើចចំអកទៀតផង ខណៈនាងអាណារ៉ូស វិញឡាំប៉ា និងចោទថាម្ចាស់កម្មវិធីមួយល្បីដោយសារតែរូបនាង តែចុងក្រោយធ្វើស៊ីនាង ដោយសារតែមិនបានលទ្ធផលជាទីគាប់ចិត្តនាង។ អ្នកលេងបណ្ដាញសង្គមថាពួកគេមិនបែងចែកឲ្យច្បាស់ថាមួយណាជាកម្មវិធីប្រកួតសម្រស់ មួយណាជាកម្មវិធីប្រកួតពីភាពក្លាហាន ទើបធ្វើឲ្យច្របូកច្របល់ ប្រកួតបវរកញ្ញាកម្មវិធីខ្លះលែងសូវមានតម្លៃ ។

សូមបញ្ជាក់ថាលោកគួច ខេវិន អតីតអគ្គនាយកប្រតិបត្តិ និងជាអ្នកដឹកនាំកម្មវិធីជាន់ខ្ពស់គ្រប់គ្រងផលិតកម្មវិធីកម្សាន្ដរបស់ទូរទស្សន៍CTN ដែលបានបង្កើតកម្មវិធីជាច្រើនក្នុងនោះមានដូចជា«Honda Star Search 2007 » ,«Boys Band 2008 »,«Girl Band 2009 »,«Our Sound 2010 »,« Star Search 2011-2012 »,« Cell card Star 2010 -2012 »…,និងកម្មវិធីជាច្រើនទៀតដូចជា«Double Happiness » ,ការប្រគុំតន្រ្ដី«Entertainment Tonight » និង«Modern Concert »ជាដើម ។លោកគួច ខេវិន ក៍តែងតែត្រូវបានម្ចាស់កម្មវិធីប្រកួតសម្រស់ធំៗអញ្ជើញលោកឲ្យធ្វើជាគណៈកម្មការជាបន្ដបន្ទាប់ ព្រោះតែគេទុកលោកជាអ្នកដែលមានជំនាញច្បាស់​លាស់មួយលើវិស័យសិល្បៈ ។ប៉ុន្ដែគេកម្រឃើញលោកឡើងពាក់ឆៀង ឬម្កុដតាមបណ្ដារកម្មវិធីនោះឲ្យម្ចាស់ជ័យលាភីទៅវិញ ដែលបញ្ហានេះគេសង្ស័យថាលោកខេវិន ពេលខ្លះអាចនឹងមិនសូវត្រូវពេញចិត្តចំពោះសម្ថភាព និងសម្រស់របស់បេក្ខភាពនាពេលបច្ចុប្ប​ន្ន ទៅនិងលទ្ធផលពួកគេទទួលបាន ៕